TA‘IALA O MEA‘AI MO PEPE MA TAMAITI SAMOA - Samoan HE2672

Reviewed
December 2024

Food information for Pacific babies and toddlers from 6 months to 2 years old. Includes when and what foods to give a baby, starting solids, healthy eating habits, food safety, allergy prevention, how to prevent choking on food, tips for fussy eating, breastfeeding and meal ideas for babies and toddlers. This resource was co-produced with the Pacific community and uses Pasifika design.

Download or order

Download resource

TA‘IALA O MEA‘AI MO PEPE MA TAMAITI SAMOA - Samoan HE2672

Download PDF

Details

Reviewed
December 2024
Updated
December 2024
Format
Online only
HE code
HE2672
Language
Samoan
Available languages

The full resource:

6 masina i le 2 tausaga 

AISEA E TAUA AI LE ‘AI LELEI?

E mana‘omia le malosi atoatoa o lau pepe e ala i le fesuisuia‘i o ana mea‘ai aua lona tuputupu a‘e ma le atina‘eina o fa‘avae o lona ola maloloina.

E lagona le so‘otaga i tuaā pe a fafaga la‘u pepe i mea‘ai Samoa sa masani ai. Oute iloa ose auala e fa‘asafua atu ai lo tatou malosiaga i auga tupulaga fai mai.

O LE A LE MATUA E TATAU ONA FAFAGA AI PEPE I MEA‘AI?

E le mafai e le pepe 6 masina ona fa‘alagolago tasi i le suasusu o le tinā po‘o le fagususu mo lona tuputupu a‘e ma lona ola maloloina. O le ala lea e tatau ai ona fafaga i mea‘ai malō fa‘atasi ma le suasusu o le tinā po‘o le apasusu.

O le a vaaia i lau pepe suiga nei:

O le a mafai ona ia taofi lona ulu ma nofo lava ia e aunoa ma se fesoasoani

O le a tatala lava e ia lona gutu pe a tu‘u atu le mea‘ai

Ua mafai ona taofi mea‘ai i lona gutu ma folo i totonu

Aua ne‘i aveina mea‘ai i lau pepe ae le‘i atoa le 6 masina. Ona e le‘i malosi lona gutu ma lona manava e fa‘amalu le mea‘ai.

FA‘AILOILO O LE FIA‘AI MA LE MA‘ONA

E iloa lava e lau pepe le tele o le mea‘ai e fetaui ma lona tino, aua lona tupu a‘e ma maua ai le enisini e fa‘aoga i lona a‘oa‘oina fa‘apea ta‘aloga e fiafia i ai. E tatau ona talitonuina e matua pepe ma usita‘i i fa‘ailoilo fa‘aalia o lona fia‘ai ma le ma‘ona.

Nisi o fa‘ailo e iloa ai ua fia ai la‘u pepe: 

  • Matala mai lona gutu e talia mea‘ai
  • Fa‘alagolago atu i lou susu ma tusi lona lima i mea‘ai
  • Ua minoi solo ma foliga popole
  • Tagi (tatau ona fa‘ana, ona fafaga ai lea)

Fa‘ailo e iloa ai ua maona la‘u pepe:

  • Ua musu ma ua susu lemu, ma fa‘amamulu lona gutu mai le mata susu
  • Ua una‘i ese le ipu meaai, pe liliu ese lona ulu
  • Ua tapuni lona gutu ma pipisi mai i fafo mea‘ai
  • Ua tilotilo solo i mea o tutupu i ona tafatafa

O A MEA‘AI E TATAU ONA FAFAGA AI LA‘U PEPE?

E tofu lava le ituaiga mea‘ai ma lana galuega i totonu o le tino, o le ala lea e taua ai le fafaga o pepe i mea‘ai eseese, ona o lo‘o vave lo latou tuputupu a‘e.

Nisi o mea‘ai tatau mo lau pepe mai le vaega o ta‘ua i lalo:

Soifua maloloina ma puipuiga

O mea‘ai fou, tu‘u aisa, tu‘u apa fuala‘au aina tu‘u apa ma fuala‘au ma fuala‘au taumafamata e maua ai le vaitamini ma le minerale ina ia malosi ai le puipuiga fa‘alenatura o le tino, ia ‘ai foi i fuala‘au aina ina ia masani ai pepe i lona tofo.

Mea‘ai fa‘atupu tino

O fasipovi, i‘a ma mea‘ai e fai mai i le susu, e maua ai le porotini, minerale, u‘amea (iron) ma le kalisimi (calcium) mo le tino ma malolosi ai ponaivi.

Mea‘ai e maua ai le enisini (energy)

O le falaoa, araisa, ma mea‘ai Samoa taumafamata e maua ai le masoā mo le ola maloloina, ta‘alo ma lona a‘oa‘oina.

AMATA I MEA‘AI MALŌ

Mo le puipuia o lau pepe, faata‘ita‘i i le fa‘aogaina o le sipuni ma mea‘ai palu fa‘avaivai. Amata i le fa‘atasi ona fafaga i le aso, pe a uma ona fa‘asusu ia te oe po‘o le fagususu.

  • Fa'ata'ita'i loa i mea'ai o loo aai ai le aiga ae aua le tuuina i ai se suka poo se masima
  • Fa'ata'ita'i ona faainu i le vai i totonu o le ipu malamalama
  • Amata fafaga i mea'ai e aafia ai lona tino (allergy) ave taitasi i ai (Vaai le itulau 14) 
  • Faaaoga le sipuni e palu ai mea'ai ia malu pe a leai se faamalu mea'ai
  • Afai la'ititi le uamea i le tino o tina, fafaga loa i mea'ai e i ai le fasi povi, i'a ma lau luau fa'avela lelei
  • Faamanogi mea'ai a pepe i sina kale poo mea faamanofi meaai.

ISI O MEA‘AI FA‘ATUPU MANATU:

  • Fasi moa ua fa‘amalu fasi puaa fa‘amalu fa‘atasi ma spinach fa‘atasi ma kaloki ma ma talo
  • Fasi puaa fa‘amalu fa‘atasi ma sipina (spinach) fa‘atasi ma kaloki ma ma talo maukeni 

6 I LE 8 MASINA 

A uma loa le 1-2 vaiaso o meaai palu, ona amata loa lea i mea‘ai vaivai ma patupatu e fesoasoani ma fa‘amasani ai i le lamuina o ana mea‘ai.

Fa‘aauau pea ona fa‘susu ia te oe, po‘o le fagususu a‘o le‘i aveina iai mea‘ai.

Ua tatau ona amata fafaga fa‘alua i le aso, a ia fuafua i le fia‘ai o lau pepe.

Fa‘aauau ona ave i ai mea‘ai eseese ua uma ona palu fa‘avaivai.

Fa‘ata‘ita‘i ona fafaga i mea‘ai fa‘avela ma mea‘ai ua palu, atoa ma mea‘ai ua ave‘ese pa‘u ma fatu ona ave lea i ai na te u‘uina ma ‘ai.

Ia mautinoa ua vaivai le mea‘ai, ona oomi lea i le va o lou lima matua ma lou lima tusi. 

  • Moa ua palu ma lau talo ma se fa‘i vela
  • O le i‘a palu fa‘avaivai ma pi ma maukeni

8-10 MASINA

Ua tatau loa ona fafaga muamua i mea‘ai, ona fa‘atoa fa‘asusu lea, pe ave i ai le fagususu e fa‘aopopo i lana mea‘ai.

Taumafai e fa‘atumu le sipuni i mea‘ai, ona tu‘u lea i le pepe ina ia taumafai ai lava ia e ‘ai.

A e masani loa i taimi ‘ai o pepe, ona amata loa lea ona fafaga fa‘atolu i le aso.

Fa‘alaiti mea‘ai ma fafaga fa‘asolosolo i mea‘ai laiti tau malō ina ia a‘oa‘oina ai pepe e fa‘aoga lona lima matua ma le lima tusi e u‘u ai mea‘ai.

Ua tatau ona amata i mea‘ai palu ma mea‘ai tipitipi fa‘alaiti.

10-12 MASINA

Fa‘aauau ona ave i ai mea‘ai eseese nate iloa ai le eseesega o le tofo o mea‘ai o lo‘o aai ai le aiga. Fa‘aa‘oa‘o ona tipitipi fa‘alaiti mea‘ai ma tu‘u i ai.

Manatua e vavae ese le mea‘ai a pepe ae le‘i tu‘uina i ai le masima, soi sosi po‘o le suka.

O le matua lea ua amata ona ia matauina ma iloa mea, ua tatau ona tu‘u i ai le sipuni a tamaiti, e fa‘aa‘oao ai lana ‘ai.

Supo mea‘ai sami ma lau kapisi ma le talo.

12 MASINA AGA‘I I LUGA

E lelei ona amata a‘ai fa‘atasi le tamaititi ma lona aiga i le mea‘ai e tasi, ina ua atoa lona 12 masina. Tautuana ia laititi le suka ma le masima i mea‘ai a tamait.

Ua mafai nei ona ave i ai le susu povi e inu. E leai se ala o le a sui ai le susu e fa‘ainu ai pepe pe afai o loo fa‘aoga le susu pauta.

Afai o loo susu lau pepe ia te oe, e tatau ona fa‘aauau seia oo atu i le 2 tausaga pe sili atu foi.

E faigofie atu i le tamaititi ona lagona le maona pe a inu mai le ipu, nai lo‘o le fagu. Fa‘aaoga se ipu e fa‘ainu ai.

Fa‘aititia le susu povi i le 350mls i le aso, ne‘i tumu lona manava i le susu. Fa‘atoa fa‘asusu pe a uma ona ‘ai, pe ave foi i ai le susu i le ogatotonu o lana ‘aiga.

Fa‘aopopo i ana ‘aiga e 3 ni mea‘ai mama, ia fa‘alua pe fa‘atolu i le aso ona fafaga. E fuafua lava e oe i le fia‘ai o lau tama. Fafaga i mea‘ai mama,pe 2 ni ituaiga mea‘ai eseese ina ia tumau lona maona.

SAOGALEMU O MEA‘AI MO PEPE MA FANAU LAITI

E telē le a‘afiaga o pepe i mea‘ai e ono onā ai ona o le ma‘ale‘ale o latou manava ma puipuiga fa‘anatura o le tino. Ia mulimulita‘ia ta‘iala mai aso o lou ma‘itaga. Tumama, fa‘avela ma fa‘amalulu.

Mamā

Fufulu mama lima, Fualaau tau matamata,ma fualaau aina fa‘apea mea fai mea‘ai ma umukuka. 

Fa‘avela

Fa‘avela a‘ano o manu fasi ma fuamoa, (fa‘ama‘alili lelei a‘o le‘i fafagaina pepe) Aua ne‘i fa‘avevelaina fa‘alua ni mea‘ai totoe. 

Malulu 

Tu‘u toe mea‘ai i le pusa aisa ma ia fa‘aaoga mea‘ai totoe i totonu o le lua aso. 

E tele se a‘afiaga o pepe pe a fafaga i mea‘ai nei: 

Mo le puipuia o pepe mai le ona i mea‘ai aua ne‘i.

Fafagaina i le meli

Aua ne‘i fafagaina ise.

Oka i‘a po‘o figota fai atigi

O mea‘ai nei e tatau ona fa‘avela, mo lau pepe.

Fa‘avela lelei fuamoa

Fa‘apuna lelei berries safulisa

O A MEA‘AI E LĒ TATAU ONA FAFAGA AI LA‘U PEPE?

Fa‘atali se‘i atoa le lua tausaga o lau pepe ona ave lea iai o meaai fa‘asuka ma fa‘amasima. O le auala lea e puipuia ai o latou nifo ma fatu ga‘o. E lelei foi ae fa‘amasani lau pepe i le tofo o mea‘ai fa‘ale natura. 

  • Aua ne‘i aveina se suka i mea‘ai po‘o susu a pepe, pe ave foi i ai ni aisa kulimi, lole po‘o sukalati.
  • Aua ne‘i aveina masima, soi sosi , pepa, pauta fa‘amanogi mea‘ai, mea‘ai vevela ma fasi pateta e fafaga ai pepe.
  • Aua ne‘i aveina i ai ni meainu suamalie, e pei o sua o moli, vai a‘ava ma isi vai suamalie.

Fa‘amata e lelei mea‘ai mai faleoloa mo pepe?

O le tele o mea‘ai i faleoloa, e maualuga ai le suka ma le masima. E tatau ona filifili mea‘ai e maulalo le suka ma le masima. Silasila ma faitau lelei tai‘ala o mea‘ai.

Fa‘amasani lau pepe i tofo eseese ma a‘oa‘oina i le eseesega o mea‘ai, a maona pepe ona teu lea o mea‘ai i pepa i‘ila mo le saogalemu. E lelei ona fafaga pepe ise sipuni, ina ia maua ai lona poto masani a‘o tuputupu a‘e, ma fa‘amasani atili ai i mea‘ai. 

PUIPUIA MAI I MEA‘AI E A‘AFIA AI PEPE (ALLERGY)

E i ai mea‘ai e a‘afia ai le tino o pepe pe ‘ai. E mafai ona faaitiitia nei ituaiga aafiaga pe a faataitai ona fafaga i mea‘ai e aafia ai a‘o le‘i atoa le tasi o lona tausaga.

Amata ona ave i ai se mea‘ai se tasi e ono a‘afia ai le tino, fai ma vaai pe iai se suiga mai le meaai. A leai se suiga, ona ave lea iai fa‘alua i le vaiaso.

Aua ne‘i taofia le aveina i pepe o mea‘ai e ono maua ai i le mumū mageso po‘o nisi a‘afiaga o latou tino (allergy). Aua ne‘i taofia le fa‘ata‘ita‘i o pepe i mea‘ai e oso ai allergy tusa lava pe i ai nisi o lau fanau o loo i ai allergies, ina ia aua ai ne‘i maua pepe i nei auga.

Metotia mo le fafagaina i mea‘ai e ono afaina (allergy) ai le tino i totonu o le 6 masina.

  • Ave iai se pata pinati (peanut butter) i meaai
  • I‘a fa‘avela
  • Fuamoa fa‘avela lelei
  • Falaoa saito, (wheat), (pasta), saimini, falaoa ma pa‘agugu
  • Suasusu povi e fa‘aaogaina i le gaosiaina o mea‘ai. Sisi po ‘o le ioka (yoghurt).
  • Soia: mai le soi ma falaoa lise (linseed) po‘o le tofu
  • Ave iai le sekati (almond) po‘o le manisi (cashew) po‘o le palugā lama (paste)
  • Fa‘afefiloi le fatu sesame po‘o le ga‘o sesame I totonu o meaai a pepe

Foliga o auga pe a a‘afia; ma lau gaioiga e tatau ona fai

A fulafula laugutu o lau pepe, foliga, autafa o mata po‘o le pata o le tino, fa‘atalatalanoa loa lau fomai.

A vaaia se fa‘aletonu, oso le sela, tau manavanava, fulafula, sesega pe fula le fa‘aii, valaau loa le ta‘avale a le falemai.

POLOKA O LE ALA‘EA PE LAOA 

O pepe ma tamaiti laiti e a‘afia so‘o i le laoa ona e vaiti o latou ala ea ma o lo‘o fa‘aa‘oa‘o ona ‘ai ma folo ana mea‘ai.

Taumfai e fa‘anofo lau pepe i lalo ma vaai lelei pe a ‘ai pe inu. 

O le a le poloka o le ala‘ea?

O le tau laoa pe faigata ona ai e le‘o se mea fou. O se masani na fanau mai ma pepe e puipuia ai i latou mai le laoa. O fa‘ailoga vaaia o le poloka ole ala‘ea pe tau laoa:

  • Tagi pe vaia mata
  • Fa‘afaufau, tu‘u feanu pe tale – e mumu foliga
  • Fa‘asuati 

Aua le popole vale. Tu‘u pea le avanoa i lau pepe e taumafai ai lava ia e aumai i fafo mea‘ai, aua a tatou fesoasoani i ai, e mafai ona fai ma ala e le gata ina poloka le ala‘ea, ae o le a laoa ai loa.

MANATUA: A leotele ma mumu, ta‘atia pea ia te ia

O le a le laoa? 

O le laoa ose mea masani ai ma e fa‘aono lamatia ai le ola. E mafua pe a mau mea‘ai i le ala ea ma ua le mafai e le tamaititi ona manava ma ua leai se leo.

Foliga vaaia ole laoa:

  • Ua filemu ma nofo sa‘o
  • Ua lanu moana foliga

MANATUA: A filemu ma lanu moana, ua mana'omia lau fesoasosani

A manaomia vave le fesoasoani ona matamata lea o le ata pu‘upu‘u lea, ete iloa ai le gaioiga e fai pe a laoa lau pepe: First Aid for Infant Choking 

TA‘IALA MO LE FA‘AITIITIA O MEA‘AI

Mea‘ai laiti lapotopoto

Ave ese fatu ona tipitipi fa‘alaiti leav, e.g

  • Tipi fa‘akuata fua o vine ma fua o berries ma ia fa‘avela lelei
  • Tamato laiti ua tipitipi
  • Pi fa‘avela ma fa‘amaluina
  • Meleni e leai ni fatu

Mea‘ai e mafai ona lomi 

Tipitipi fa‘anini‘i, fua i le atigilima o le tamaititil, f.g.

  • A‘ano o manu fasi ua uma ona fa‘avela
  • Sosisi

Mea‘ai manoa (Stringy foods)

Fofo‘e pa‘u ma tipitipi nini‘i ona alava , e.g.

  • Selelī ma le fala pula
  • Lau kapisi siliva ma kapisi saina

Mea'ai laiti ae malo

Olo pe tipi nin'i ma faavela, fg.

  • Apu tipi salafalafa
  • Kaloti ua olo
  • Seleli faavela

TULAGA LAMATIA PE A LAOA

Aano, pa‘u ma ponaivi o manu fasi

Aveese le pa’u, tipi nini’i, ma aveese ivi fg.

Fasi moa

I’a

Lau laau ata

Tipi faalaiti fg.

Latisi male sipininasi

Fuala‘au taumafamata ma le pa‘u

Olo pe tipi nini’i pe fa’alaumiumi ma faavela, fg.

Palama, apu ma pea

Tomato

Paluga mafiafia (Thick pastes)

Faapata ia manifinifi fg.

Pata pinati/pati nati ma nati

Aua ne‘i aveina i ai meaai ia ona e ono laoa ai:
Nati atoaole nuts
Popuko ni
Fatu lapopo‘a
Fualaau aina mamago
Pateta falai
Lole
Masi alaisa malō
Lole malu

FA‘AA‘OA‘O ONA ‘AI

E manaomia e pepe ma tamaiti laiti le fa‘amasani i le tofo, e pei o le o‘ona o fuala‘au aina, ma fa‘amasani ona auai pe a aai le aiga atoa.

E aoga le fafaga o pepe i vai‘aiga ina ia iloa ai e ia faalogoga o lona tino ma maua ai le poto masani e ‘ai ana mea‘ai.

A‘oa‘o ma faamalosi i lau pepe ina ia ‘ai lava ia. Fa‘ata‘itaiga, tu‘u mea‘ai i luga o le sipuni ina ia mafai e pepe ona tago i ai ma ‘ai.

E a‘oa‘oina pepe mai ona fa‘alogoga ma ona mafatiaga. Aua ne‘i aveina i ai se mea‘ai e fai ma taui o lona taumafai,pe fa‘afiafia ai lona loto.

FESOASOANI PE A FILIFILI MEA‘AI

Tausisi i taimi masani o meaai

E fesoasoani i lau pepe e osofia ai le fia ai.

A‘ai ma lau pepe

Aai fa‘atasi male aiga e fa‘amalosi‘au ai i lau pepe.

Mea‘ai a le aiga

Afai e musu e ai, ona fai lea o seisi mea‘ai. E mafai ona e fai ia pepe; “Pau lena ole tatou meaai mo lenei po”

Meaai suamalie

Ave iai ni mea‘ai suamalie ma mea‘ai o‘ona e fa‘amasani aai i le tofo o mea‘ai.

Tu‘u fa‘atasi mea‘ai masani ma mea‘ai fou

Pe afai e le fiafia i se mea‘ai fou. E maua ai sona fiafia mai fafaga i le masani i aso uma.

Fa‘amasani i feau e fai

O le fa‘amasani o lau tama i mea‘ai e fesoasoani mo ia.

Faitau i ai ni tusi, ave i fa‘atauga ma fa‘avaai pe a e kuka.

Tu‘u iai e sailiili ma maua ai lou fesoasoani.

FA‘ASUSUINA O PEPE

E tatau ona fa‘asusu pepe i le suasusu o lona tinā seia aulia le 6 masina. O le suasusu o tinā e maua ai minerale e manaomia e pepe ina ia maloloina lona ola tuputupu a‘e.

E maua ai le mea‘ai lelei ma faigofie mo lau pepe. O le a fesoasoani ina ia malosi le ola fa‘anatura ma lona tino, atoa ma suiga o mea nate manaomia.

E manaomia e lau pepe le suasusu o tinā po‘o le suasusu pauta mai le 6-12 masina pe a amata ona ai. E aogā mo oe ma lau pepe le fa‘aauau ona fa‘asusu pea ia te oe, tusa lava pe ua amata fafaga i mea‘ai, ma fa‘aauau ai seia atoa lona lua tausaga pe sili atu foi.

Taga‘i i le ta‘iala mo “Mea‘ai ma ta‘iala mo le fa‘asusuina o pepe Pasefika” mo nisi fa‘amatalaga e tatau ona saili fesoasoani.

Mo nisi fa‘amatalaga i le fa‘asusuina o lau pepe i le susu pauta, asiasi le upega tafa‘iagi: Feeding Your Baby Infant Formula - HE1306 – HealthEd

FESOASOANI MO OE