B4 School Check: Information for Parents and Guardians – te reo Māori version – HE2639
Pamphlet in te reo Māori introducing and explaining the B4 School Check – the final Well Child health check in the year before children start school. To be given out by Well Child providers along with the consent form (see related links below). This resource contains information about how to contact a local provider in your area.
The full resource:
B4 School Check: Ngā pārongo mā ngā Mātua me ngā Kaitiaki
Kua huri ki te 4 tau te pakeke? Me whiwhi i tōu B4 School Check kore utu!
He aha te B4 School Check?
Kāore he utu o te B4 School Check mā ngā tamariki e 4 ki te 5 tau te pakeke i Aotearoa, ā, koinei te tirotiro Tamariki Ora whakamutunga.
He whakaaro pai kia whiwhi tāu tamaiti i tōna B4 School Check i muri tonu i tōna huritau tuawhā.
Ko te Tirotiro he āheinga mōu ki te kōrero ki tētahi nēhi mō tāu tamaiti me te pātai atu
mō ngā mea whai tikanga ki a koe - ā, kāore he paku utu. Ka whakamātautauria hoki ngā kanohi me te rongo o tāu tamaiti.
Whai muri iho i te tirotiro, ka taea e koe te whiwhi tētahi kape o ngā hua.
Ka aha i te B4 School Check?
Ka tonoa koe ki te whakakī i ētahi uiui mō te whanaketanga me te toiora o tāu tamaiti.
Mēnā e haere ana tāu tamaiti ki tētahi kura kōhungahunga, kōhanga reo rānei, ka pātaitia pea rātou mō te akoranga me te whanaketanga o tāu tamaiti.
Ka hui kōrua ko tāu tamaiti ki tētahi nēhi, e 45 miniti te roa. Ka taea e koe te kōrero ki te nēhi mō te toiora o tāu tamaiti me te pātai atu mō ōu āwangawanga.
Ka kōrero te nēhi ki a koe mō:
Te hauora me te whanaketanga o tāu tamaiti, ngā niho, te teitei, te taumaha, te toiora pāpori me te toiora hinengaro, ngā rongoā āraimate hoki.
Ka whakamātautauria ngā kanohi me te rongo o tāu tamaiti e tētahi pūkenga kanohi me
te rongo, ā, ka rerekē pea te wā whakamātautau.
Ka aha whai muri i te B4 School Check?
Whai muri iho i te tirotiro, ka taea e koe te whiwhi tētahi kape o ngā hua, me te tuku
atu i ētahi atu pātai mō te hauora me te whanaketanga o tāu tamaiti.
Tēnā, haria mai tā tāu tamaiti Well Child Tamariki Ora Health Book, kia taea ai e te nēhi te tuhi i te tipuranga me te whanaketanga o tāu tamaiti.
Mēnā kei te whakaaro koe, te nēhi rānei he take hauora, whanaketanga rānei o tāu
tamaiti kia aromatawaitia anō, ka whakawhiti kōrero te nēhi ki a koe me te tono kia tukuna koe ki ētahi atu ratonga ka āwhina pea. Ka taea hoki e te nēhi te āwhina mēnā kāore anō tāu tamaiti kia whiwhi i ētahi rongoa ārai mate.
Ka pēhea te whiwhi a tāku tamaiti i te B4 School Check?
Kia eke ki te 4 tau tāu tamaiti koirā te wā tika mō te B4 School Check. He nui te wā ki te tirotiro anō i a ia i mua i tāna tīmata i te kura. Mō ētahi atu kōrero, ki te tāpui rānei i tētahi tirotiro whakapā atu ki tōu kaiwhakarato ā-rohe.
Mō ētahi atu kōrero mō te B4 School Check kore utu:
- Kōrero ki tōu tākuta ā-whānau, nēhi rānei, ki tōu kaiwhakarato Tamariki Ora, tētahi nēhi hauora tūmatanui rānei
- Haere ki health.govt.nz/b4schoolcheck
- Waea atu ki tōu kaiwhakarato ā-rohe
- Tāmakimakaurau: 0800 104 105
- Kei waho o Tāmakimakaurau: 0800 933 922
HE2639