Newborn Hearing Screen Results - Samoan version

Siakiina o Pepe fou

Siaki fai fua o le soifua malōlōina o lau pepe

O le asō na pāsia ai le siaki o le fa‘alogo a lau pepe

O lona uiga i le taimi na faia ai le siaki, na lelei le fa‘alogo a lau pepe.

O ni fa‘afitāuli

O nisi o pepe ua pāsia le latou siaki e ono mafai ona toe a‘afia le fa‘alogo i se taimi mulimuli. O nei a‘afiaga e ono pogai mai i ni fa‘afitauli e pei o ma‘i po‘o se fa‘ama‘i na maua ai le tinā a‘o ma‘itaga ia. O le a ta‘uina atu ia te oe i le taimi o le siaki pe afai e mana‘omia se isi siaki ma le mafua‘aga e tatau ai ona fa‘atūlaga se taimi e va‘aia ai se foma‘i fa‘apitoa o le fa‘alogo. Pe afai e mana‘omia se isi taimi fa‘atūlagaina, e le fa‘apea e ta‘u mai ai o le a tuputupua‘e le leaga o le fa‘alogo a lau pepe, ae tāua ma mana‘omia le va‘ava‘ai pea e le foma‘i fa‘alogo fa‘apitoa.

Lisi o mea e fai ma siaki

O lo‘o i tua o lenei pepa ni lisi o mea e fai ma taunapa iai o le a fesoasoani lea ia te oe i le va‘ava‘aia o le tautala ma auala e tautala ai lau pepe a o tuputupu a‘e.

O nei lisi o siaki o le fa‘alogo o lo‘o maua fo‘i  totonu o le tusi a lau pepe ua ta‘ua o le Well Child Tamariki Ora Health Book, ma e tatau ona fa‘atumu i taimi uma e fai ai le siaki o le Well Child.

O siaki e faia e ala lea i le Well Child Tamariki Ora e aofia ai ni fesili mo mātua e uiga i le alualu i luma o le fa‘alogo, tautala ma le gagana a ā latou pepe. Afai e iai ni ou pōpōlega e uiga i le fa‘alogo po‘o le tali mai a lau tama, e tāua tele lou fa‘atalatalanoa i le foma‘i pasi a le Well Child, le faia‘oga o le a‘oga amata po‘o lau foma‘i masani.

Lisi o mea e siaki ai le fa‘alogo

E mafai e lau pepe ona fa‘alogo?

I le 4 – 10 vaiaso, pe a fa‘afuase‘i ona iai se leo tele, o a mea a lau tama e fai:

• te‘i pe ‘emo‘emo?
• gaōiōi a‘o moe?
• ua tu‘u le susu mo se taimi pu‘upu‘u?
• tilotilo mai ia te oe a‘o susu?
• tagi?

I le 3–4 masina, pe latou te:

• ‘emo‘emo pe tagi pe a fa‘afuase‘i ona tupu se leo tele?
• uma vave le tagi po‘o le susu i le taimi e te tautala ai?
• ala pe minoi i se leo tele?
• faia ni leo fa‘apepe pe ‘ata‘ata i le taimi e te tautala ai?
• tilotilo i le mea o lo‘o sau ai se leo?
• e foliga mai e fiafia i mea ta‘alo e iai ni musika
• leai se gāoioi i le taimi e iai se leo fou?
• e foliga mai ua iloa lelei lou leo?

I le 5–7 masina, pe latou te:

• liliu lona ulu i le mea o lo‘o sau ai se leo po‘o se tagata e tautala?
• tagi pe a iai se leo fa‘afuase‘i?
• fiafia i le musika?
• faia so‘o se itū‘āiga leo fa‘apepe?
• nisi o taimi e na te fa‘ata‘ita‘i leo e te faia?

I le 9–12 masina, pe latou te:

• tali mai i le vala‘au o lona lava igoa?
• tilotilo solo e su‘e ni isi leo fou – e o‘o lava i leo filemū?
• malamalama i le ‘leai‘ ma le fa‘atōfā?
• fa‘alogologo pe a talanoa tagata?
• fiafia e fa‘ata‘ita‘i leo?
• fa‘aaogā leo pepe e pei lava o se tautalaga mo‘i?
• taumafai e talanoa mai ia te oe pe a e tautala?

Afai e iai se fa‘aletonu i le fa‘alogo a lau pepe, o le vave iloa o lea tulaga e lelei lea mo le latou gagana, a‘oa‘oga ma le tuputupu a‘e.

O nei lisi o siaki o le fa‘alogo, ma lisi o siaki mo tamaiti ua sili atu ma le 12 masina, o lo‘o i totonu o le tusi a lau pepe ua ta‘ua o le Well Child Tamariki Ora Health Book.

Mo nisi fa‘amatalaga e uiga i le siakiina o le fa‘alogo a pepe fou, asiasi ane i le upega o feso‘ota‘iga a le National Screening Unit: www.nsu.govt.nz