Supporting your care with shared health information - Te tautoko i ō maimoa mā ngā mōhiohio hauora pātahi - A3 poster - te reo Māori - HE1273-MRI

Te tautoko i ō maimoa mā ngā mōhiohio hauora pātahi

Kei te whakawhānuitia e mātau ngā mōhiohio e wātea ana ki ō rata me ētahi atu kaiwhakarato hauora. Ka āwhina tēnei i a rātou kia whiwhi ai koe i ngā maimoa me ngā manaaki pai rawa, i te wāhi me te wā e hiahia ana koe.

Kei te mahia e mātou tēnei mā tētahi pūtūhono mōhiohio hauora hou e kīia ana ko te Pūkete Hauora Matihiko Pātahi. Mā tēnei ka haumaru ai te tuari i ō mōhiohio hauora hira – pērā i ō mate me ō rongoā – i waenga i ō kaiwhakarato hauora.

Ngā mōhiohio ka tuarihia

Ka kohikohi, ka tuari hoki te Pūkete Hauora Matihiko Pātahi i ngā mōhiohio hauora e puritia ana i ngā wāhi pērā i tō whare rata, taka rongoā, maimoa kōhukihuki, waea hauora me ngā ratonga hōhipera. Ka tuarihia hoki ngā mōhiohio mai i ngā huinga raraunga ā-motu a Te Whatu Ora pērā i ngā tuku awhikiri, ngā rongoā me ngā otinga tātaritanga.

Kāore he wāhi ki a koe mēnā he pai ki a koe kia tuarihia ō mōhiohio hauora mā te Pūkete Hauora Matihiko Pātahi.

Ka taea hoki e koe te whakawhāiti, te aukati rānei i te tuaritanga o ō mōhiohio. Ahakoa tō whakatau, ka whiwhi tonu koe i ō maimoa.

Ō kōwhiringa me ngā mahi māu

Tuarihia aku mōhiohio

E hiahia ana ahau kia kite aku kaiwhakarato hauora i aku mōhiohio hauora.

Ngā mahi mā te tūroro: Kore noa iho 

Tohu tūmataiti

Kāore au i te hiahia kia kite ētahi atu kaiwhakarato hauora i ētahi, i te katoa rānei o aku mōhiohio mai i tēnei kaiwhakarato ina whakamaimoa ana ahau.

Ngā mahi mā te tūroro: Me kōrero atu ki tō kaiwhakarato hauora. Me kōrero ki a rātou ko ēhea ngā pūkete takitahi me noho matatapu

Te tuari wāhanga

Kāore au i te hiahia kia tuarihia aku mōhiohio hauora mā te Pūkete Hauora Matihiko Pātahi.

Ngā mahi mā te tūroro: Whakapā atu ki Te Whatu Ora 0800 144 751 īmēra rānei ki customerservice@health.govt.nz 

Haere ki te paetukutuku a Te Whatu Ora i Supporting your care with shared health information mō ētahi mōhiohio anō. 

He pātai? Ka taea e mātou te āwhina

• Mēnā he pātai āu mō te kohinga o ō mōhiohio hauora me kōrero ki tō kaiwhakarato hauora, waea mai ki 0800 144 751 īmēra rānei ki customerservice@health.govt.nz 
• Ka taea hoki e koe te waea, te īmēra mai kia wehe atu, kia hoki mai anō rānei ki te Pūkete Hauora Matihiko Pātahi
• Mēnā he pātai tūmataitinga tāu, he amuamu rānei, me whakapā atu ki customerservice@health.govt.nz