{"product_id":"rheumatic-fever-information-sheet-vagahau-niue-niuean-he8169","title":"Rheumatic fever - information sheet - Vagahau Niue (Niuean) - HE8169","description":"\u003ch3\u003eTau fakailoaaga mahuiga\u003c\/h3\u003e\n\u003ch2\u003eRheumatic fever\u003c\/h2\u003e\n\u003cp\u003e\u003cstrong\u003e‘E Ko e gagao hagahagakelea e rheumatic fever mo e to malona foki e atevili haau. Ko e fakamailoga fakamua he gagao nai ko e mamahi e pū kakia. Tokologa kia lautolu ve hahāloto he tau tau 3 ke he 35 ne moua e gagao nai.\u003c\/strong\u003e\u003c\/p\u003e\n\u003cp\u003eMaeke ia koe ke moua e gagao nai kaeke kua fai tagata he kaina kua moua e rheumatic fever.\u003c\/p\u003e\n\u003cp\u003e\u003cstrong\u003eVilo atu ke he toketā magafaoa, toketā po ke kiliniki haau, po ke vilo atu e Healthline he numela \u003ca href=\"Tel:0800611116\" title=\"call 0800 611 116\" rel=\"noopener\" target=\"_blank\"\u003e0800 611 116\u003c\/a\u003e he tau magaaho oti 24\/7 \u003c\/strong\u003ekaeke kua fai tagata he vahaloto he tau tau 3 ke he 35 he loto kaina kua mamahi e pū kakia.\u003c\/p\u003e\n\u003cp\u003eMatutaki atu tūmau ke he faahi malolō tino kaeke kua fai tagata ka mamahi e pū kakia.\u003c\/p\u003e\n\u003cp\u003eKo e fakamailoga fakamua e mamahi he pū kakia, māeke foki e rheumatic fever ke:\u003c\/p\u003e\n\u003cul\u003e\n\u003cli\u003emoumou e atevili\u003c\/li\u003e\n\u003cli\u003efakamamahi e tau matatuli, tepuhui, tulilima po ke tau tutakiaga he tau polohui\u003c\/li\u003e\n\u003cli\u003efakalutulutu e tau pololima ne kehe lahi\u003c\/li\u003e\n\u003c\/ul\u003e\n\u003cp\u003eTo māeke ke malona e tau hokohoko he atevili kaeke ka moua e tagata he gagao rheumatic fever. Fakahigoa e mena nai ko e gagao rheumatic fever. Ko lautolu ne moua he gagao nai to huki antibiotics tūmau he tau aho 28 oti (fā e faahi tapu) ke he 10 e tau ki luga, ke taofi ua liu ke moua e gagao rheumatic fever, mo e puipui atu ke ua liu fai malona foki ke he atevili. Fa mahani falu a tagata ne moua he gagao rheumatic fever to iihi he ekekafo e atevili.\u003c\/p\u003e\n\u003ch3\u003eMoua fēfē e rheumatic fever\u003c\/h3\u003e\n\u003cp\u003eKamata e rheumatic fever ha ko e moko ne higoa ko e Group A Streptococcus po ke “strep’ fa mahani ki ai.\u003c\/p\u003e\n\u003cp\u003eNofo e moko nai he pū kakia haau mo e nakai kitia ha fakamailoga, ka e falu a tagata, to mamahi e pū kakia po ke fai gagao ke he pū kakia (fakaPalagi ko e strep throat).\u003c\/p\u003e\n\u003cp\u003eFalu a magaaho tau tagata ne hāhā i ai e strep throat to moua a lautolu he rheumatic fever. Mitaki lahi ke moua e tului ka mamahi e pū kakia ke puipui ua totolo e moko strep.\u003c\/p\u003e\n\u003cp\u003ePehē falu a kumikumiaga liga moua e rheumatic fever kaeke kua lauia e kakano ke he moko strep, ka e nakai la iloa tonu ia.\u003c\/p\u003e\n\u003ch3\u003eTau fakamailoga- tau mena ke kitia moe logona hifo e koe\u003c\/h3\u003e\n\u003ch4\u003eKumikumi ke moua taha tului ka mamahi e pū kakia\u003c\/h4\u003e\n\u003cp\u003eKoe fakamailoga fa mahani ke he rheumatic fever ko e mamahi e pū kakia. Kia lautolu e tau fanau ikiiki, mamahi e pū kakia mo e uka ke folo po ke uka ke kai po ke inu.\u003c\/p\u003e\n\u003ch4\u003eMataala atu ke he tau fakamailoga he gagao rheumatic fever\u003c\/h4\u003e\n\u003cp\u003eKe he tau tagata ne hāhā i ai e strep, nakai moua oti a lautolu he rheumatic fever. Tau tagata ne moua he rheumatic fever kua kitia ki ai e tau fakamailoga he vahaloto taha ke he lima e faahi tapu he mole mai e mamahi he pū kakia:\u003c\/p\u003e\n\u003cul\u003e\n\u003cli\u003eMamahi e tutakiaga he tau polohui - fakamailoga fa mahani ki ai a nai. To kula e tau tutakiaga he tau polohui, fufula mo e velavela ka aamo. To kehe e polohui ka mamahi he taha aho. To fakatitō ka laka po ke uka ke lakahui he mamahi e tau tutakiaga.\u003c\/li\u003e\n\u003cli\u003eHotehote e fafagu- kū e fafagu ka faofao e tino\u003c\/li\u003e\n\u003cli\u003ePatapata e tino\u003c\/li\u003e\n\u003cli\u003eMamahi e tau teputepu ikiiki ke he lalo kili he tau tuli lima, tau panelima, tau matatuli, tau tepuhui mo e hokotua\u003c\/li\u003e\n\u003cli\u003eFakalutulutu e tau lima, tau hui, alelo mo e foliga mata. Fakatatai atu ke he tagata nakai maeke ke nofo taha. Oti e tau fakalutulutu nai kaeke ka mohe.\u003c\/li\u003e\n\u003c\/ul\u003e\n\u003cp\u003eKe he tau Tamariki (fanau ikiiki) mo e rangatahi (tau fanau fuata):\u003c\/p\u003e\n\u003cul\u003e\n\u003cli\u003eMamahi e manava\u003c\/li\u003e\n\u003cli\u003eTō hifo e mamafa he tino\u003c\/li\u003e\n\u003cli\u003eLolelole tumau\u003c\/li\u003e\n\u003cli\u003eFai aho he 38°C ki luga e vevela mo e fiva.\u003c\/li\u003e\n\u003c\/ul\u003e\n\u003cp\u003eTo galo fakahaga e tau fakamailoga nai. Ka e to tūmau e malona ke he atevili.\u003c\/p\u003e\n\u003ch3\u003eKumi lagomatai mai he faahi malōlō tino\u003c\/h3\u003e\n\u003cp\u003e\u003cstrong\u003eKaeke ka mamahi e pū kakia haau po ke taha he vahaloto 3 ke he 35 e tau moui ke he loto kaina, vilo atu e toketā magafaoa, toketā po ke kiliniki haau po ke Healthline he numela \u003ca href=\"Tel:0800611116\" title=\"call 0800 611 116\" rel=\"noopener\" target=\"_blank\"\u003e0800 611 116\u003c\/a\u003e he tau magaaho oti 24\/7. \u003c\/strong\u003e\u003c\/p\u003e\n\u003cp\u003eTo fakailoa atu he kiliniki kaeke ka manako ke finatu a koe ke moua taha fuafuaaga, mo e moua e tau tegavai antibiotics ma haau mo lautolu he loto kaina.\u003c\/p\u003e\n\u003cp\u003eFa maahani foki e tau tagata ke moua laga taha ki luga e rheumatic fever, mena ia kua mahuiga ke finatu ke tivi kaeke kua mamahi e pū kakia haau.\u003c\/p\u003e\n\u003cp\u003eLiga manako foki e toketā haau ke tivi a koe kaeke kua fai lekua ke he kakano haau ha ko e strep nai mo e moua e tau tegavai antibiotics ke inu a koe. Tau fakamailoga ke he kakano ha ko e strep:\u003c\/p\u003e\n\u003cul\u003e\n\u003cli\u003ePatapata kula ti magiho e kakano mo e kolopūpū ti matapaku (mua atu ke he ihu, gutu po ke tau hui), po ke\u003c\/li\u003e\n\u003cli\u003eKula, velavela, fufula po ke mamahi e kili.\u003c\/li\u003e\n\u003c\/ul\u003e\n\u003ch3\u003eTau puipui\u003c\/h3\u003e\n\u003cp\u003eMukamuka e strep ke totolo he tau loto kaina, mua atu ka tokologa ne nonofo mo e momohe he taha e poko.\u003c\/p\u003e\n\u003cp\u003eMohā ia, hanai falu a puhala ke taofi ua totolo e strep:\u003c\/p\u003e\n\u003cul\u003e\n\u003cli\u003eUa inu auloa he taha e lupo inu, tau koloa he poko kai, tau mena kai po ke mama e mena kai he taha muke. Ko e tau puhala nai ne maeke ke moua e moko strep mai he taha tagata.\u003c\/li\u003e\n\u003cli\u003eUa tauteute e tau mena kai ma e falu he loto kaina kaeke kua nakai malolō a koe po kef ai lekua ke he kakano haau.\u003c\/li\u003e\n\u003cli\u003eUufi e gutu ka koho po ke tihe, liti ke he otaota e holoholo laupepa, mo e holoholo aki e magamoli mo e vai ti fakamōmō e tau lima.\u003c\/li\u003e\n\u003cli\u003eLali ke ua tokologa ka momohe he taha e poko po ke mohega.\u003c\/li\u003e\n\u003c\/ul\u003e\n\u003ch3\u003eKe moua e tau fakalaulahiaga\u003c\/h3\u003e\n\u003cul\u003e\n\u003cli\u003eKumi atu ke he Health New Zealand | Te Whatu Ora he kupega hila \u003ca href=\"https:\/\/www.healthnz.govt.nz\/health-topics\/conditions-treatments\/infectious-diseases\/rheumatic-fever\" title=\"Rheumatic fever\" rel=\"noopener\" target=\"_blank\"\u003eRheumatic fever\u003c\/a\u003e\n\u003c\/li\u003e\n\u003cli\u003eKaeke kua tuli e tau teliga, uka ke logona po ke pouli e tau mata, kumi atu ke he matakau \u003ca href=\"https:\/\/nzrelay.co.nz\/index\"\u003eNew Zealand Relay Services\u003c\/a\u003e he nzrelay.co.nz.\u003c\/li\u003e\n\u003cli\u003eVilo atu e Healthline he numela \u003ca href=\"Tel:0800611116\" title=\"call 0800 611 116\" rel=\"noopener\" target=\"_blank\"\u003e0800 611 116\u003c\/a\u003e ha magaaho ni 24\/7 ka manako ke moua falu a lagomatai nakai fai totogi. Ka manako, maeke ia koe ke tutala at mo e tagata ne vagahau Māori kaeke ka vilo atu a koe he tau tulā 8am ke he 8pm. Hāhā i ai e tau tagata fakahokohoko mo e NZ Relay ke lagomatai a koe.\u003c\/li\u003e\n\u003cli\u003e Kia lautolu ne nonofo he tau maaga mamao, matūtaki atu ke he toketā he tau magaaho nakai gahua he Ka Ora Telecare he numela telefoni 0800 2 KA ORA (\u003ca href=\"Tel:0800252672\" title=\"call 0800 252 672\" rel=\"noopener\" target=\"_blank\"\u003e0800 252 672\u003c\/a\u003e) po ke kupega hila \u003ca href=\"https:\/\/kaora.co.nz\/app\/\"\u003eKa Ora Telecare\u003c\/a\u003e Hafagi a lautolu he tau matahola 5.00pm ke he 8.30am he tau aho gahua he vaha tapu, mo e 24 e tulā he tau okioki vaha tapu mo e tau aho okioki.\u003c\/li\u003e\n\u003cli\u003eTaha pauaki e laini telefoni ke lata mo lautolu ia, hafagi he Aho Gofua ke he Aho Falaile hola 8.00am ke he 5.00pm. Vilo atu e numela telefoni nakai totogi \u003ca href=\"Tel:0800111213\" title=\"call 0800 11 12 13\" rel=\"noopener\" target=\"_blank\"\u003e0800 11 12 13\u003c\/a\u003e po text atu e numela \u003ca href=\"SMS:8988\" title=\"text 8988\" rel=\"noopener\" target=\"_blank\"\u003e8988\u003c\/a\u003e ka manako lagomatai po ke kumi atu e kupega hila \u003ca rel=\"noopener\" title=\"Disability Helpline\" href=\"https:\/\/healthpoint.co.nz\/disability-helpline\/\" target=\"_blank\"\u003eDisability Helpline\u003c\/a\u003e\n\u003c\/li\u003e\n\u003c\/ul\u003e","brand":"HealthEd","offers":[{"title":"Default Title","offer_id":49167259631844,"sku":"HE8169","price":0.0,"currency_code":"NZD","in_stock":true}],"thumbnail_url":"\/\/cdn.shopify.com\/s\/files\/1\/0102\/6916\/3582\/files\/3.0HE8169CDAcuteRheumaticFeverIS_Niuean.jpg?v=1781576115","url":"https:\/\/healthed.govt.nz\/products\/rheumatic-fever-information-sheet-vagahau-niue-niuean-he8169","provider":"HealthEd","version":"1.0","type":"link"}