Kafai kua maua te tali mai na hiakiga kua iei te mea e kitea - Tokelau - HE2718
Brief information in Tokelau for people who have received a positive bowel screening test result. The most common further investigation is a test called a colonoscopy, that checks the bowel.
The full resource:
Ko he ā te ka hohoko – kafai kua maua te tali mai na hiakiga kua iei te mea e kitea?
E iei te palapala na kitea i tau fekau mamao i te taimi na fai ai to hiakiga. He tulaga tenei e ono popole pe faka atu ai koe. Kae e tāua ke kē iloa e hē veake ko koe kua maua ite kaneha o te ala o te meakai ona ko te tali o te faka ata e iei ni mea kua kitea. Ko na tamā vaegā palapala e kitea ki tau fekau mamao e ono tutupu mai ini polipe kua ola i loto o te gākau, pe tutupu mai ona ko ni uafiti. Ko na vaega iēnei e togafiti gofie lele.
Ko he ā te kā hohoko?
E manakomia ke fai ni iētahi hukehukega ke hakili pe ko heā te mafuaga e fano ai te palapala. Ko he faka ata te mahani oi fai ke hiaki ai ia loto o te manava.
Ko koe e fakafehokotaki atu e he tino o te kau faigaluega ite koga e nofo ai koe, ke fakatātia he aho ke fai ai to faka ata. E mafai ai la ke fai ki ei ni au fehili agai ki te faka ata tēnei.
Kae mafai foki koe ke faitala ma talanoa ki tau fomai.
Ko he ā te faka ata (colonoscopy)?
Ko te faka ata tenei e faka aogā ai he tamā kīkī pukeata ke kikila ai te fomai fakapitoa pe he teine fomai ki te fahē o to gākau lahi. Ko te pukeata tenei ei te pito o he fagāū laumalū, e huhulu kuiloto o te koga e hau ai tau fekau mamao. Ko te pukeata e faka aogā ke kitea ai ia loto o te ala e fanaifo ai tau meakai, pe iei ni fakahētonu e kitea ki loto.
Ko te faka ata tenei e mafai ke kitea ai kafai kua iei he kaneha pe ni polipe e ola i loto. Ko na polipe e hē ko ni kaneha kae mafai ke ono tutupu ma kaneha ina tauhaga e hau. Ko na polipe e mahani lava oi tipi kehe, kafai e maua, ke puipui ai ke nahe ola ai he kaneha. Ko na polipe e tipi kehe e lafo ki te falemai hukehuke ke hiaki pe iei ai ni hela o te kaneha e ola ai.
E toka 7 ia tino mai te aofaki o na tino e 10 o ki latou e fai na faka ata i loto o te polokalame a te National Bowel Screening, e iei na polipe e maua.
E tali katoa foki te toka fitu o tino mai te faitauga o na tino e toka 100 o ki latou na fai na faka ata i lalo lava o te polokalame tenei, kua kitea kua maua ite kaneha. E tuha la pe ko he vae tolu o na kaneha e maua, e kitea fatoā ola ake.
E ogofia?
Ko iētahi tino e logokino ia te ki latou kafai e fai te faka ata (colonscopy). E kavatu na vailakau ka ko heki faia te faka ata, ke fakamoe ai koe. E iei te fomai ma te teine fomai i loto o te potu e fai ai te faka ata, ke kikilagia koe.
Ni hauniuniga vehea te tatau ke ko faia mo te faka ata tenei (colonoscopy)?
Ko te ala o te meakai e tatau ke fakamāmā ka ko heki faia to faka ata, kae ke kitea lelei ai ia loto. E ono fakatonu atu koe ke nahe kaia ni vaegā meakai ka ko heki pa ki te aho e fai ai to faka ata. E iei te vailakau fakapitoa e fufulu ma fakamāmā ai to manava, e fakatutupu ai to fia fano ki te tafatafa.
Ko te ala o te meakai e tatau ke fakamāmā ka ko heki faia to faka Ko na fakamatalaga agai ki te vailakau tenei e kavatu fakatahi ma te tuhi e fakailoa atu ai te taimi e fai ai tau hiakiga.
E fia te mataloa e taofi ai au ite falemai?
E manakomia koe ke nofo ite falemai mo ni nai itulā. E hē katoa he itulā e fai ai te faka ata (colonoscopy).
E iei te teine fomai pe ko he fomai foki e talanoa atu ki a te koe kae ko heki faia to faka ata, ma tali ni fehili ini mea e fia malamalama ai koe. Ka uma tenei oi kavatu ai te pepa ke haini ke fakailoa mai ai ko koe e mālie ke fai te faka ata. E mafai ke kaumai e koe ni tino o to kāiga ke hapoti koe kae ko heki faia to faka ata.
E tāua to he gālue ite aho alafaki kafai e uma te fai o to faka ata. Ko koe e hē tatau ke kavekave tavale pe faigaluega auā ko na vailakau e inu e koe e faka fia moea tino.
E iei ni āfainaga e maua mai ite faka ata (colonoscopy)?
Ko te faka ata tenei e lahi hēai ni āfainaga kafai e fai. Kae veia lava ko te lahiga o na togafitiga faka falemai, e iēi na āfainga e ono tutupu. E iei te tamā āfainaga e tutupu kafai e kavekehe ni polipe pe ko te faka ata foki lava, e mafai ke toto pe lavea ai te ala o te meakai. E ono manakomia e koe ni iētahi togafitiga, kafai e tutupu na vaega iēnei.
E iei haku tupe e totogi mo te faiga o te faka ata (colonoscopy), ma iētahi hiakiga pe ko ni togafitiga?
E hēai hau tupe e totogi kafai ko na hiakiga ma na togafitiga iēnei e fakataunuku i te hihitemi a te ola mālōlō mo tagata lauaitele, kafai koe e taulia ai fai to faka ata. Vili ki te telefoni ite tuhi na lafo atu. E toe fakatonu e ki matou he tahi taimi mo koe.
Kafai la ko au kua maua ite kaneha o te ala ote meakai?
E fakatonu he taimi ke kikila ai koe e he fomai fakapitoa kafai ko koe kua maua ite kaneha tenei. Ko te togafitiga muamua e fai ko he takotoga. E ono manakomia foki e koe iēnei togafitiga, chemotherapy pe ko te radiotherapy.
E manuia vehea na togafitiga o te kaneha o te ala o te meakai kafai e fai?
Ko na tino e vave iloa kua maua ite kaneha o te ala o te meakai e hili atu te ono manuia kafai e fai o latou togafitiga. E faigatā ona togafiti te kaneha kafai e tuai maua ma kua ina toe vaega o te tauale.
Mo ni iētahi fakamatalaga
- Kikila ifo ki te TimeToBowelScreen.nz
- Telefoni ki te numela 0800 924 432, mai te aho Gafua ki te aho Falaile, mai te 8am – 6pm
- Imeli info@bowelscreening.health.nz
Kikila ifo ki te uepehaite a te Health New Zealand I Te Whatu Ora pe telefoni ki te 0800 924 432, mo ni fakamatalaga agai ki na hiakiga o te hoifua mālōlōina e fakatupe e te kauhaga kua tākua.
Iētahi gagana ma na itūkaigā fakamaumauga
Ko te tuhi tenei e maua i hō he itukāiga i na gagana e tākua i lalo:
Te Reo Māori, Cook Islands, Samoan, Fijian, Rotuman, Kiribati, Tongan, Tuvaluan, Niuean, Tokelauan, Simplified Chinese, Traditional Chinese, Korean, Hindi, Punjabi, Tagalog, Arabic and Burmese.