{"product_id":"invasive-group-a-streptococcal-infection-igas-me-ona-papatanga-information-sheet-english-he8181","title":"Invasive Group A streptococcal infection (iGAS) me ōna pāpātanga - Pepa pārongo - te reo Māori - HE8181","description":"\u003cp\u003e\u003cstrong\u003eKo te pokenga Invasive Group A streptococcal (iGAS) he mate kitakita kino ka takea mai i te kitakita e kīia ana ko te Group A Streptococcus (GAS). \u003c\/strong\u003e\u003c\/p\u003e\n\u003cp\u003eKa kino te māuiui ina uru tēnei kitakita ki ētahi wāhanga o tō tinana pēnei i te toto, i te uaua, me te ara whakawhānau i muri i te whānautanga o te pēpi.\u003c\/p\u003e\n\u003cp\u003eMā te iGAS e tino māuiui ai te tangata, e mate ai rānei i ētahi wā. Me mātua kimi āwhina, kia wawe.\u003c\/p\u003e\n\u003ch2\u003eNgā tohumate – Ngā āhuatanga ka kitea, ka rangona\u003c\/h2\u003e\n\u003cp\u003eKo ngā tohumate o te iGAS, he:\u003c\/p\u003e\n\u003cul\u003e\n\u003cli\u003ekirikā (he wera te kiri, he korohāwini, he neke atu i te 38°C te kirikā)\u003c\/li\u003e\n\u003cli\u003eānini māhunga\u003c\/li\u003e\n\u003cli\u003emanawa hē\u003c\/li\u003e\n\u003cli\u003ekino te ngau o te mamae i te ringa, i te waewae\u003c\/li\u003e\n\u003cli\u003ewhana te korokoro (he tohutohu anō kei te whārangi e whai ake nei)\u003c\/li\u003e\n\u003cli\u003emāngeongeo te kiri harehare, he mamae rānei (he tohutohu anō kei te whārangi e whai ake nei).\u003c\/li\u003e\n\u003c\/ul\u003e\n\u003ch2\u003eTe rapu āwhina hauora\u003c\/h2\u003e\n\u003cp\u003eMēnā ko koe, ko tētahi rānei i tō whare ka pāngia e ngā tohumate o te iGAS, ka tere māuiui rānei, me he anipā rānei kei a koe, tēnā, kia wawe te rapu āwhina hauora. He mea nui tēnei mēnā kua pātata koe, tētahi atu rānei ki tētahi tangata kua pāngia e te iGAS.\u003c\/p\u003e\n\u003cp\u003eMe wawe te whakapā atu ki tō GP, ki tō kaiwhakarato hauora me te kimi āwhina. Waea atu rānei ki Healthline \u003cspan\u003e\u003ca href=\"Tel:0800611116\" title=\"call 0800 611 116\" rel=\"noopener\" target=\"_blank\"\u003e0800 611 116\u003c\/a\u003e\u003c\/span\u003e ahakoa te hāora o te rā 24\/7 mō ētahi tohutohu hauora kore utu, me ētahi mōhiotanga hei ārahi i tō ara whakamua. Ina tūpono ohotata, waea atu ki \u003cstrong\u003e111\u003c\/strong\u003e.\u003c\/p\u003e\n\u003cp\u003eMēnā ehara te reo Pākehā i tō reo tuatahi, he kaiwhakamāori kei a Healthline. Mēnā he hauātanga ōu, he tangata Turi koe, he taringa āhua turi ōu, he tangata turi matapō koe, he ārai whakaputa kupu rānei ōu tēnā tirohia ngā ratonga hauora e rārangi mai ana kei te hiku o tēnei pepa pārongo.\u003c\/p\u003e\n\u003ch2\u003eTe rere o te iGAS\u003c\/h2\u003e\n\u003cp\u003eKo ngā kitakita e takea mai ai te iGAS ka kaha kitea i te korokoro me te kiri. Ka rere te kitakita ka mare ana, ka tīhei ana, ka kihi ana, ka pātata ana te tangata. Ahakoa kei a koe pea ēnei kitakita ehara i te mea ka māuiui koe. \u003c\/p\u003e\n\u003ch2\u003eTe hunga ngāwari kia pāngia\u003c\/h2\u003e\n\u003cp\u003eKa pā pea te iGAS ki a wai, engari he nui ake te tūpono ka pāngia mēnā kua tata koe ki tētahi atu e pāngia ana e te iGAS, pēnei i:\u003c\/p\u003e\n\u003cul\u003e\n\u003cli\u003engā mema o te whānau, me ō hoa noho\u003c\/li\u003e\n\u003cli\u003ete hoa piri tata, te whaiāipō.\u003c\/li\u003e\n\u003c\/ul\u003e\n\u003cp\u003eKo te nuinga o ngā tāngata ka tata atu ki tētahi e pāngia ana e te iGAS kāore e māuiui, engari me mātua mataara tonu ki ngā tohumate.\u003c\/p\u003e\n\u003ch2\u003eHe tohutohu motuhake mō ngā mātua me ngā pēpi\u003c\/h2\u003e\n\u003cp\u003eKi te pāngia tētahi kātahi anō ka whakawhānau pēpi, tāna pēpi rānei e te iGAS i roto i ngā rā 28 i muri i te whānautanga, me whai rongoā te matua, te pēpi rānei kāore e pāngia ana e te iGAS, kia kore ai ia e māuiui. Ka āwhina tētahi tākuta, tētahi kaiwhakarato hauora rānei i a koe kia whai i te rongoā e tika ana.\u003c\/p\u003e\n\u003ch2\u003eTe Kaupare i te Mate\u003c\/h2\u003e\n\u003cp\u003eMe whakaheke i te tūpono ka pāngia koe e te iGAS mā:\u003c\/p\u003e\n\u003cul\u003e\n\u003cli\u003e\n\u003cstrong\u003ete horoi ringaringa:\u003c\/strong\u003e Whakamahia te hopi me te wai, horoia kia pai, ā, kia tika te whakamaroke.\u003c\/li\u003e\n\u003cli\u003e\n\u003cstrong\u003ete tāpi i ngā motunga kiri:\u003c\/strong\u003e kia āta tiakina ngā motunga kiri kia mā, kia tāpia.\u003c\/li\u003e\n\u003cli\u003e\n\u003cstrong\u003ete kaiponu i ō rawa whaiaro:\u003c\/strong\u003e Kāore e tika kia tohaina ngā mea pēnei i ngā tauera, i ngā kapu, i ngā paraihe niho. Mēnā he take me hāpai te tokorua i te rawa kotahi pēnei i te tauera, me mātua horoi ki te hopi horoi kākahu, ka tohaina ai.\u003c\/li\u003e\n\u003c\/ul\u003e\n\u003ch2\u003eMe aha te pāpātanga?\u003c\/h2\u003e\n\u003cp\u003e\u003cstrong\u003eMēnā i tata koe ki tētahi tangata e pāngia ana e te iGAS\u003c\/strong\u003e, e pai ana tō mahi i ngā mahi o ia rā, engari me mataara ki ngā tohumate o te iGAS mō te 30 rā.\u003c\/p\u003e\n\u003cp\u003e\u003cstrong\u003eIna whana tō korokoro, tērā rānei o tētahi o tō whare hei ngā rā 30 e tū mai nei, ā,\u003c\/strong\u003e\u003c\/p\u003e\n\u003cul\u003e\n\u003cli\u003ehe Māori koe, he tangata nō Te Moananui-a-Kiwa rānei, ā, kei waenganui i te 3 me te 35 tau te pakeke\u003c\/li\u003e\n\u003cli\u003ehe whanaunga kei te kāinga i pāngia e te mate rūmātiki i mua.\u003c\/li\u003e\n\u003c\/ul\u003e\n\u003cp\u003eMe mātua whakapā atu koe ki tō tākuta, ki tētahi kaiwhakarato hauora rānei ahakoa kāore pea he tohumate. Me whakamōhio atu koe kua pātata koe ki tētahi e pāngia ana e te iGAS.\u003c\/p\u003e\n\u003cp\u003e\u003cstrong\u003eIna pā mai te mate kiri ki a koe, ki tētahi rānei o tō whare hei ngā rā 30 e tū mai nei, \u003c\/strong\u003ehe mea nui kia whakapā atu koe ki tō tākuta, tētahi rānei o ngā kaimahi hauora. Me whakamōhio atu kua pātata koe ki tētahi e pāngia ana e te iGAS.\u003c\/p\u003e\n\u003cp\u003e\u003cstrong\u003eKi te māuiui koe hei ngā rā 30 e haere ake nei,\u003c\/strong\u003e me wawe te whakapā atu ki tō tākuta, ki tō kaiwhakarato hauora rānei. Me whakamōhio atu koe kua pātata koe ki tētahi e pāngia ana e te iGAS. Me hari anō hoki i tēnei puka hei whakaatu atu ki a ia.\u003c\/p\u003e\n\u003ch2\u003eMō te kupu āwhina hauora koreutu\u003c\/h2\u003e\n\u003cul\u003e\n\u003cli\u003eToroa te paetukutuku o Hauora Aotearoa | Te Whatu Ora \u003ca href=\"https:\/\/www.healthnz.govt.nz\/health-topics\/conditions-treatments\/infectious-diseases\/igas-invasive-group-a-streptococcal-infection\"\u003eiGAS (invasive group A streptococcal infection)\u003c\/a\u003e\n\u003c\/li\u003e\n\u003cli\u003eWaea atu ki Healthline \u003cspan\u003e\u003ca href=\"Tel:0800611116\" title=\"call 0800 611 116\" rel=\"noopener\" target=\"_blank\"\u003e0800 611 116\u003c\/a\u003e\u003c\/span\u003e ahakoa te hāora o te rā 24\/7 mō ētahi tohutohu hauora koreutu, me ētahi mōhiotanga hei ārahi i tō ara whakamua. E wātea ana ki a koe he kaimātai hauora Māori ki te waea koe i waenga i te 8am me te 8pm. He ratonga whakawhiti reo, \u003ca href=\"https:\/\/www.nzrelay.co.nz\/index\"\u003eNew Zealand Relay Services\u003c\/a\u003e hoki e wātea ana ki a koe.\u003c\/li\u003e\n\u003cli\u003eMō te hunga e noho ana, e toro ana rānei ki ngā wāhi tuawhenua, ka taea te whakapā atu ki tētahi tākuta i ngā hāora kore mahi ki Ka Ora Telecare \u003cstrong\u003e0800 2 KA ORA\u003c\/strong\u003e (\u003cspan\u003e\u003ca href=\"Tel:0800252672\" title=\"call 0800 252 672\" rel=\"noopener\" target=\"_blank\"\u003e0800 252 672\u003c\/a\u003e\u003c\/span\u003e) rānei\u003cspan\u003e \u003ca href=\"https:\/\/kaora.co.nz\/app\/\"\u003eKa Ora Telecare\u003c\/a\u003e\u003c\/span\u003e Kei te wātea tēnei ratonga mai i te 5.00pm ki te 8.30am i ngā rā o te wiki, ā, 24 hāora te wātea hei ngā rā whakatā me ngā hararei tūmatanui.\u003c\/li\u003e\n\u003cli\u003eHe ratonga kore utu te NZ Relay Service, kei \u003ca href=\"https:\/\/www.nzrelay.co.nz\/index\"\u003eNew Zealand Relay Services\u003c\/a\u003e mēnā he tangata Turi koe, he taringa āhua turi ōu, he tangata turi matapō koe, he ārai whakaputa kupu rānei ōu.\u003c\/li\u003e\n\u003c\/ul\u003e\n\u003ch2\u003eDisability Immunisation Helpline\u003c\/h2\u003e\n\u003cul\u003e\n\u003cli\u003eHe waea motuhake mō te hunga hauā e wātea ana i te Mane ki te Paraire, mai i te 8.00am ki te 5.00pm. Waea koreutu ki \u003cspan\u003e\u003ca href=\"Tel:0800111213\" title=\"call 0800 11 12 13\" rel=\"noopener\" target=\"_blank\"\u003e0800 11 12 13\u003c\/a\u003e\u003c\/span\u003e, \u003cspan\u003e\u003ca href=\"SMS:8988\" title=\"text 8988\" rel=\"noopener\" target=\"_blank\"\u003etukua rānei he kuputuhi ki 8988\u003c\/a\u003e\u003c\/span\u003e mō ētahi kupu āwhina, whakamārama, me toro rānei i a \u003cspan\u003e\u003ca rel=\"noopener\" title=\"Disability Helpline\" href=\"https:\/\/healthpoint.co.nz\/disability-helpline\/\" target=\"_blank\"\u003eDisability Helpline\u003c\/a\u003e\u003c\/span\u003e\n\u003c\/li\u003e\n\u003c\/ul\u003e","brand":"HealthEd","offers":[{"title":"Default Title","offer_id":49083036631268,"sku":"HE8181","price":0.0,"currency_code":"NZD","in_stock":true}],"thumbnail_url":"\/\/cdn.shopify.com\/s\/files\/1\/0102\/6916\/3582\/files\/3.0HE8181CDiGASIS_tereoMaori.jpg?v=1780618802","url":"https:\/\/healthed.govt.nz\/products\/invasive-group-a-streptococcal-infection-igas-me-ona-papatanga-information-sheet-english-he8181","provider":"HealthEd","version":"1.0","type":"link"}