Year 7 Immunisation for Tetanus, Diphtheria and Whooping Cough (Pertussis) (BOOSTRIX™ Vaccine) - Samoan version - HE2331

Tuipuipui

Tausaga 7

Boostrix – o se tuipuipui e puipuia atili ai lou alo mai le tetanus, diphtheria ma le whooping cough (pertussis)

Pepa o le Maliega a Matua

Faamolemole saini ma toe faafoi le pepa i le aoga.

O tamaiti aoga uma o le tausaga 7 e maua le avanoa e fai ai tuipuipui i le
aoga ma e leai se tupe e totogi e fai ai ma o tui e faamalosia atili ai puipuiga
mai le tetanus, diphtheria ma le whooping cough (pertussis). E masani foi ona ta'ua le tuipuipui lea o le Boostrix, tuipuipui mo tamaiti 11 tausaga le matutua ma le Tdap.

Ua faamauina i le pepa faamatala lenei faamatalaga e uiga i le tuipuipui o le boostrix ma le faapolokalameina o tuipuipui i totonu o aoga. E aogā e limataitaiina ai se tou talanoaga faaleaiga auā le sauni ai o si au tama mo le faiga o lona tuipuipui, ma o lo o tusia i le pito i lalo o le pepa faamatala isi nofoaga e mafai na fai ai tuipuipui.

O ā faama'i?

Tetanus

O se siama e mafai na sao i totonu o le tino mai se lavea po o se ma‘osia. E le mafai na pesia ai se tasi mai le isi tagata ua maua ai. O se siama e ola i mea palapalā ma vaega o le tino ua lavea po o se ma’osia ua sao i ai le palapala. O ituaiga lavea nei e maua ai mai tietiega uila i le mauga, faaseega laupapa po o isi lavea e mafai na sao i ai le palapala.

E faalogoina le tino vaivai, malō, tiga ma faafaigata na lamu ma folo meaai. O āuga nei e faateteleina ma iu ai i le pepē o maso e mānava ai ma e 1 mai le 10 tagata na maliliu ai.

Whooping cough (pertussis)

E matuai pepesi gofie le tale vivini ma e salalau pe a fetalei ma mafatua. O tagata ua maua ai e ono faalogoina le oso tatā o le tale ma iu ai ina faafaigata ona mānava
ma le fia faasuati. E 3 masina le umi e faalogoina ai āuga. E pito moomia e pepe i lalo ma le 12 masina le matutua le faataotolia i le falemai pe afai ua maua i le tale vivini.
A maua tagata matutua i le tale vivini e ono faateteleina le tale ma iu ai ina masae ponaivi asoaso, faaletonu ai māmā po o le maua ai i le pneumonia.

Diphtheria

O se faama’i ogaoga ae seāseā tupu ma e afaina ai le faaī ma le isu. O se tulaga e ono fula ai le faaī ma faafaigata ai na folo pe mānava. O tulaga faaletonu e aliae mai ai e
ono aafia ai le fatu po o le faaleagaina ai o fatugao.

E faapefea na ou faia se tulaga e sauni ai la‘u tama talavou mo le faiga o lona tuipuipui?

E agavaa tagata o faatinoa tuipuipui i totonu o aoga ma ua masani lelei i le faiga o tuipuipui ma e toatele tamaiti e sili ai le auai faatasi ma uo pe a fai tuipuipui. Afai o
popole si au tama i le faiga o se tuipuipui, faamalosi i ai e faailoa le tulaga lea i tagata e faia tuipuipui. E lelei le fai muamua o se meaai ma se vaiinu a si au tama a o lei faia
lona tuipuipui, e lē tau matapogia ai ona o le popole vale.

Afai e sili ai i si au tama le fai o le tuipuipui pe a faatasi ma se isi o le aiga ona talosaga lea o le faiga o se tuipuipui i se nofoaga e fai ai tuipuipui o tagata lautele, po o le
faletalavai o lata ane, po o lau fomai faaleaiga po o le auaunaga faalesoifua maloloina o vaaia oe.

Faamata o le ā se tulaga e vaaia i la‘u tama pe a uma na fai lona tuipuipui?

Aafiaga ogaoga ae seāseā tupu

O se tasi o aafiaga ogaoga o soo se tuipuipui ae e seāseā tupu o le ilitata o le tino e ta‘ua o le anaphylaxis. O le ilitata lava lea e faalogoina e tagata e afaina pe a ū e se lagomeli po o le ‘ai o pinati. E vaavaaia lelei e tagata o faia tuipuipui tupulaga mo le 20 minute i le uma ona fai o tuipuipui mo ilitata ogaoga faapenei. Ua aoaoina lelei le aufaigaluega e togafitia se ilitata ma saunia mea e faaaoga e togafiti ai.

Aotelega o Faamatalaga i Fualaau o Faaaogā e Tagata

O le Boostrix o se tuipuipui e faaaogā mo tui e toe faamalosia atili ai mai faama'i o le tetanus, diphtheria ma le whooping cough (pertussis). O isi taimi e ta'ua ai le tuipuipui o le Boostrix o le Tdap (tetanus/diphtheria/acellular pertussis).

Ilitata e faalogoina pe a uma na fai le tuipuipui

Afai o e popole i si au tama pe a uma na fai le tuipuipui valaau le 0800 Healthline (0800 611 116 i soo se taimi), o le auaunaga faalesoifua maloloina o vaaia oe, GP,
o le vaega e faia tuipuipui po o le falemai i tua atu o itula faigaluega masani.

E tatau na lipotia soo se aafiaga na aliae i le uma ai ona fai o se tuipuipui i le Centre for Adverse Reactions Monitoring (CARM). E tatau na lipotia e le sui o le soifua maloloina po o le lipotia sa‘o e le aiga i le www.otago.ac.nz/carm

O fea ou te maua ai nisi faamatalaga?

• Talanoa i se tagata e faia tuipuipui, fomai po o le tausimai faalesoifua maloloina lautele
• Tagai i le www.health.govt.nz/imms-older-children e maimoa ai i le video ma nisi faamatalaga e malamalama ai i le tuipuipui
• E maua le lomiga o le Consumer Medical information i le www.medsafe.govt.nz/consumers/cmi/b/boostrix.pdf

Aotelega o Faamatalaga i Fualaau o Faaaogā e Tagata

O le Boostrix o se tuipuipui e faaaogā mo tui e toe faamalosia atili ai mai faama‘i o le tetanus, diphtheria ma le whooping cough (pertussis). O isi taimi e ta‘ua ai le tuipuipui o le Boostrix o le Tdap (tetanus/diphtheria/acellular pertussis).

O mea o ola o gaosia ai le Boostrix o siama e lē pesia o le tetanus ma le diphtheria faatasi ai ma polotini ua uma ona faamamāina mai le siama o le pertussis. E lē mafai i le tuipuipui ona faatupu ai le maua o faama‘i nei.

O tui taitasi e 0.5 ml o le Boostrix o aofia ai le 2.5Lf unite o le diphtheria toxoid, 5Lf unite o le tetanus toxoid ma le pertussis antigens: 8 micrograms (mcg) o le pertussis toxoid, 8 mcg o le filamentous haemagglutinin ma le 2.5 mcg o le pertactin.

O tui taitasi e 0.5 ml e maua ai si tama‘i aluminium (o le aluminium hydroxide ma le aluminium phosphate), sodium chloride ma le vai. O mea ia e gaosia ai le tui ma e masani ona faaaogā i isi fualaau ma tuipuipui.

E lē tatau ona fai se tuipuipui a lou alo pe afai e ilitata le tino i le Boostrix po o se isi lava mea o gaosia ai.

E mafai ona fai le tuipuipui a lou alo i se isi taimi pe afai ua faalogoina i le taimi nei se ilitata ogaoga ona o le vevela o le tino. Talanoa muamua i lau fomai faaleaiga, tagata e faia tuipuipui po o se tausimai.

E lē tatau ona fai se tuipuipui a lou o le Boostrix pe afai o: 

• iai se faaletonu i le fegasoloaiga o le toto po o faaletonu i le gaioiga atoa o le tino i le mae‘a ai ona fai o tuipuipui e puipuia ai mai le diphtheria ma/po o le tetanus
• na feagai ma tulaga na mu/ma‘i i le fai‘ai, na aliae i totonu o aso e 7 talu ona uma se tuipuipui na fai o le whooping cough (pertussis)
• feagai ma se faaletonu i le fai‘ai e lē faatuatuaina.

O aafiaga taatele e aofia ai se ilitata o le itu o le tino na fai ai le tui, e pei o le tiga, lālāvevela, fula po o le totoulia, ma le faama‘ima‘i (fiva, faafaufau ma le tiga).

O isi aafiaga, e pei o le ilitata o le tino, ma e ono seāseā ona tupu. E maua le lisi atoa o aafiaga e ono tupu i le Consumer Medicine Information and Datasheet o faamauina e le Medsafe

Afai o i ai se tulaga ua ese ai le faalogo po o āuga ogaoga i le uma ai ona fai o le Boostrix, faamolemole faafesootai vave loa lau fomai po o le auaunaga faalesoifua maloloina.

Afai o maua lou alo i nisi o tulaga o ta‘ua i lalo, faamolemole faatalanoa tuipuipui ma lau fomai faaleaiga, tausimai, po o le tausimai faalesoifua maloloina lautele, po o le tagata e faia tuipuipui a o lei tuuina atu se maliega e tui ai:

• faaletonu fegasoloaiga o le toto
• se faama‘i e faaletonu ai puipuiga malosi o le tino (mo se faataitaiga ua maua lou alo i le HIV)
• se faama‘i o le fai‘ai po o se faama‘i i le fai‘ai o faatonutonu ai gaioiga atoa o le tino, e pei o le ma‘imaliu po o le fai ma oso le lili (tafiti/lili pe a maualuga le fiva)
• ilitata le tino i soo se fualaau po o mea, e pei o vailanu, meaai ma mea e faaumi ai le aogā o meaai
• sa tigaina muamua i se tulaga na ilitata ai le tino i le uma ai ona fai o se isi tuipuipui o aofia ai le tetanus, diphtheria ma/po o le pertussis
• faamata o faaaogā isi fualaau po o tuipuipui
• e lei faia muamua se tuipuipui mo le tetanus, whooping cough po o le diphtheria po o le lei faia o tuipuipui uma mo le tetanus ma le diphtheria.

O le Boostrix o se fualaau e faatonuina e le fomai. E iai aogā ma aafiaga o fualaau. Talanoa i lau fomai faaleaiga, tausimai, po o le tausimai faalesoifua maloloina lautele, po o le tagata e faia tuipuipui e te iloa ai le aogā ma aafiaga o le tuipuipui lenei.
E maua faamatalaga atoa mo tagata o faaaogāina auaunaga i le Medsafe

O au aiatatau

E faatatau le Code of Health and Disability Services Consumers’ Rights i auaunaga uma faalesoifua maloloina ma manaoga faapitoa o faia i totonu o Niu Sila.
Mo nisi faamatalaga, tagai i le www.hdc.org.nz pe vili le 0800 555 050.

Tulaga e lē faalauaiteleina

E ono faailoa mai e aoga nisi o faamatalaga e pei o igoa o tamaiti aoga, numera potuaoga, aso fanau, tuatusi ma le ituaiga tagatanuu. O tulaga nei e tatau i le aoga ona faailoa muamua atu ia te oe. O faamatalaga nei, faatasi ai ma faamatalaga e te faailoa i le pepa o le maliega a le aoga, e faaaogā i le faatinoga o tuipuipui ua matou faapolokalameina.

O faamatalaga mai le pepa o le maliega ma faamatalaga o tuipuipui taitasi na faia pe na teena o tulaga nei e faamauina i le faiga o puleaina ai faamatalaga o tagata gasegase o umia e le auaunaga faalesoifua maloloina i le itumalo o e nofo ai ma o isi faamatalaga e faamauina i le National Immunisation Register.

E faaaogā e auaunaga faalesoifua maloloina i le itumalo o e nofo ai faiga o puleaina ai faamatalaga o tagata gasegase mo le faamauina o faamatalaga tau soifua maloloina. O le National Immunisation Register o le faiga aoao o faamauina ai faamaumauga, ma e umia e le Matagaluega o Soifua Maloloina. O lo o lesitala ai tuipuipui na faia i tamaiti ma tagata i Niu Sila o faapitoa lava polokalame o tuipuipui o auai ai.

O faamatalaga o faamauina i le pepa o le maliega, ma le faiga o puleaina ai faamatalaga o tagata gasegase ma le National Immunisation Register o faamatalaga o puipuia e le Health Information Privacy Code. Na o sui o le soifua maloloina ua faatagaina aloaia e mafai ona latou vaai, faaaogā, pe suia faamatalaga nei. Ae e mafai ona e vaai i faamatalaga o faamauina mo lou alo ma faia ni faasa‘oga. Afai e te fia vaai i faamatalaga nei, faafesootai le tagata e faia lou tuipuipui po o le fomai po o le auaunaga faalesoifua maloloina.

E faaaogā e tagata e faia tuipuipui faamatalaga o faamauina i le pepa o le maliega, ma le faiga o puleaina ai faamatalaga o tagata gasegase ma le National Immunisation Register:

• e faafesootai ai lau fomai po o le auaunaga faalesoifua maloloina pe a fia moomia ona siaki tulaga o tuipuipui a lou alo na fai
• pe afai o iai ni atugaluga i le soifua maloloina a lou alo
• e faailoa ai i le aoga tulaga o le faia po o le lei faia o tuipuipui a lou alo
• e suesueina ai le faapolokalameina o tuipuipui ma le saunia o isi polokalame e faamoemoe e fai i se taimi o i luma, po o le 
• faasino o lou alo i le fomai faaleaiga po o le tausimai mo le faia o tuipuipui pe afai na misi ona auai i le aoga.

O faamatalaga e lē iloa ai tagata taitoatasi e ono faaaogā lea mo suesuega
po o le saunia o auaunaga fou.

Mo nisi faamatalaga i tulaga o faasoaina ai le lisi o tamaiti aoga ua faaulufaleina, tulaga e lē faalauaiteleina ma le faaaogāina o faamatalaga, silasila i le taiala faavae o tulaga e lē faalauaiteleina ua saunia e auaunaga faalesoifua maloloina i le itumalo o e nofo ai. Afai o iai se fesili i tulaga e lē faalauaiteleina, e mafai ona e imeli le enquiries@privacy.org.nz pe faafesootai le Privacy Commissioner i le telefoni vili fua 0800 803 909.

E maua le pepa lenei i le www.healthed.govt.nz po o se auaunaga ua aloaiaina i le itumalo o e nofo ai.
Toe teuteu Aperila 2023 | Gagana | Code HE2331. Samoan. April 2023, English revised December 2022.