Care options for you and your whānau - Lea faka-Tonga (Tongan) - HE3334-TON

Fekumi ki he tokoni lelei taha ma‘au pea mo ho fāmili´

‘E ma‘u ‘a e ngaahi tokoni lelei taha ki ho‘o ngaahi fiema‘u ki he mo‘uilelei´ he taimi kotoa pē mei ho‘o toketā fakafāmili´/kautaha pē potungāue ‘oku nau tokangaekina ‘a e kāinga Pasifiki´. Vakai ki he lisi ‘o e kau toketā fakafāmili´ pē ‘oku ‘iloa ko e (GP) ‘i he uepisaiti Healthpoint

‘Oku ‘i ai pē mo e ngaahi tokoni kehekehe ki he mo‘ui´ kapau ‘oku ‘ikai faingamālie ke ke sio ki he toketā. Ko e tokolahi ‘oku nau faingamālie hili ‘a e ngaahi houa ngāue angamaheni´ pea mo e faka‘osinga ‘o e uike´.

Healthline 0800 611 116

• Ma‘u ha ngaahi fale‘i ta‘etotongi ‘i he telefoni´ ‘i ha fa’ahinga taimi pē 24/7 mei he kau neesi´ mo e kau taukei ki he ngāue fakafaito’o fekau’aki fakatu’utāmaki fakavavevave´ pe ‘oku ‘iloa ko e kau paramedics.
• ‘Oku ‘ataa ‘a e kau toketā Mauli´ ‘i he faka‘osinga ‘o e uike´ mei he 8am ki he 8pm.
• ‘E lava ke ke ‘ave ha ngaahi ‘ata pe vitiō ke tokoni ki he talatala ho ngaahi faingatā’ia´.
• ‘Oku lava pē ke kole ki he kau ngāue ‘a e Healthline ke nau toki tā atu. Vakai ki he uepisaiti Healthline

Ko e ngaahi ‘apoinimeni toketā ‘i he ‘initanetí 

• ‘Apoinimeni toketā ‘i he ‘initanetí pe telefoní ‘o kapau ‘oku ‘ikai ke ma‘u ha faingamālie ke ke sio ai ki ho‘o toketā fakafāmili´ pe toketā, pe ‘oku te‘eki ke ‘i ai ha‘o toketā fakafāmili.
• Faingamālie pē ‘i ha fa‘ahinga taimi ‘o kau ai ‘a e ngaahi houa ngāue angamaheni´ mo e faka‘osinga ‘o e uike´.
• Totongi ma’ama’a ‘o e ngaahi ‘apoinimeni ‘a e fānau iiki´ mo kinautolu ‘oku ‘i ai ‘enau kaati ‘oku ‘iloa ko e Community Services Card. Fekumi ki ha toketā ‘i he ‘initaneti´ ‘i ha‘o vakai ki he uepisaiti Online GP Care

Faletalavai

• Vakai ki he uepisaiti info.health.nz ki ha fale‘i ki he mo‘ui´ mo e fakamatala fekau‘aki mo e ngaahi ngāue ‘oku nau fakahoko´. 
• Fale‘i fekau’aki mo e ngaahi faito‘o pe fo‘i ‘akau´ mo e ngaahi faingatā’ia fakasino´ ‘o kau ai ‘a e ma‘u ‘e he momoko´, mahaki kili pe velia e kili´.
• ‘Oku tokolahi ‘a kinautolu te nau lava ke tokoni ki he ngaahi mahaki ‘o e mata´, ngaahi mahaki ‘o e halanga vai´, tokoni fakato’oto’o ki he fakavaha fanau´, ngaahi huhu malu‘i´ mo e ngaahi tokoni kehe pē.
• Mahalo na‘a lava ke ma‘u ha‘o faito‘o pe fo‘i ‘akau fakataimi pē kapau kuo ‘osi pe toe fiema‘u ha faito‘o pe fo‘i ‘akau fo’ou.

Vakai ki he uepisaiti Healthpoint ki he lisi ‘o e ngaahi fale talavai´.

Ngaahi kilīniki ‘oku ava hili ‘a e taimi ngāue angamaheni´ pe ‘oku nau fakahoko ‘a e ngaahi tokoni fakavavevave´

• Ngaahi tokoni hili ‘a e houa ngāue angamaheni´ pe tokoni fakavavevave kapau ‘oku ‘ikai ke faingamālie ‘a ho‘o toketā fakafāmili´ pea ‘oku´ ke fiema‘u ke ke sio hangatonu ki ha toketā.
• Ki he ngaahi tokoni fakafaito’o fakavavevave kau ai ‘a e fasi, maumau ki he uoua, lavea lahi, lavea lahi ki he ‘ulu´, vela iiki, palopalema ki he mata´ pe telinga´ pē ongo‘i faingatā‘ia ‘aupito.
• ‘Apoinimeni ta‘etotongi ki he fānau iiki´ mo e totongi ma‘ama‘a ‘a e ‘apoinimeni ki a kinautolu ‘oku ‘i ai ‘enau kaati ‘oku ‘iloa ko e community service card ‘oku ngāue‘aki ‘i he ngaahi kilīniki´.

Vakai ki he uepisaiti Healthpoint ki he kilīniki ofi taha ki ha ngaahi tokoni fakavavevave. 

Vakai ki he uepisaiti Health New Zealand | Te Whatu Ora ki ha fale‘i ki he mo‘ui´ mo e fakamatala fekau‘aki mo e ngaahi ngāue ‘oku nau fakahoko´.