Care options for you and your whānau - Gagana Sāmoa (Samoan) - HE3334-SMO

Saili le tausiga faalesoifua malōlōina e tatau mo oe ma lou aiga

O lau foma‘i masani/ foma‘i faaleaiga o le nofoaga pito sili lea mo ou manaoga faalesoifua malōlōina o aso uma. E mafai ona e maua se falema‘i faaleaiga poo le (GP) i le upega tafailagi o le Healthpoint

E tele ituaiga auaunaga faalesoifua malōlōina o lo‘o iai pe afai e lē mafai ona maua sou avanoa i lau fomai faaleaiga. O le tele lava e tatala pe a manava galuega ma faaiuga o le vaiaso.

Healthline 0800 611 116

• O fautuaga faalesoifua malōlōina i luga o le telefoni e maua fua, 24 itula, 7 aso o le vaiaso mai tausi soifua faapea fesoasoani muamua.
• O foma‘i Māori e iai tomai faapitoa e avanoa mai le 8 i le taeao e tau i le 8 i le po, Aso Gafua – Aso Faraile.
• E mafai ona e lafoa iai ata po‘o ata pu’e e fesoasoani i le faamatalaina o ou āuga.
• E iai le filifiliga e avatu e talosagaina ai le Healthline e toe telefoni atu ia te oe.

Asiasi i le upega tafailagi a le Healthline

O le upega tafailagi ma le telefoni o lau foma‘i mo se taimi faatonuina

• O le upega tafailagi po‘o le telefoni mo se taimi faatonuina ma se foma‘i pe a lē mafai ona maua se avanoa ma lau fomai faaleaiga ia po o le leai fo’i o sau fomai faaleaiga.
• E avanoa i soo se taimi e aofia ai pe a manava galuega ma faaiuga o vaiaso.
• E taugofie taimi e vaaia ai tamaiti ma tagata e iai a latou community services card i isi auaunaga faalesoifua malōlōina.

Saili se foma’i i luga o le upega tafailagi o le Online GP Care

Fale talavai

• Fautuaga mo talavai ma nai popolega e aofia ai le isu mamafa, papala ma le mageso o le tino.
• E tele foi e mafai ona fesoasoani atu pe a mama‘i mata, tulitā, faafuaseia mo le fuafuaina o le fanau, tui puipui ma isi mea e tele.
• Atonu e maua ni nai aso o talavai/vailaau pe a uma inumaga a’o talia le talavai fou.

Saili se fale talavai i luga o le upega tafailagi Healthpoint

O falema’i e tatala i le te’a o le 5 i le afiafi ma ma’i faanatinati pe faafuase’i

• O falema‘i e tatala pea i le te‘a o le 5 i le afiafi ma ma‘i faafuase‘i pe afai ua le avanoa lau fomai faaleaiga ma ua manaomia lou vaaia o se foma’i.
• Mo mataupu tau le soifua malōlōina faanatinati ma faafuase‘i e aofia ai gau, māsui, lavea leaga, ulu fetoai, mū laiti, faaletonu i mata ma taliga ma pe afai e lagona le ma’i tele.
• E vaai fua tamaiti ma pa‘u le tau mo i latou e iai community service card, i nisi falemai.

Saili lau falema’i faafuasei o lata ane i luga o le upega tafailagi  Healthpoint

Asiasi i le upega tafailagi o le Health New Zealand | Te Whatu Ora mo faamatalaga i auaunaga.