{"product_id":"whenua-ki-te-whenua-he-taonga-ma-to-whanau-te-reo-maori-he3326","title":"Whenua ki te whenua: he taonga mā tō whānau - te reo Māori - HE3326","description":"\u003cp\u003etō tātou reo | advance care planning\u003c\/p\u003e\n\u003ch2\u003eWhenua ki te whenua\u003c\/h2\u003e\n\u003ch4\u003eHe taonga mā tō whānau\u003c\/h4\u003e\n\u003cp\u003eHe kupu kōrero tēnei hei tautoko i tō kōrero i mua i te whakaoti mahere atawhai.\u003c\/p\u003e\n\u003cblockquote\u003e\n\u003cp\u003eE hono ana tātau ki te whenua mai i te matihe o te ora tuatahi tae noa ki te whakamutunga.\u003c\/p\u003e\n\u003cp\u003eE kawea ana te wairua i roto i te puku o te hau ki te okiokinga o ngā tīpuna.\u003c\/p\u003e\n\u003c\/blockquote\u003e\n\u003cp\u003eI te whānautanga, ka hoki ki tō tātau pito me tō tātau whenua ki te whenua. I roto i ngā rā o tō tātau ao ka toro tātau ki te poipoi i te manaakitanga – ka haere tonu tēnei tae noa ki te matenga.\u003c\/p\u003e\n\u003cp\u003eHe mea nui te tautuhi i te whānau, ngā kaimanaaki me ngā tautoko mō tō tātau hokinga whakamutunga ki tō tātau whenua - ā-ritenga, ā-tinana, ā-wairua.\u003c\/p\u003e\n\u003cp\u003eKa āwhina tēnei tuhinga i a koe ki te whakaaroaro me te kōrero mō tō mahere manaaki mō ā muri ake.\u003c\/p\u003e\n\u003cp\u003e \u003c\/p\u003e\n\u003cp\u003eNā Len Hetet (nō Ngāti Tūwharetoa, Ngāti Maniapoto, Te Ātiawa me Ngāti Apa) tā mātou tohu i waihanga i whakamārama.\u003c\/p\u003e\n\u003cp\u003eHe kuaka te manu i tēnei rauemi. E ai ki te kōrero, ka hoki tahi atu te kuaka me ngā wairua ki Hawaiki.\u003c\/p\u003e\n\u003ch4\u003eHe taonga mā tō whānau\u003c\/h4\u003e\n\u003ch3\u003eHe aha te take me whakarite mahere manaaki mō ā muri ake?\u003c\/h3\u003e\n\u003cul\u003e\n\u003cli\u003eKei te mōhio tō whānau he aha ngā mea hira ki a koe ki te rerekē ngā āhuatanga o tō hauora\u003c\/li\u003e\n\u003cli\u003eKei te mōhio ō mātanga hauora ki ngā mea nui ki a koe mō tō manaaki me tō whakamaimoa\u003c\/li\u003e\n\u003cli\u003eHe whakamōhio atu i ō hiahia ki te tangata i ō rā whakamutunga\u003c\/li\u003e\n\u003cli\u003eHe whakaatu i ō hiahia mō tō tangihanga\/nehu\u003c\/li\u003e\n\u003cli\u003eMā te whai i tāu e pai ana i taua wā ka tau te āio ki tō whānau me ōu hoa i tō wehenga atu.\u003c\/li\u003e\n\u003c\/ul\u003e\n\u003ch4\u003eMō āhea koe tīmata ai?\u003c\/h4\u003e\n\u003cul\u003e\n\u003cli\u003eI te wā e pai ana koe\u003c\/li\u003e\n\u003cli\u003eI te wā e māuiui ana koe, he mate mauroa rānei tōu\u003c\/li\u003e\n\u003cli\u003eI te wā o tō whakamaimoa, hāparapara rānei i whakaritea\u003c\/li\u003e\n\u003cli\u003eIna whakapono ana koe kua tata haere koe ki ō rā whakamutunga.\u003c\/li\u003e\n\u003c\/ul\u003e\n\u003ch4\u003eKoinei te wā pai rawa ki te whakarite i tētahi mahere manaaki mō ā muri ake.\u003c\/h4\u003e\n\u003ch4\u003eMēnā e pai ana koe, me whakaaroaro pea koe mō ēnei mea:\u003c\/h4\u003e\n\u003cul\u003e\n\u003cli\u003eHe uara ōu, he whakapono, he tikanga hoki, tēnā, ngā mea e hira ana ki a koe?\u003c\/li\u003e\n\u003cli\u003eHe aha ngā mea e whaitake ai tō rā?\u003c\/li\u003e\n\u003cli\u003eKo wai te hunga e hiahia ana koe ki te whai wāhi atu?\u003c\/li\u003e\n\u003cli\u003eHe mate anō pērā i te mate pukupuku, mate manawa, matehuka rānei i roto i tō whānau ka whai pānga pea ki a koe ā tōna wā?\u003c\/li\u003e\n\u003cli\u003eE mōhio ana koe ki tētahi tangata ka mahi pai i ngā taipitopito kia oti rawa? He aha ā rātou mahi māu?\u003c\/li\u003e\n\u003cli\u003eKo wai tētahi tangata mārire, tangata poipoi e hiahia ana koe ki te tauwhiro i a koe ina māuiui?\u003c\/li\u003e\n\u003cli\u003eTe tirotiro i ngā utu me ngā utunga mō ngā manaaki ā muri ake, te tangihanga rānei\u003c\/li\u003e\n\u003cli\u003eKo wai atu anō i tō whānau ka hiahia manaaki me te tautoko atu anō?\u003c\/li\u003e\n\u003c\/ul\u003e\n\u003ch4\u003eMēnā kei te māuiui, me kōrero mō ēnei mea:\u003c\/h4\u003e\n\u003cul\u003e\n\u003cli\u003eHe pēhea ō whakaaro mō ngā rā e heke iho\u003c\/li\u003e\n\u003cli\u003eKa pēhea pea te rerekē haere o tō hauora ā muri ake\u003c\/li\u003e\n\u003cli\u003eKa pēhea pea te pānga o tō hauora me tō whānau\u003c\/li\u003e\n\u003cli\u003eKo wai atu anō hei tautoko i a koe me tō whānau\u003c\/li\u003e\n\u003cli\u003eKi te tino uaua ngā āhuatanga i te kāinga, he pēhea ō whakaaro kia tiakina koe i ngā kāinga kē o te whānau, i tētahi hōhipera tūmatanui, hōhipera tūmataiti rānei, ngā whare tiaki kaumātua, ratonga tiaki tūroro rānei?\u003c\/li\u003e\n\u003cli\u003eIna rerekē ngā uara me ngā whakapono o roto o tō whānau, he aha mā rātou?\u003c\/li\u003e\n\u003cli\u003eMēnā he poto te wā, he aha ō kaupapa matua?\u003c\/li\u003e\n\u003cli\u003eTe pēhea e rerekē ai, e tūtatari ai āu mahere nā te mate urutā, ohotata ā-motu rānei. Ka taea e koe āu tikanga te huri, te whakaoti rānei a muri ake nei?\u003c\/li\u003e\n\u003c\/ul\u003e\n\u003ch4\u003eMēnā kua tata te tō o te rā ki a koe, me kōrero pea koe mō ēnei mea:\u003c\/h4\u003e\n\u003cul\u003e\n\u003cli\u003eHe aha te tikanga o te kounga o te ora ki a koutou ko tō whānau ināianei\u003c\/li\u003e\n\u003cli\u003eHe pēhea te āhua o te matenga pai ki a koe\u003c\/li\u003e\n\u003cli\u003eHe pēhea ki a koe ngā rongoā me ngā whakamaimoatanga hei pēhi i te mamae me te whakahā\u003c\/li\u003e\n\u003cli\u003eTe tirotiro i ngā āhuatanga taha wairua me te tangata\u003c\/li\u003e\n\u003cli\u003eTe tuku kōrero, taonga hoki ki tō whānau, te tuku mōhio me ngā tikanga ki ētahi tāngata ake\u003c\/li\u003e\n\u003cli\u003eKi hea koe mate ai, ā, ko wai te hunga ki te taha i a koe.\u003c\/li\u003e\n\u003c\/ul\u003e\n\u003cp\u003e \u003c\/p\u003e\n\u003cp\u003eMe kite i pēhea ētahi atu tāngata i whakarite ai i te mahere atawhai me ēnei pūrākau:\u003c\/p\u003e\n\u003cp\u003eMātakitakina ā rātau kōrero mō te whakarite mahere i mua noa atu i konei: \u003ca href=\"https:\/\/www.myacp.org.nz\/\"\u003eAdvance care planning\u003c\/a\u003e\u003c\/p\u003e\n\u003ch4\u003eKia kōrero : mō te whakarite manaaki mō ā muri ake\u003c\/h4\u003e\n\u003ch3\u003eTīmataria tō mahere i tēnei rā\u003c\/h3\u003e\n\u003ch4\u003eTīkina he mahere atawhai hei whakaoti:\u003c\/h4\u003e\n\u003cul\u003e\n\u003cli\u003eTīkina atu i \u003ca href=\"https:\/\/www.myacp.org.nz\/\"\u003eAdvance care planning\u003c\/a\u003e\n\u003c\/li\u003e\n\u003cli\u003ePātaihia tō tākuta, tō nēhi rānei mō tētahi kape.\u003c\/li\u003e\n\u003c\/ul\u003e\n\u003ch4\u003eHei whakatutuki i tō mahere:\u003c\/h4\u003e\n\u003cul\u003e\n\u003cli\u003eKia kore ai koe e mate ki te whakaoti i te wā kotahi… me āta haere\u003c\/li\u003e\n\u003cli\u003eMe kōrero ki tō whānau me ō hoa\u003c\/li\u003e\n\u003cli\u003eMe kōrero ki tō tākuta, nēhi rānei\u003c\/li\u003e\n\u003cli\u003eMe ngākau tuwhera – ka mīharo pea koe\u003c\/li\u003e\n\u003cli\u003eKa taea e koe te hoki atu anō ka whakatikatika ahakoa te wā\u003c\/li\u003e\n\u003cli\u003eKa kaha āwhina tō mahere atawhai i te whānau, ngā hoa ā tōna wā.\u003c\/li\u003e\n\u003c\/ul\u003e\n\u003ch4\u003eIna oti tō mahere:\u003c\/h4\u003e\n\u003cul\u003e\n\u003cli\u003eMe kōrero tahi me tō whānau\u003c\/li\u003e\n\u003cli\u003eMe kōrero tahi me tō tākuta me ngā mātanga\u003c\/li\u003e\n\u003cli\u003eWhakamōhio atu ki ngā tāngata he mahere atawhai tāu, ā, ki hea kitea ai.\u003c\/li\u003e\n\u003c\/ul\u003e\n\u003cp\u003e \u003c\/p\u003e\n\u003cp\u003eKa tau tō mauri, me ō ētahi atu, i tō mahere manaaki mō ā muri ake.\u003c\/p\u003e\n\u003cblockquote\u003e\n\u003cp\u003eE hono ana tātau ki te whenua mai i te matihe o te ora tuatahi tae noa ki te whakamutunga.\u003c\/p\u003e\n\u003cp\u003eE kawea ana te wairua i roto i te puku o te hau ki te okiokinga o ngā tīpuna.\u003c\/p\u003e\n\u003c\/blockquote\u003e\n\u003ch4\u003eTihei mauri ora!\u003c\/h4\u003e\n\u003cp\u003eKua tipu ngā rākau\u003cbr\u003eKua pūāwai ngā hua\u003cbr\u003eKua waiata ngā manu\u003cbr\u003eKua tau te wao\u003cbr\u003eKua tau, kua tau, kua tau e\u003cbr\u003eHaere mai te āiotanga\u003cbr\u003eHaumi e, hui e, tāiki e\u003c\/p\u003e\n\u003cp\u003e \u003c\/p\u003e\n\u003cp\u003eMō ētahi atu kōrero haere ki \u003ca href=\"https:\/\/www.myacp.org.nz\/\"\u003eAdvance care planning\u003c\/a\u003e ki tō kaiāwhina\u003c\/p\u003e","brand":"HealthEd","offers":[{"title":"Default Title","offer_id":49728487784676,"sku":"HE3326","price":0.0,"currency_code":"NZD","in_stock":true}],"thumbnail_url":"\/\/cdn.shopify.com\/s\/files\/1\/0102\/6916\/3582\/files\/HE3326.png?v=1787869573","url":"https:\/\/healthed.govt.nz\/products\/whenua-ki-te-whenua-he-taonga-ma-to-whanau-te-reo-maori-he3326","provider":"HealthEd","version":"1.0","type":"link"}