{"product_id":"supporting-your-care-with-shared-health-information-te-reo-maori-he2969-mri","title":"Supporting your care with shared health information - Te tautoko i ō maimoa mā ngā mōhiohio hauora pātahi - te reo Māori - HE2969-MRI","description":"\u003ch2\u003eNgā mōhiohio hauora kua whakawhānuitia, ngā maimoa pai ake\u003c\/h2\u003e\n\u003cp\u003eKei te whakawhānuitia e mātau ngā mōhiohio e wātea ana ki ō rata me ētahi atu kaiwhakarato hauora, ahakoa kei hea koe i Aotearoa. Kei te mahia e mātou tēnei mā tētahi pūtūhono mōhiohio hauora hou e kīia ana ko te Pūkete Hauora Matihiko Pātahi.\u003c\/p\u003e\n\u003cul\u003e\n\u003cli\u003eMā tēnei ka kitea e ngā kaiwhakarato hauora ō mōhiohio hauora hira kia tino manaakitia koe e rātou, tae atu ki ngā āhuatanga whāwhai i ngā wā kāore koe i te kāinga.\u003c\/li\u003e\n\u003cli\u003eKo te whakarite kia wātea mai ēnei mōhiohio i ngā whare rata, ngā taka rongoā, ngā hōhipera, ngā ratonga waka tūroro me ngā whakanōhanga tiaki tūroro e tiaki ana i a koe.\u003c\/li\u003e\n\u003cli\u003eKua tuaritia kētia ngā mōhiohio hauora i ētahi rohe – ka noho wātea mai i te motu whānui mā te Pūkete Hauora Matihiko Pātahi.\u003c\/li\u003e\n\u003cli\u003eKei a koe te tikanga ki te ārai i ētahi, te katoa rānei o ō mōhiohio kia kaua e tuaritia.\u003c\/li\u003e\n\u003c\/ul\u003e\n\u003cp\u003eRapu mōhiohio atu anō i \u003ca href=\"https:\/\/www.healthnz.govt.nz\/privacy\/wider-sharing-of-your-health-information\"\u003eSupporting your care with shared health information\u003c\/a\u003e\u003c\/p\u003e\n\u003ch2\u003eNgā mōhiohio ka tuarihia\u003c\/h2\u003e\n\u003cp\u003eKa kohikohi, ka tuari hoki te Pūkete Hauora Matihiko Pātahi i ngā mōhiohio hauora. Kei reira ngā whakahaere matatapu me te haumaru pākaha hei whakamaru i ō mōhiohio hauora me te aroturuki i te hunga ka toro atu.\u003c\/p\u003e\n\u003cp\u003eKa ahu mai ētahi o ēnei mōhiohio i ngā pūnaha IT o ngā wāhi pērā i tō whare rata, ngā maimoa whāwhai me ngā ratonga hauora ā-waea. Ka tuarihia hoki ngā mōhiohio mai i ngā pātengi raraunga ā-motu a Te Whatu Ora.\u003c\/p\u003e\n\u003cul\u003e\n\u003cli\u003eKāore ō mahi atu anō mēnā kei te pai ki a koe kia tuarihia ō mōhiohio hauora ki ngā kaiwhakarato hauora e tiaki ana i a koe.\u003c\/li\u003e\n\u003cli\u003eMēnā e hiahia ana koe kia whakatepea, kia aukatia rānei te tuari i ō mōhiohio, kei ngā whārangi whai ake ō kōwhiringa. Ahakoa tō whakatau, ka whiwhi tonu koe i ō maimoa.\u003c\/li\u003e\n\u003cli\u003eKa āhei koe ki te whakahē kia tuarihia ō mōhiohio ahakoa te wā.\u003c\/li\u003e\n\u003c\/ul\u003e\n\u003cp\u003eKei te āta tukuna haeretia e mātou tēnei kaupapa i roto i te wā. Ka tāpirihia haerehia e mātou ngā mōhiohio kei tēnei whārangi.\u003c\/p\u003e\n\u003cp\u003eTirohia te paetukutuku a Te Whatu Ora mō ngā whakamārama he aha ngā mōhiohio ka tuarihia: \u003ca href=\"https:\/\/www.healthnz.govt.nz\/privacy\/wider-sharing-of-your-health-information\"\u003eSupporting your care with shared health information\u003c\/a\u003e\u003c\/p\u003e\n\u003ch2\u003eNgā mōhiohio mai i ngā rata\u003c\/h2\u003e\n\u003cp\u003eKei roto i ngā mōhiohio hauora ka kohia, ka tuarihia hoki e mātou mai i tō whare rata ko ō:\u003c\/p\u003e\n\u003cul\u003e\n\u003cli\u003emate pāwera me ngā pāweratanga – hei tauira, he pāwera ki te rongoā paturopi\u003c\/li\u003e\n\u003cli\u003emate, pērā i te huangō, te matehuka me ētahi atu mate pūmau\u003c\/li\u003e\n\u003cli\u003etohu ora pērā i tō pāmahana, kapa manawa me te pēhanga toto.\u003c\/li\u003e\n\u003c\/ul\u003e\n\u003cp\u003eKa whakaurua mai ētahi atu mōhiohio, pērā i ō taipitopito wā hui, tae atu ki ngā tuhipoka haumanu, ā tōna wā.\u003c\/p\u003e\n\u003ch2\u003eNgā mōhiohio mai i ngā pātengi raraunga a Te Whatu Ora\u003c\/h2\u003e\n\u003cp\u003eKa tuarihia anōtia pea mōhiohio mai i ngā huinga raraunga ā-motu a Te Whatu Ora mā te Pūkete Hauora Matihiko Pātahi.\u003c\/p\u003e\n\u003cp\u003eKei roto i tēnei ko ngā rongoā, ngā tuku awhikiri, ngā mōhiohio tautohu mai i ngā taiwhanga me ngā matawai, ngā hihi-X rānei; tae atu ki ngā mōhiohio hōhipera pērā i ngā tononga, ngā reta haumanu me ngā kōrero whakarāpopoto mō te tuku i te hōhipera.\u003c\/p\u003e\n\u003ch2\u003eŌ kōwhiringa me ngā mahi māu\u003c\/h2\u003e\n\u003ch3\u003eTuarihia aku mōhiohio\u003c\/h3\u003e\n\u003cp\u003e\u003cstrong\u003eE hiahia ana ahau kia kite aku kaiwhakarato hauora i aku mōhiohio hauora. \u003c\/strong\u003e\u003c\/p\u003e\n\u003cp\u003eHe pai ki ahau kia tuarihia aku mōhiohio mā te Pūkete Hauora Matihiko Pātahi. Arā, ka whai taku rōpū hauora i ngā mōhiohio e hiahia ana rātou kia tere ai, kia haumaru ai hoki te tautoko i ahau.\u003c\/p\u003e\n\u003cp\u003e\u003cstrong\u003eNgā mahi mā te tūroro:\u003c\/strong\u003e Kore noa iho \u003c\/p\u003e\n\u003ch3\u003eTohu tūmataiti\u003c\/h3\u003e\n\u003cp\u003e\u003cstrong\u003eKāore au i te hiahia kia kite ētahi atu kaiwhakarato hauora i ētahi, i te katoa rānei o aku mōhiohio mai i tēnei kaiwhakarato ina whakamaimoa ana ahau. \u003c\/strong\u003e\u003c\/p\u003e\n\u003cp\u003eKo taku hiahia kia noho tapu ētahi, te katoa rānei o aku mōhiohio ki waenga i a māua ko taku kaiwhakarato hauora*, ā, kia kaua e tuarihia mā te Pūkete Hauora Matihiko Pātahi. E mārama ana ahau kāore pea e whiwhi i ētahi atu o ngā ratonga hauora i aku mōhiohio katoa.\u003c\/p\u003e\n\u003cp\u003e\u003cstrong\u003eNgā mahi mā te tūroro: \u003c\/strong\u003eMe kōrero atu ki tō kaiwhakarato hauora. *Me kōrero ki a rātou ko ēhea ngā pūkete takitahi me noho matatapu.\u003c\/p\u003e\n\u003ch3\u003eTe tuari wāhanga\u003c\/h3\u003e\n\u003cp\u003e\u003cstrong\u003eKāore au i te hiahia kia tuarihia aku mōhiohio hauora mā te Pūkete Hauora Matihiko Pātahi. \u003c\/strong\u003e\u003c\/p\u003e\n\u003cp\u003eE kōwhiri ana ahau kia:\u003c\/p\u003e\n\u003cul\u003e\n\u003cli\u003ewehe tūturu, tērā rānei\u003c\/li\u003e\n\u003cli\u003ekaua e tuari mōhiohio tauwhāiti (pērā i ngā rongoā, tuku awhikiri rānei).\u003c\/li\u003e\n\u003c\/ul\u003e\n\u003cp\u003eArā, ina pā he ohotata kāore pea te hunga whakamaimoa i ahau i te mōhio ki aku mōhiohio hauora engari ia mēnā ka taea e au te kōrero atu. E mārama ana ahau ka whai pānga pea tērā ki ngā maimoatanga ka whiwhi au.\u003c\/p\u003e\n\u003cp\u003e\u003cstrong\u003eNgā mahi mā te tūroro:\u003c\/strong\u003e Whakapā atu ki Te Whatu Ora i \u003ca href=\"Tel:0800144751\" title=\"0800 144 751\"\u003e0800 144 751\u003c\/a\u003e, īmēra rānei ki \u003ca href=\"mailto:customerservice@health.govt.nz\"\u003ecustomerservice@health.govt.nz \u003c\/a\u003e\u003c\/p\u003e\n\u003ch2\u003eHe pēhea te āwhina a te tuari mōhiohio\u003c\/h2\u003e\n\u003ch3\u003eTe haere ki te mahi\u003c\/h3\u003e\n\u003cp\u003e\u003cstrong\u003eI tēnei wā:\u003c\/strong\u003e Ka haere he wahine nō Te Whanganui-a-Tara ki Tāmaki Makaurau ki te mahi. I tētahi ka hui ka kunanu ana kōrero, ā, ka heria atu ia ki te hōhipera i runga i te whakaaro he ikura roro. I te mea nō Te Whanganui-a-Tara ia, tē taea e ngā rata i te hōhipera i Tāmaki Makaurau te toro i ana mōhiohio hauora.\u003c\/p\u003e\n\u003cp\u003e\u003cstrong\u003eMā ngā mōhiohio hauora:\u003c\/strong\u003e Ka taea e ngā kaimahi o te hōhipera o Tāmaki Makaurau ana mōhiohio hauora. Ka kite rātou ka pā mai te ānini ki a ia me te ngaro o te kōrero. Ka taea e rātou te whakamaimoa wawe i a ia, i runga i te mōhio ki ēnei mōhiohio hira.\u003c\/p\u003e\n\u003ch3\u003eTe kite i te whānau\u003c\/h3\u003e\n\u003cp\u003e\u003cstrong\u003eI tēnei wā:\u003c\/strong\u003e I haere he koroua 80 ōna tau nō Kirikiriroa ki te kite i ana mokopuna i Ōtautahi, ā, ka whara i a ia i hinga. He pāwera ia ki te rongoā patu mamae engari kua wareware ia ko tēhea. Tē taea e ngā kaimahi waka tūroro te toro ana mōhiohio ki te tirotiro.\u003c\/p\u003e\n\u003cp\u003e\u003cstrong\u003eMā ngā mōhiohio hauora: \u003c\/strong\u003eKa taea e ngā kaimahi waka tūroro te toro ana mōhiohio hauora me te kite ko ēhea ngā rongoā e pāwera ana ia. Ka wawe tonu, ka haumaru hoki te tuku rongoā kē ki a ia.\u003c\/p\u003e\n\u003ch3\u003eKaimahi ā-wāhanga\u003c\/h3\u003e\n\u003cp\u003e\u003cstrong\u003eI tēnei wā: \u003c\/strong\u003eKa mate huangō he kaimahi huarākau nō Whangārei, ā, ka haere ia ki tētahi whare rata kōhukihuki i Whakatū. Tē taea e te rata te toro ana mōhiohio hauora, ā, ka whakamaimoa ia i ōna tohumate huangō kei te kino haere.\u003c\/p\u003e\n\u003cp\u003e\u003cstrong\u003eMā ngā mōhiohio hauora:\u003c\/strong\u003e Kei te kite te rata o Whakatū i raruraru te wahine i ētahi matū ahuwhenua tauwhāiti i mua. I pā ia ki ēnei matū i nā tata nei. I te mea kei a ia ēnei mōhiohio katoa, he rerekē te whakamaimoa a te rata i a ia.\u003c\/p\u003e\n\u003ch3\u003eTamaiti māuiui\u003c\/h3\u003e\n\u003cp\u003e\u003cstrong\u003eI tēnei wā:\u003c\/strong\u003e Kei te tiaki tētahi wahine nō tuawhenua i ana mokopuna. I te pō, ka pāngia te tamaiti, rua tau te pakeke, e te maremare, ā, ka tino tere haere te hēhē. Kei te mōhio te kuia i pā mai ngā raruraru hēhē ki a ia i mua engari kāore i te maumahara ki ngā taipitopito, kāore e taea e ia ana mātua, te whakaū rānei i ana rongoā, tana hītori hōhipera rānei. I runga i te mōhio kāore e kitea tētahi mea nui, ka tūtohu tētahi rata tuihono tētahi aromatawai ED. Tata ki te kotahi haora te taraiwa a te kuia i te waenga pō ki te hōhipera me ngā tamariki e toru.\u003c\/p\u003e\n\u003cp\u003e\u003cstrong\u003eMā ngā mōhiohio hauora:\u003c\/strong\u003e Kei te kite rata tuihono i te pūkete hauora a te tamaiti, tae atu ki te tīmohu, ngā ngongō tūtohu, ā, kāore he hītori o te mate huangō, te uru rānei ki te whāomoomo. Whai muri i tētahi aromatawai ataata, ka whakamārama atu te rata ki te kuia he pai noa iho tana noho ki te kāinga, ka whakamārama atu i tana mahere whakamaimoa noa, me te whakatakoto i ngā tohu me whakatūpato. Kua kore e mate ki te haere ki te ED i te waenganui pō. \u003c\/p\u003e\n\u003ch3\u003eTe wā ka tīmata te tuari mōhiohio\u003c\/h3\u003e\n\u003cp\u003eKa wātea mai ō mōhiohio hauora hira ki ētahi atu kaiwhakarato hauora i roto i te wā, i a rātou ka tūhono ki te Pūkete Hauora Matihiko Pātahi. Ka tuarihia hoki ngā momo mōhiohio hauora tāpiri i roto i te wā – tirohia a \u003ca href=\"https:\/\/www.healthnz.govt.nz\/privacy\/wider-sharing-of-your-health-information\"\u003ehealthnz.govt.nz\/SharedRecords\u003c\/a\u003e mō ngā taipitopito.\u003c\/p\u003e\n\u003ch3\u003eHe pātai? Ka taea e mātou te āwhina\u003c\/h3\u003e\n\u003cul\u003e\n\u003cli\u003eMēnā he pātai āu mō te kohinga o ō mōhiohio hauora mā te Pūkete Hauora Matihiko Pātahi, me kōrero ki tō kaiwhakarato hauora, waea mai ki \u003ca rel=\"noopener\" title=\"0800 144 751\" href=\"tel:0800144751\" aria-describedby=\"a11y-new-window-external-message\" target=\"_blank\"\u003e0800 144 751\u003c\/a\u003e, īmēra rānei ki \u003ca rel=\"noopener\" href=\"mailto:customerservice@health.govt.nz\" aria-describedby=\"a11y-new-window-external-message\" target=\"_blank\"\u003ecustomerservice@health.govt.nz\u003c\/a\u003e\n\u003c\/li\u003e\n\u003cli\u003eKa taea hoki e koe te waea, te īmēra mai kia wehe atu, kia hoki mai anō rānei ki te Pūkete Hauora Matihiko Pātahi\u003c\/li\u003e\n\u003cli\u003eMēnā he pātai tūmataitinga tāu, he amuamu rānei, me whakapā atu ki \u003ca rel=\"noopener\" href=\"mailto:customerservice@health.govt.nz\" aria-describedby=\"a11y-new-window-external-message\" target=\"_blank\"\u003ecustomerservice@health.govt.nz\u003c\/a\u003e\n\u003c\/li\u003e\n\u003cli\u003eMēnā kei te hiahia āwhina koe hei tuku whakatau, te kōrero rānei ki tētahi tangata e pono ana koe.\u003c\/li\u003e\n\u003c\/ul\u003e\n\u003ch3\u003e12 ki te 15 ō tau?\u003c\/h3\u003e\n\u003cp\u003eMēnā kāore koe i te hiahia ki te tuari i ētahi, te katoa rānei o ō mōhiohio – kei te hiahia rānei ki te tuari anō – me kōrero ki tō matua, kaitiaki rānei, tō rata rānei. Mēnā kei te hiahia koe ki te wehe tūturu i te tuari mōhiohio, me waea mai ki \u003ca rel=\"noopener\" title=\"0800 144 751\" href=\"tel:0800144751\" aria-describedby=\"a11y-new-window-external-message\" target=\"_blank\"\u003e0800 144 751\u003c\/a\u003e, īmēra rānei ki \u003ca rel=\"noopener\" href=\"mailto:customerservice@health.govt.nz\" aria-describedby=\"a11y-new-window-external-message\" target=\"_blank\"\u003ecustomerservice@health.govt.nz\u003c\/a\u003e\u003c\/p\u003e\n\u003ch2\u003eĒtahi atu tikanga e whakamahia ana ngā mōhiohio hei tautoko ratonga hauora\u003c\/h2\u003e\n\u003cp\u003eKa kohia e Te Whatu Ora ētahi mōhiohio mai i ngā kaiwhakarato hauora hei āwhina i a mātou ki te whakarite mahere me te utu ratonga, te tirotiro kei te pēhea te haere o ngā āhuatanga, ā, kia pai ake hoki te tautoko i te hauora mō te katoa.\u003c\/p\u003e\n\u003cp\u003eKa whakamahia e mātou ngā mōhiohio mō ngā mahere me ngā pūrongo. Whai muri i tā mātou kohikohi mōhiohio, ka whakarōpūtia e mātou kia kite ai he pēhea te āhuatanga i te motu me tō rohe. Hei tauira, ka tirotiro pea mātou ki te ōrau o te hunga e whiwhi ana i ngā tūmomo maimoa tauwhāiti.\u003c\/p\u003e\n\u003cp\u003eKa ū mātou ki ngā ture tūmataiti pākaha, ā, kāore mātou e whakaputa i tētahi mea e mōhiotia ai koe. I te nuinga o te wā, e hono ana ō mōhiohio ki tētahi nama, kaua ki tō ingoa, tō wāhi noho rānei.\u003c\/p\u003e\n\u003cp\u003eHe haumaru, he nawenawe ā mātou pūnaha. Me mātua whai te hunga e whakamahi ana ēnei raraunga i ngā ture pākaha. E rokirokitia ana e mātou ō mōhiohio ki tētahi pūnaha kapua haumaru he kaha ōna whakamaru, tae atu ki te whakamuna, te whakahaere urunga, me te aroturuki haere.\u003c\/p\u003e\n\u003cp\u003eNgā tauira o ētahi o ngā mōhiohio ka kohia e mātou:\u003c\/p\u003e\n\u003cul\u003e\n\u003cli\u003ete roa o te whiwhi wā hui me te rata\u003c\/li\u003e\n\u003cli\u003ete maha o te hunga o tō hapori kua rēhita, kua whiwhi awhikiri rānei\u003c\/li\u003e\n\u003cli\u003emēnā kei te whakamaimoatia koe e te rata, te nēhi rānei\u003c\/li\u003e\n\u003cli\u003engā mate, ngā whakamātau toto, ngā otinga taiwhanga, me ngā mōhiohio tātari mate pukupuku e āwhina ai kia mārama ai mātou ki ngā ratonga hauora e hiahia ana te tangata.\u003c\/li\u003e\n\u003c\/ul\u003e\n\u003cp\u003eTirohia a \u003ca href=\"https:\/\/www.healthnz.govt.nz\/privacy\/managing-your-primary-care-health-information\"\u003ehealthnz.govt.nz\/ManagingInfo\u003c\/a\u003e mō ētahi mōhiohio anō he pēhea te whakahaere a Te Whatu Ora i ngā mōhiohio, tae atu ki te Huinga Raraunga Maimoa Matua ā-Motu.\u003c\/p\u003e\n\u003cp\u003eHaere ki te paetukutuku a Te Whatu Ora i \u003ca href=\"https:\/\/www.healthnz.govt.nz\/privacy\/wider-sharing-of-your-health-information\"\u003ehealthnz.govt.nz\/SharedRecords\u003c\/a\u003e mō ētahi mōhiohio anō mō te Pūkete Hauora Matihiko Pātahi, tae atu ki tō tūmataitinga me te haumarutanga.\u003c\/p\u003e","brand":"HealthEd","offers":[{"title":"Default Title","offer_id":68187808891108,"sku":"HE2969-MRI","price":0.0,"currency_code":"NZD","in_stock":true}],"thumbnail_url":"\/\/cdn.shopify.com\/s\/files\/1\/0102\/6916\/3582\/files\/HE2969-MRI.png?v=1794190356","url":"https:\/\/healthed.govt.nz\/products\/supporting-your-care-with-shared-health-information-te-reo-maori-he2969-mri","provider":"HealthEd","version":"1.0","type":"link"}