Founga hono ngaohi e me‘akai Pasifiki, ke kei ifo pe, kae toe tokoni ki he mo‘ui lelei ange hotau sino Tongan HE2689

′Oku kehekehe pe e ngaahi fatongia ′o e ngaahi me′akai ′i hotau sino. Ko e ′uhinga ia ′oku fiema′u ai ke tau ma′u ha kalasi kehekehe ′o e me′akai, ′i he ′aho kotoa pe, ka tau mo′ui lelei.

Tanaki ′a e vesitapolo kuo fakapoloka

′Oku ou tānaki ′a e vesitapolo na′e fakapoloka ki he toenga me′akai. Koe′uhī ko e vesitapolo ′oku mahu ′i he faipa ′oku ne tokonia ke fakamākona′i ′a e fānau.

Fakasi′isi′i ′a e ngako ′oku fakatu′utamaki

′Oku tau tokanga’i hotau mafu ′aki hono fakatalatala ′a e ngako me i he kakano′i manu pea mo e kapapulu pea hu′i ′aki ′a e vai ′a e huhua′i niu.

Founga fakalahi ′o e me′atokoni

′Oku hanga ma′u pe ′e hoku famili ′o fakalahi ′a e kakano′i manu kuo momosi ′aki ′a e kapa piini ke tofu pea toe lahi ai ′a e me′atokoni. ′I hono tānaki ko eni ′oku ma′ama′a fakapa′anga ai mo e toe lahi ′a e me′atokoni.

Fakahoko hono teuteu′i ′a e me′atokoni ki he houa ma′u me′atokoni

′I he ′aho Sāpate ′oku ou teuteu′i ai mo hoku ′ofefine ′a e me′a tokoni ho′atā ma′a homau fāmili. Pea me i ai, ′oku fakafaingofua eni ki he taha kotoa lolotonga ′a e uike ′aki hono haka ′a e fua′imoa, tofi ′a e siisi mo e vesitapolo.

Tauhi ′a e vesitapolo ke tolongaange

I he ′eku tupu hake na′a ku manako ke ma′u me′atokoni me i he vesitapolo kuo haka ‘o fu′u moho. Ka ′i he taimi ni ′oku haka pe ′i he taimi nounou pea ma′u me′atokoni me i ai ′oku ke moho ′ota.

Fetongi ′a e masima

Na′e fakahoko mai ′e he ′eku toketā ke fakasi′isi′i ′a e ma′u/kai masima ke tokoni ke nofo ′a e malohi hono tufaki hoku toto ′i he fika lelei pe nomolo. Ko ia ai ′oku ou tānaki ki he ′eku me′atokoni ha huhua′i lēmani, sipaisi, ′akau fakalelei ′a e ifo ′o e me′atokoni ke ne fetokongi ′a e masima.