Keeping an Eye on Your Child's Vision (B4 School Vision Screening) - te reo Māori version
Te tirotiro i te kaha kitenga o tō tamaiti. Web-only information in te reo Māori for vision technicians to give to parents/caregivers when the child has passed vision screening for amblyopia (lazy eye), as part of routine Well Child health checks.
The full resource:
Te tirotiro i te kaha kitenga o tō tamaiti
Te āta tirohanga o te kitenga
Hei wāhi tikanga noa o ngā tirotiro Tamaiti Ora i āta tirohia tō tamaiti mō te amblyopia (karu māngere) me te whakaaro tonu kāore i tō tamaiti tēnei mate.
Kāore ngā mate kitenga katoa e uhia e tēnei āta tirohanga.
Tērā pea kei ētahi tamariki kua pāhi i tēnei āta tirohanga he mate kitenga kē, tērā rānei e whanake pea he mate kitenga a muri ake.
Te tirotiro i te kaha kitenga o tō tamaiti
Ki te uaua mō tō tamaiti te ako me te pānui pukapuka, ki te tino pakihawa ia mō tōna pakeke, ki te karapa ōna karu, ki te tītaha rānei tōna mātenga kia kite, ki te nui rānei te ānini, tērā pea he mate kitenga tōna.
E KORE e āta tirohia anōtia te kitenga o tō tamaiti kia tae rā anō ia ki te Tau 7, nō reira mēnā kei te āwangawanga koe mō te kitenga, mō ngā karu rānei o tō tamaiti he mea nui kia haere kōrua ki tētahi kaiwhakamātau kitenga (optometrist), tākuta karu (ophthamologist) rānei.
Mēnā he mate kitenga tō tāu tamaiti, he pai tonu mōna kia mōhiotia tōmua ai tēnei, arā mō tana kaha ako me tana whanaketanga.
Ki te ruarua koe – haere kia tirotirohia!
Mō ētahi atu pārongo mō te āta tirohanga o te kitenga o ngā tamariki, hei tiki ake rānei i tēnei mātārere, haere ki te paetukutuku a te Manatū Hauora, waea koreutu rānei ki te ratonga tohutohu hauora 24-hāora, te Healthline (0800 611 116).