{"product_id":"invasive-group-a-streptococcal-infection-igas-information-sheet-vagahau-niue-niuean-he8176","title":"Invasive Group A streptococcal infection (iGAS) - Information sheet - Vagahau Niue (Niuean) - HE8176","description":"\u003ch3\u003eTau fakailoaaga mahuiga\u003c\/h3\u003e\n\u003ch2\u003eTau fakailoaaga mahuiga ke lata mo e gagao Invasive Group A streptococcal infection (iGAS) mo lautolu ne kua fakalataha mo lautolu ne kua fakamooli kua moua he gagao\u003c\/h2\u003e\n\u003cp\u003e\u003cstrong\u003eInvasive group A streptococcal infection (iGAS) ko e gagao kelea lahi ha kua totolo e tau moko ti moua e gagao ia ne fakahigoa he fufuta Group A \u003cem\u003eStreptococcus\u003c\/em\u003e (GAS). \u003c\/strong\u003e\u003c\/p\u003e\n\u003cp\u003eKo e moko nai ka hoko ke he haau a tino, to lahi e kafokia ke he tino haau tuga ke he tau vaka toto, tau masolo poke hala fanau he matua fifine fanau foou laia he mukemuke.\u003c\/p\u003e\n\u003cp\u003eKo e gagao iGAS kaeke kua moua e koe, to mafiti haau a tino ke tatalu mo e falu magaaho maeke e tagata ke okioki mo e moui nai kaeke kua kelea lahi. Mahuiga lahi ke fano ke moua e tau lagomatai mafiti.\u003c\/p\u003e\n\u003ch3\u003eTau fakakiteaga mo e tau fakamailoga – Tau mena kua maeke ia koe ke kitia mo e logona\u003c\/h3\u003e\n\u003cp\u003eTau fakamailoga gagao iGAS: \u003c\/p\u003e\n\u003cul\u003e\n\u003cli\u003eTokoluga e fiva (logona e vela ka aamo e tino, lutulutu e tau alaga he tino mo e fuafuaga he vevela mo e momoko he tino kua molea e 38°C) \u003c\/li\u003e\n\u003cli\u003eMamahi e ulu \u003c\/li\u003e\n\u003cli\u003eUka ke fafagu \u003c\/li\u003e\n\u003cli\u003eMamahi lahi e tau alaga tino he tau lima mo e tau hui\u003c\/li\u003e\n\u003cli\u003eMamahi e kakia (fakamolemole fakakia e lau i mua ke moua e tau hatakiaga) \u003c\/li\u003e\n\u003cli\u003eKula po ke mamahi e kili kakano mua atu ke he tau matamotu (fakamolemole fakakia e lau i mua ke moua e tau hatakiaga). \u003c\/li\u003e\n\u003c\/ul\u003e\n\u003ch3\u003eKumi e tau lagomatai he faahi Malolō Tino\u003c\/h3\u003e\n\u003cp\u003eKaeke ko koe po ke fai tagata he kaina haau ne kua fai fakakiteaga mo e logona he tau fakamailoga iGAS, mo e mafiti lahi e hiki he malolo tino mo e kua lahi e tatalu ke he tino. Kaeke kua tupetupe lahi haau a loto, fakamolemole kumi fakamafiti e tau lagomatai ke he faahi malolō tino. Mahuiga lahi kaeke ko koe kua moua e tau fakamailoga gagao iGAS poke fakafetui mo ia ne kua fakamooli kua moua he gagao ia.\u003c\/p\u003e\n\u003cp\u003eMatutaki atu ke he ekekafo magafaoa haau poke faahi malolō tino ke moua e tau lagomatai mafiti. Maeke foki a ko eke vilo atu e numela Healthline \u003ca href=\"Tel:0800611116\" title=\"0800 611 116\" rel=\"noopener\" target=\"_blank\"\u003e0800 611 116\u003c\/a\u003e nakai fai totogi hafagi 24 e tulā 7 e aho he faahi tapu. Ko e laini telefoni nai, maeke ia koe ke moua e tau lagomatai nakai fai totogi ke he tau mena mahuiga haau kua lata ke taute.\u003cstrong\u003e Kaeke kua kelea lahi mo mafiti lahi e tatalu ke he tino haau ti vilo e numela 111. \u003c\/strong\u003e\u003c\/p\u003e\n\u003ch3\u003ePikitia fefē e gagao iGAS\u003c\/h3\u003e\n\u003cp\u003eKo e moko ne totolo fano mo e pikitia e tau tagata ke he gagao iGAS, laulahi ke moua ke he kakia mo e kili tino he tagata. Maeke he tagata ke fakapikitia atu falu tagata kaeke kua koho, tihe, figita poke fakafetui mo e falu tagata foki. Maeke agaia a koe ke moua e moko nai pete ni ka nakai logona e koe e tino haau kua gagao. \u003c\/p\u003e\n\u003ch3\u003eTau tagata ne kua tokoluga e fuafuaaga ke moua he gagao iGAS\u003c\/h3\u003e\n\u003cp\u003eKo e gagao iGAS, maeke ha tagata ke moua, kae mafiti lahi ke pikitia kaeke kua fakafetui auloa a koe mo e tagata kua fakamooli kua moua he gagao iGAS tuga:\u003c\/p\u003e\n\u003cul\u003e\n\u003cli\u003eE tau tagata he magafaoa haau ne nonofo auloa he taha e loto kaina mo koe\u003c\/li\u003e\n\u003cli\u003eKapitiga mahofi poke hoa haau.\u003c\/li\u003e\n\u003c\/ul\u003e\n\u003cp\u003eLaulahi he tau tagata ne kua fakafetui mo ia ne kua moua he gagao iGAS nakai tatalu lahi e tino, kae tumau e mahuiga ke mataala ke he tau fakamailoga mo e tau fakakiteaga he gagao.\u003c\/p\u003e\n\u003ch3\u003eTau hatakiaga ke lata mo e tau mamatua mo e tau mukemuke\u003c\/h3\u003e\n\u003cp\u003eKaeke ko e matua fifine ne fanau foou laia e mukemuke ti moua he mukemuke foou e gagao iGAS 28 e aho he fanau ai, ko e matua fifine poke mukemuke ne nakai moua he gagao, kua mahuiga ke moua e tau vai tului ke puipui aki ke nakai moua he gagao. Ko ekekafo po ke tau pulotu faahi malolõ tino ka puhala e tau lagomatai kua lata tonu mo koe.\u003c\/p\u003e\n\u003ch3\u003eTau Puipuiaga\u003c\/h3\u003e\n\u003cp\u003eMaeke ia koe ke tukutuku hifo e totolo he moko nai ne moua e gagao iGAS ka:\u003c\/p\u003e\n\u003cul\u003e\n\u003cli\u003e\n\u003cstrong\u003eHoloholo tumau e tau lima:\u003c\/strong\u003e Fakaaoga e magamoli mo e vai, holoholo ke meā, ti fakamomō e tau lima ke momō.\u003c\/li\u003e\n\u003cli\u003e\n\u003cstrong\u003ePili e tau matamotu:\u003c\/strong\u003e kaeke kua fai matamotu e tino haau, mitaki ke pili aki e tau koloa pili matamotu pauaki.\u003c\/li\u003e\n\u003cli\u003e\n\u003cstrong\u003eNakai tufatufa viko e fakaaogaaga he tau koloa haau ne fakaaoga e koe tokotaha:\u003c\/strong\u003e tau koloa tuga e tau tauvela, tau kapiniu po ke tau kananifo kua lata ne nakai fakaaoga auloa mo e falu tagata. Kaeke ka fakaoga falu tagata haau a tauvela, mailoga ke unu mua e tauvela haau aki e moli unu.\u003c\/li\u003e\n\u003c\/ul\u003e\n\u003ch3\u003eKo e heigoa he tau tagata ne fakafetui mo lautolu kua fakamooli kua moua he gagao, kua lata ke taute?\u003c\/h3\u003e\n\u003cp\u003e\u003cstrong\u003eKaeke ko koe ne kua fakafetui auloa mo e tagata kua fakamooli kua moua he gagao iCAS,\u003c\/strong\u003e maeke agaia a koe ke taute e tau gahua haau ne fa mahani ke taute he tau aho takitaha, kae mataala ke he tau fakamailoga gagao iGAS he 30 e tau aho ki mua.\u003c\/p\u003e\n\u003cp\u003e\u003cstrong\u003eKaeke ko koe po ke fai tagata he kaina haau ne kua mamahi e kakia he 30 e tau aho ki mua,\u003c\/strong\u003e mua atu ka pehe ko lautolu:\u003c\/p\u003e\n\u003cul\u003e\n\u003cli\u003eKo e tau Maori po ke Pasifika he tau vahaloto he 3 e tau tau moui ke he 35\u003c\/li\u003e\n\u003cli\u003eNe fai tagata he magafaoa po kef ai tagata foki he loto kaina ne kua fita he moua e rheumatic fever.\u003c\/li\u003e\n\u003c\/ul\u003e\n\u003cp\u003eMahuiga lahi ke matutaki a koe ke he ekekafo haau po ke faahi malolō tino pete ni ka nakai fai fakamailoga gagao a koe. Mitaki ke talaage e kia lautolu kua fakafetui a koe mo e taha tagata kua fakamooli kua moua he gagao iGAS.\u003c\/p\u003e\n\u003cp\u003e\u003cstrong\u003eKaeke ko koe po ke taha tagata he loto kaina haau ne kua moua e tau magiho mo e tau tatalu ke he kili he tino haau he 30 e tau aho ki mua,\u003c\/strong\u003e mahuiga lahi ke matutaki a koe ke he ekekafo haau po ke faahi malolō tino.Mitaki ke talaage kia lautolu kua fakafetui a koe mo e taha tagata kua fakamooli kua moua he gagao iGAS.\u003c\/p\u003e\n\u003cp\u003e\u003cstrong\u003eKaeke kua logona e koe e tino haau kua nakai malolō mitaki he 30 e tau aho ki mua,\u003c\/strong\u003e mahuiga lahi ke matutaki a koe ke he ekekafo haau po ke faahi malolō tino. Mitaki ke talaage kia lautolu kua fakafetui a koe mo e taha tagata kua fakamooli kua moua he gagao iGAS. Maeke foki a koe ke uta e laupepa he fakailoaaga nai mo koe ke fakakite age kia lautolu.\u003c\/p\u003e\n\u003ch3\u003eKe moua e tau fakamaamaaga mo e tau hatakiaga nakai fai totogi\u003c\/h3\u003e\n\u003cul\u003e\n\u003cli\u003eKumi atu e kupega hila Health New Zealand | Te Whatu Ora website \u003ca href=\"https:\/\/www.healthnz.govt.nz\/health-topics\/conditions-treatments\/infectious-diseases\/igas-invasive-group-a-streptococcal-infection\"\u003eiGAS (invasive group A streptococcal infection)\u003c\/a\u003e\n\u003c\/li\u003e\n\u003cli\u003eVilo atu e numela telefoni nakai fai totogi Healthline \u003ca href=\"Tel:0800611116\" title=\"0800 611 116\" rel=\"noopener\" target=\"_blank\"\u003e0800 611 116\u003c\/a\u003e he ha magaaaho ne manako a koe ki ai 24 e tulā fitu e aho he faahi tapu. Maeke ia koe ke fifili ke tutala mo e taha pulotu faahi malolō tino kaeke kua vilo a koe he tau tulā matahola 8 he magaaho pogipogi ke he matahola 8 he afiafi. Fai lagomataiaga fakahokohoko kupu mo e fakaholoaga NZ Relay ke puhala e tau lagomatai kaeke kua manako.\u003c\/li\u003e\n\u003cli\u003eKe lata mo e tau tagata ne nonofo he tau maaga i tua po ke ahiahi atu ke he tau maaga i tua, maeke a koe ke matutaki atu ke he ekekafo i fafo he tula hafagi ke he Ka Ora Telecare ke he numela telefoni nakai fai totogi, 0800 2 KA ORA \u003ca href=\"tel:0800252672\" title=\"call 0800 252 672\" rel=\"noopener\" target=\"_blank\"\u003e0800 252 672\u003c\/a\u003e po ke kumi atu e kupega hila kaora.co.nz. Hafagi e laini telefoni nai he tau tulā 5:00pm – 8:30am he tau aho he faahi tapu, mo e 24 e tula he tau aho okioki vahā tapu mo e tau aho okioki.\u003c\/li\u003e\n\u003cli\u003eFai fakaholoaga nakai fai totogi mai he kautaha NZ Relay Services he ha lautolu a kupega hila \u003ca href=\"https:\/\/nzrelay.co.nz\/index\"\u003eNew Zealand Relay Services\u003c\/a\u003e kaeke kua tuli haau a tau teliga po ke nakai logona mitaki, pouli e tau mata poke fai lekua e puhala vagahau mo e tutala haau.\u003c\/li\u003e\n\u003c\/ul\u003e\n\u003ch3\u003eTau lagomatai ke lata mo e tau huki puipui ke lata mo e tau tagata ne nakai malolō mitaki e tau alaga tino\u003c\/h3\u003e\n\u003cul\u003e\n\u003cli\u003eHa hā i ai e numela telefoni taute pauaki ke lata mo lautolu ne nakai malolō lahi e tau alaga tino mai he Aho Gofua ke he Aho Falaile, he tau tulā 8 he magaaho pogipogi ke he matahola 5 he magaaho afiafi. Vilo atu he numela \u003ca rel=\"noopener\" title=\"call 0800 11 12 13\" href=\"tel:0800111213\" target=\"_blank\"\u003e0800 11 12 13\u003c\/a\u003e nakai fai totogi po ke text atu e numela \u003ca rel=\"noopener\" title=\"text 8988\" href=\"sms:8988\" target=\"_blank\"\u003e8988\u003c\/a\u003e ke moua e tau lagomatai mo e tau fakalaulahiaga po ke kumi atu e kupega hila \u003ca href=\"https:\/\/healthpoint.co.nz\/disability-helpline\/\"\u003eDisability Helpline Healthpoint\u003c\/a\u003e\n\u003c\/li\u003e\n\u003c\/ul\u003e","brand":"HealthEd","offers":[{"title":"Default Title","offer_id":49185159250148,"sku":"HE8176","price":0.0,"currency_code":"NZD","in_stock":true}],"thumbnail_url":"\/\/cdn.shopify.com\/s\/files\/1\/0102\/6916\/3582\/files\/6.0HE8176CDiGASIS_Niue.jpg?v=1781818590","url":"https:\/\/healthed.govt.nz\/products\/invasive-group-a-streptococcal-infection-igas-information-sheet-vagahau-niue-niuean-he8176","provider":"HealthEd","version":"1.0","type":"link"}