Suesuega o le gutu o le to'alafanau: O se faatalanoaga i au filifiliga - Samoan HE1356
Information in Samoan about the Cervical Screening Programme and the range of options available to do a screening test.
Designed to support people to decide which options are best for them (in consultation with their healthcare provider).
Please note that orders are restricted to 20.
The full resource:
O se valaau i tamaitai Pasefika uma
Turou, Cook Islands
Tulou, Fiji
Mautauninga, Kiribati
Tulou, Niue
Turo’, Rotuma
Tulou, Samoa
Tulou, Tokelau
Tulou, Tuvalu
Tulou, TongaMa le faaaloalo tele
Matou te teu le va
Ia faamamaluina lou
Mafaufau
Tino
Agaga.I le agaga o le alofa
Matou te amanaia uma
Tamaitaí Pasefika o le
Moana-nui-a-Kiwa.I le agaga faamalosiáu
Matou te valaaulia oe
Ia tatou auai faatasi
I lenei talanoaga
E sili ona tāua.
HPV ma le kanesa o le gutu o le to’alafanau
E toetoe lava o kanesa uma o le gutu o le to’alafanau e mafua mai le vairusi o le papillomavirus (HPV). E taatele lenei vairusi ma e pepesi pe a fesootai ma fepa’ia’i pa’u o le tino poo le faatino o soo se faiga tau feusuaiga. E toetoe lava o tagata matutua uma o le a maua i le HPV i se vaitaimi o le soifuaga.
O le tele o tagata e maua i le HPV e masani na toe te’a ese atu le faama’i ma latou, ae o nisi ituaiga o le vairusi e faaauau pea ma iu ai ina tupu ni suiga o sela lea e iai se taimi e iu ai ina oo i le kanesa.
E masani lava ona 10 tausaga ma luga atu le umi e tuputupu ai le kanesa o le gutu o le to’alafanau. O le fai soo o siaki e maua ai tagata ua vave ona aafia i se tulaga lamatia o suiga o sela auā afai ua iai ni suiga, e mafai ona togafitia, e masani ai, a’o le’i aafia i le kanesa.
E tele laasaga faasolosolo i le va o le aafia i le HPV, suiga o sela ma le kanesa. O le maua o oe i le HPV, e lē faapea ai ua e maua i le kanesa.
O le kanesa o le gutu o le to’alafanau, o se tasi o kanesa e pito sili ona mafai ona taofia.
E tusa ma le 90% o tagata e fai suesuega o le a LĒ maua i le HPV ma e mafai ai pea ona faaauau le faia o siaki masani. Ae tusa ma le 10% o tagata e fai a latou suesuega o le a iloa ua i ai le HPV ma o le a moomia ona faia nisi siaki.
Mo le silafia o le faiga o suesuega o le gutu o le to’alafanau
Faatasi ai ma le faia o le tuipuipui mai le HPV, e moomia le fai o siaki faifai pea o le gutu o le to’alafanau e faaitiitia ai le faama’i ma le ma’umau ai o le soifua ona o le kanesa o le gutu o le to’alafanau.
O le auai i le Polokalame o loo faagasolo i le atunuu mo Suesuega o le gutu o le to’alafanau (NCSP) ma o le faia o siaki faifai pea, o le auala sili lea mo le puipuiga o oe mai le kanesa o le gutu o le to’alafanau ina ia tumau lou soifua maloloina mo oe ma lou aiga. Ua leai nei se totogi o le faiga o Suesuega o le gutu o le to’alafanau mo tamaitai Pasefika. Faamolemole faafesootai lau fomai.
E iai se auala vave ma faigofie mo le faia o lau siaki o le gutu o le to’alafanau, o le tele o tagata ua na’o le ta’i 5 tausaga ma fai, ua mafai ona e filifili e fai lava e oe.
O le faia o le siaki o le HPV e ma’ale’ale tele ma e mautinoa lava le iloa ai o le vairusi lea e faapogai ai le maua i le kanesa o le gutu o le to’alafanau. O le a faailoa mai ai le 10% o latou ua fai siaki ua iai i se tulaga ua amata ona maua i suiga o sela o le gutu o le to’alafanau a’o le’i oo i le kanesa; e mafai ai loa ona vave fai i ai se togafitiga, ma puipuia ai isi sela i le aafia i le kanesa o le gutu o le to’alafanau.
O le auala fou ua faatinoina i le faia o siaki o le gutu o le to’alafanau e saili ai vairusi masani e faaigoa o le human papillomavirus (HPV) o le ituaiga lea e mafua mai ai le 95% o kanesa o le gutu o le to’alafanau. E tutusa lava le lelei o le fai o le siaki lea e oe lava, pe fesoasoani atu ai foi lau fomai, poo le saloina atu o se sample o le gutu o le to’alafanau (cervical sample).
E faapefea ona ou iloa e moomia ona fai so’u siaki?
E fautuaina oe e fai sou siaki pe afai o oe:
- o se tama’itai poo se tagata e i ai le to’alafanau;
- e 25-69 tausaga o lou soifua;
- o loo fai pea feusuaiga i le taimi nei, pe sa masani ona fai.
Kapau na‘e ‘osi tafa ‘o to‘o e taungafanaú mo e kau‘itaungafanaú, pea ke ‘eke ki ho‘o kiliniki fakafaito‘o pe ‘oku tonu ke ke kei kau ki he sivi tokamu‘á.
Pe afai sa fai sau taotoga tele o le hysterectomy (e aveese atoa ai le to’alafanau ma le gutu o le to’alafanau) siaki ma lau fomai pe moomia pea ona fai sau siaki.
Afai o loo e maua i le ma’itaga, e saogalemu pea le fai o le siaki. Afai o loo alu lou palapala e mafai pea ona fai lau siaki, se’i vagana o loo malosi le alu ona e ono afaina ai le iuga o le siaki.
Mai le 180 tagata ua faamaonia ua maua i le kanesa o le gutu o le to’alafanau i tausaga taitasi, o le 85% e le’i faia lava ni siaki ma e lei faia foi ni a latou siaki masani.
Ua faigofie nei le faia o siaki o le gutu o le toálafanau ona, ua i ai au filifiliga e mafai ona fai.
O au filifiliga i le faia o suesuega o le HPV
1: Saloina ni aalu mai totonu o le itu sā
E talafeagai lea faatinoga mo le toatele. O le a faailoa atu pe a ese se isi suesuega e fetaui mo oe.
2: Aoina le Sample mai le gutu o le To’alafanau
Sa faaigoa muamua o le smear test. E ono fautuaina nisi tagata e fai le siaki lea. E mafai foi e oe ona e filifili i le siaki lea pe afai e te manao i ai.
C) O le aoina mai o le sample o le gutu o le to’alafanau e se tagata aoaoina poo se fomai
E ono mafai ona fai i totonu o le ofisa o le fomai, poo totonu o se nofoaga i le komiuniti, poo totonu o se auala fealuai (mobile clinic).
O le a aoina mai le sample e le tagata o loo faia le suesuega mai totonu o le gutu o lou to’alafanau, e faaaoga ai se speculum ma se tama’i pulumu. E muamua ona suesue le sample mo le HPV, afai ua maua ai le HPV, ona suesue lea mo suiga o le sela.
Afai e leai se HPV na maua
O le isi vaaiga o oe o le a fai i le 5 tausaga (poo le 3 tausaga pe afai e lē malosi lou tino e tetee atu i faama’i).
Afai ua maua i le HPV
O le a siaki pea le sample lea pe o iai ni suiga i sela. E faalagolago i le faaiuga e maua, e ono faasino oe e fai le colposcopy e iloa ai po ua iai ni suiga i le gutu o le to’alafanau e ono moomia ai ni togafitiga.
E faapefea ona ou auai i le polokalame mo le siaki o le gutu o le to’alafanau?
-
Faasa’o ou faamaumauga e fesootai atu ai oe
E moomia ona iai lou suafa i le tusi lesitala NCSP e maua ai lau valaaulia, ma fesootaiga i le telefoni, ma tusi faamanatu mo au siaki. Afai e te lē o mautonu poo iai lou suafa i le Lesitala, telefoni le 0800 729 729 e siaki ai. -
Mo le silafia o nisi faamatalaga e faatatau i le faia o siaki o le gutu o le to’alafanau
Mo le silafia o nisi faamatalaga e faatatau i le faia o siaki o le gutu o le to’alafanau, o au filifiliga e fai, ma le faatonuina o sou avanoa e vaai ai oe, telefoni le 0800 729 729 pe asiasi i le TimeToCervicalScreen.nz -
Faailoa atu i sau uo ma sui o lou aiga faamatalaga o le faia o siaki o le gutu o le to’alafanau
Afai e iai sau uo poo se isi o lou aiga ua agavaa mo le faia o siaki o le gutu o le to’alafanau, faasoa atu i ai faamatalaga ia, ma ta’u i ai le faiga fou o le HPV lea e fai lava e oe. E ono faasao mai ai o latou soifua!
Taofia o le fai o siaki poo le aveese mai le NCSP
E mafai ona e filifili e aveese mai oe mai le NCSP i soo se taimi, e mafai foi ona e tumau pea i totonu o le Lesitala ma filifili e lē fia maua nisi fesootaiga. E mafai ona e fesootai le Polokalame i soo se filifiliga e te fia fai, ma afai e te manao e aveese lou suafa, o le a matou tuuina atu se pepa o faamatalaga e faatumu. E mafai foi ona e mauaina le pepa faatumu i luga o le matou upega tafailagi. Matou te teuina nisi o faamatalaga tau fesootaiga i le matou faila o faamaumauga e tuu i ai se faailo e lē toe faafesootai atu oe. O faamatalaga uma e faatatau i siaki o le gutu o lou to’alafanau ma le tala faasolopito o le vaaiga o oe o le a aveesea mai a matou faamaumauga.
E mafai ona e toe auai i le polokalame i soo se taimi pe afai ua toe sui lou finagalo.
Vaai le vaega lea i luga o le upega tafailagi ua ta’ua o le privacy section i le Time to Screen mo faamatalaga pe faapefea ona puipuia faamatalaga ua teuina e le Polokalame.
Auā na ia faia a’u e ala ai ona mata’utia ma ofo tele ai.
Salamo 139:14