Te āta tiaki i ngā kanohi o tō tamaiti - Keeping an eye on your child's vision (B4 School Vision Screening) - te reo Māori - HE2294
Te āta tiaki i ngā kanohi o tō tamaiti. Web-only information in te reo Māori for vision technicians to give to parents/caregivers when the child has passed vision screening for amblyopia (lazy eye), as part of routine Well Child health checks.
The full resource:
Mātai Kanohi
I whakamātauria tō tamaiti mō te amblyopia (karu momoe/karapa) hei wāhanga o te B4 School Check.
Kāore i kitea he tohu o te amblyopia (karu momoe/karapa).
Kāore tēnei e mātai i ngā raru kanohi katoa. Tērā pea he raru ā-kanohi atu anō ō ētahi tamariki i hipa i a rātau te whakamātautau nei, koi whanake rānei he raru ā-kanohi ā tōna wā.
Te āta tiaki i ngā kanohi o tō tamaiti
Mēnā he taitu ako, pānui rānei ō tō tamaiti, he ninipa ake ia i ētahi atu ōrite ki a ia te pakeke, ka rewha ōna kanohi, ka huri rānei i te māhunga ki te titiro haere, he ānini rānei te māhunga, he tohu pea pēnei o tētahi raruraru ā-kanohi.
E KORE e tirohia anō ngā kanohi o tō tamaiti kia eke rā anō ki te Tau 7, nā reira ki te māharahara koe ki ngā kanohi o tō tamaiti, he mea nui kia:
- Tono koe i tētahi mātai kanohi mā tō tamaiti ina tae atu anō te Mātanga Tirohanga Kanohi me te Whakarongo ki tō kura (mēnā kei te kura kōhungahunga, kura tuatahi, kura takawaenga rānei); Ā TĒRĀ RĀNEI
- Kōrero ki tō tākuta, ki tētahi kaimātai kanohi rānei.
Mēnā he raru ā-tirohanga tā tō tamaiti, he pai kia wawe te kitea mō āna mahi ako me te whanaketanga.
Ki te māharahara - tēnā whakarite kia tirohia!
Mō ētahi atu kōrero mō te mātai i ngā kanohi o tō tamaiti, haere ki te paetukutuku a KidsHealth NZ: Hearing & Vision Checks For Preschool Children | KidsHealth New Zealand's Trusted Voice On Children's Health, waea rānei ki te ratonga tohutohu hauora koreutu, 24 haora i te rā, a Healthline 0800 611 116