Pīwari te Kaitiaki (te reo Māori) - CYW296TR
Pīwari the Kaitiaki is for māmā, pāpā, and mātua to share kōrero and information to make informed decisions around immunising pēpi (babies) and tamariki (children).
The set consists of two rauemi (resources):
- a pukapuka (book), Pīwari the kaitiaki,
- and an immunisation scheduling rauemi inspired by our maramataka (Māori lunar calendar), Tūwhitia te Marama.
Pīwari the Kaitiaki and Tūwhitia te Marama were co-developed by IDIA (Indigenous Design and Innovation Aotearoa) with māmā and pāpā from across ngā hau e whā – from Whangārei, Waihōpai, Taranaki, and Tairāwhiti. The rauemi are the result of almost two years of co-design and co-development with these hapori.
The full resource:
Kia ora! Ko Pīwari ahau
Ko Pīwari te kaitiaki.
Ka kōrerotia e au tētahi pakiwaitara mō te hauora, te mātauranga me te tuku awhikiri.
Kua takahi tāua i tētahi haerenga mā te māra me te ngahere, ka tūtaki atu ki tētahi kuia tautōhito, māna tāua e ako mō te tuku awhikiri, ā, he aha tāna āwhina i te hauora.
Kua rite koe? Hoake!
Tērā tētahi rā ka whakatōpū a Whaea Mere, he wahine tautōhito, i ngā tamariki ki te māra kia whākina atu he pakiwaitara.
“Kua roa tō tātou iwi e noho tahi ana ki te taiao. Nō te taiao ō tātou mātauranga me ngā tohu huri noa i a tātou.”
I tohu atu a Whaea Mere ki tētahi putiputi, te wāhi i tau ai tētahi pī.
Hei tāna, “He koha ngā pī nā ngā atua hei āwhina i te taiao me te hauora o te tangata.”
“Nō mai rā anō mōhio ai ō tātou tīpuna he hirahira tā te pī mahi.”
“Ka kawea e ngā pī me ō rātou hoa te hae mai i tētahi putituti ki tētahi atu, me te aha ka āwhina i te ngahere kia puāwai. Ka whakamahia e ō tātou tīpuna te putiputi me ētahi atu tipu ki te mahi rongoā, waihoki, ki te whakahaumaru i te whānau.”
“I ēnei rā, ka whakamahia te tuku awhikiri hei tautoko i te hauora.”
I uia e te pākiki pakupaku, e ,
“Whaea Mere, ka pēhea te mahi tuku awhikiri?”
Ka rere tonu te kōrero a Whaea Mere, areare atu ko ngā taringa o ngā tamariki.
“Ka werohia ana koe ki te tuku awhikiri, ka ako tō tinana me pēhea e tiaki i a koe kia kore
ai e māuiui.”
“He rite ngā tuku awhikiri ki tētahi kākano moroiti, kua whakatōngia ki tō tinana. Ka āwhina te kākano i tō tinana kia ako, kia mōhio ai ki ngā māuiuitanga me ngā mate, ā, ka patua ērā kia iti iho ai te pāngia ōu e te māuiui.”
“He kuru pounamu ā tātou pēpi. Pēnei i te putiputi, me atawhai e tātou e pakari ai, e ora ai tana tupu mai.”
Whai muri iho i te whakarongo atu ki te kōrero a Whaea Mere, ka mōhio ngā tamariki e taea ana e rātou te whakawhirinaki atu ki ngā momo rongoā rerekē, tawhito mai, hou mai, e tiakina ai rātou me ō rātou whānau.
Poipoia te kākano, kia puāwai.