Scabies: treat household items - te reo Māori - NPHS0086-MRI
The full resource:
Te Waihakihaki
Te horoi i ngā hanga o te whare kia kore ai te waihakihaki e noho mai
Me whai rongoā te tangata e kore ai te waihakihaki. E wātea ana te kirīmi, te panikiri rānei e iti iho nei te utu ki ngā tamariki me ō rātou whānau i te kēmihi, i ngā rata arowhānui rānei. Ka ora tonu ngā ngārara waihakihaki me ngā hua i waho i te tinana mō ētahi rā. Whai muri i ia rongoātanga, me horoi ngā kākahu, ngā moenga me ngā hanga o te whare kia kore ai te waihakihaki e noho mai.
Rā 1:
Me rongoā te katoa o te whare. Pania te kirīmi, te panikiri rānei ki tō kiri katoa, ā, waiho mō te pō.
Ki te kai pire koe, whāia ngā tohutohu a tō kaiwhakarato hauora.
Tirohia tērā atu whārangi – Te rongoā i a koutou ko tō whānau.
Te rā i muri mai
I muri i te rongoā tangata, me horoi ngā hīti, ngā uhi urunga, ngā uhi paraikete, ngā tāora, ngā tāora kanohi, ngā taonga tākaro ngohengohe, me ngā kākahu i mau i ngā rā e whā kua hipa.
Kōwhiria tētahi o ēnei tikanga hei whakamate i ngā ngārara me ngā hua.
- Horoia ki te wai wera (kia neke atu i te 50°C), kia roa ake i te 10 meneti
- Tukua ngā kākahu ki te mīhini whakamaroke, ā, kia kaha te wera, kia roa ake hoki i te 10 meneti
- Kia 5 hāora, neke atu rānei i tērā, e whakatiohia ana (waiho mō te pō)
- Waiho ki roto i tētahi pēke kirihou kua herea mō ngā rā e 4
Ngā rā 2–5
Horoia ngā whāriki o te whare, ngā hanga ngohengohe me ngā nohoanga motokā (mō ngā pakeke me ngā tamariki). Whakamahia te hororē i ia rā mō ngā rā e 4.
Ngā nohoanga motokā
- Horoia ngā uhi ka taea te tango ki te wai wera
- Horoia ki te hororē, mukua rānei ngā mata
- Waiho ngā nohoanga motokā tamariki ki roto i tētahi pēke kirihou kua herea mō ngā rā e whā
Ngā rā 8–10
I muri i tō rongoātanga tuaruatanga i te rā 7, kia rite anō te horoi i ngā kākahu me ngā hanga o te whare ki te mahinga tuatahi. H
He kōrero anō
He kōrero anō kei