BCG Vaccine: After Care for Parents – Fijian version
Na wai ni cula ka yacana na BCG – Na nomuni veiqaravi na i tubutubu ni oti na cula e na wai oqo. Information in Fijian on how to look after the BCG vaccination site following immunisation against tuberculosis (TB).
The full resource:
Na kena qarauni na vanua e cula e na BCG
Na veika mo namaka ni cula oti ko luvemu e na wai ni cula na BCG
E na loma ni 1 ki na 6 na macawa, e na basika e dua na bodaka damudamu lailai e na vanua e cula. E dodonu me maca na bodaka oqo e na vica na macawa e tarava.
Ni oti e 6 ki na 12 na macawa, e rawa ni kacabote na bodaka ka vakawai. Kevaka e yaco oqo, ubia e na lidi mamare ka lawalawa me rawa ni liwava na cagi na vanua e cula. Kua ni vakayagataka na palasita.
E rawa ni taura e tolu na vula me qai maca na bodaka, ka na toka na kena mawe. Oqo na ka e namaki me yaco.
Na kena qarauni na vanua e cula
- Me dau savasava ka mamaca na vanua e cula.
- Kevaka e bodaka na vanua e cula, ubia e na lidi mamare ka lawalawa me rawa ni liwava na cagi na vanua e cula.
Kakua ni boboka se mila na vanua e cula.
Kakua ni vakapalasitataka na vanua e cula.
Kakua ni boroya e na dua na wainimate, waiwai, se draunikau na vanua e cula.
Kakua ni yagoya se masia na vanua e cula.
Kevaka ko nuiqawaqawataka e dua na ka se ko via kila e so tale na i vakamacala me baleta na mate ni gacagaca (TB) se na wai ni cula na BCG, yalovinaka veitaratara kei na nasi ni bula raraba (Public Health Nurse) e na nomu i tikotiko.
Kevaka ko via taroga e so na ka, se ko nuiqawaqawa, e rawa ni ko qiria e na taudaku ni gauna ni cakacaka, na talevoni e sega ni saumi ni Healthline e na naba 0800 611 116.