Matawai waha kōpū: te mahi i te whakamātau-whaiaro Cervical screening: how to do the HPV self-test te reo Māori A4 portrait poster HE1173
A4 portrait format poster giving step-by-step instructions for doing the cervical screening HPV self-test. Translated into Te Reo Māori. This resource applies to cervical screening from 12 September 2023.
(Also available in a landscape format)
Please note that this is a poster, not the test kit. Please contact a health provider to arrange a test.
The full resource:
Ka āwhina te aratohu nei i a koe kia tiki koe ake i te tīpako tara. Mehemea he āwangawanga ōu i te whakamātau rānei, i te aha rā rānei, tēnā, īnoia atu te āwhina i tōu kaiwhakarato hauora.
Ina whirihia te whakamātau-whaiaro, ka hoatu te kete whakamātau ki a koe me ngā tohutohu taipitopito hei mahi atu. Mehemea he pātai rānei, he hanga uaua rānei o te whakamātau, tēnā, īnoia atu te āwhina i tōu kaiwhakarato hauora.
Me whakatau rawa te tika o ōu ake taipitopito i te waitohu me te puka hauora, ā, me tāpiri ngā mea e hipa ana. Tērā pea he mea anō hei whakakī atu, he pērā me te rā whakamātau.
Ka aha ina hē te mahi?
He ngāwari rawa te tiki atu i tōu ake tīpako. Ka rite te tika o te tīpako whaiaro ki tō te tīpako a te kaiwhakarato hauora. He iti rawa te tūponotanga e hē ai āu mahi.
He pai noa te whai tonu i te whakamātau mehemea:
- kua pā ngā matikara ki te pito ūkui o te tīpani (ahakoa he pai ake mehemea kāore i pā atu)
- kua uru te tīpani ki roto i te tara, engari kāore koe i te mōhio mehemea kua rahi te urunga ake.
Ina taka te paninga, me whakamōhio atu ki te kaiwhakarato hauora hei tono i te kete whakamātau-whaiaro hou hei whakakapinga.
Mahi 1.
Horoia ngā ringa ki te hopi me te wai, ka tauera ai kia maroke pū.
Mahi 2.
Kei roto i te wāhi tūmataiti, whirihia te taunga e pai ana hei tiki i te tīpako. Tērā pea ka noho rānei, ka tū rānei, ka takoto rānei, ka koromeke rānei. Ki te kore koe e tangatanga i tētahi, īnoia atu te āwhina o tōu kaiwhakarato hauora.
Mahi 3.
Unuhia te ngongo mau tīpani i te pēke. Kātahi ka unuhia te tīpani i te ngongo. Tērā pea me pupuri te ngongo, ka whakahurihuri ai i te kōpani hei tīhae i te here pepa. Tēnā, kia tūpato kei pā atu te pito o te tīpani ki ngā matikara rānei, ki tētahi aha rānei.
Mahi 4.
Puritia te tīpani ki waenganui, ā, whakamahia te ringa e wātea ana hei whakatuhera i te tara, ka āta whakauru ai i te pito o te tīpani ki roto kia 4-5 hm (he pērā me te roa o te kōnui, ānō kei te whakauru i te puru taiawa).
Ki te nuinga o ngā tāngata, he mea ngāwari, he mea hāneanea. Ina mamae, me āta unu rānei te tīpani kia tangatanga ai, me īnoi rānei ki tōu kaiwhakarato hauora kia āwhina atu i a koe.
Mahi 5.
Hurihurihia te tīpani kia 4 ngā wā (e 20 hēkona pea te roa), me te āta hārau atu ki ngā taha o te tara, kātahi ka unuhia te tīpani.
Mahi 6.
Hei te tangohanga iho i te tīpako, ata tirohia ngā tohutohu o te kete hei whakaoti i te whakamātau. Me kikī rawa te kōpani o te tīpako, kia pai ai te here.
Mahi 7.
Whakarērea ngā toenga ki te ipu para, ka hōroi ai i ngā ringaringa ki te hopi me te wai, kātahi ka tauera kia maroke pū ai.
Mahi 8.
Purua te tīpako me te puka hauora ki roto i te pēke, ka herea ai. Kātahi ka whakahokia ki tōu kaiwhakarato hauora.
Tērā pea he rerenga kētanga o te momo whakamātau paninga whaiaro o te aratohu nei i tō te aratohu a tōu kaiwhakarato hauora.
