Breastfeeding Your Baby – Samoan version - HE2100

O le fa‘asusuina o lau pepe

Ole fa‘asusuina o lau pepe o se mafutaga faifai pea i le va o oe ma lau pepe

• e mafai ona amata le fa‘asusuina o lau pepe i le taimi faatoa fanau mai ai
• e le faigofie i le faatoa amata, ae alu alu le taimi ma faapea ona masani i le auala sa‘o
• e toetoe o tinā uma e mafai ona fa‘asusu a latou pepe, pe a maua le fesoasoani talafeagai

O le suāsusu o le tinā, o le suāsusu e sili ona lelei mo lau pepe

• pau lea o le suāsusu e sili ona lelei e fa‘asusu ai lau pepe mai le taimi faato‘a fanau mai ai sei oo atu i le 6 masina le matua
• e aogā mo le puipuiga o lau pepe mai le fulū, manava tigā, fa‘ama‘i tau fatafata ma isi faama‘i eseese
• le a faapea foi ona maua e lau pepe le malosi ma le fiafia

E sili le fa‘asusuina o lau pepe ia oe aua

• e leai se tupe e alu ai
• e sefe ai le taimi
• e maua ai le avanoa e te malolo ai a o fa‘asusu lau pepe
• e mafana ai le mafutaga a oe ma lau pepe

E iai auala eseese e si‘i ai lau pepe pe a fa‘asusu – su‘e le auala e faigofie mo oe

• fa‘ataoto lau pepe i lona itu ma fa‘asaga mai ia te oe
• ave ifo lou lima e taofi ai le tua o lau pepe
• fa‘apipi‘i mai lau pepe i lou tino

Fa‘apapa‘i mai lau pepe i lou susu – ae le o le tuu o lou susu i lau pepe

• Ia mautinoa
  • ua faamaga TELE le gutu o lau pepe
  • ua tuu mai i fafo i lalo o lou susu le laulaufaiva o lau pepe
  • ua pipi‘i mai le auvae o lau pepe i lou susu
• Ia vave ona tuu mai lau pepe i lou susu

A faapea o sa‘o le a ai lau pepe

• o loo tele se vaega o lou susu o loo i totonu o le gutu o lau pepe
• le auvae o lau pepe o loo PIPI‘I lelei i lou susu
• e mafai ona e faalogologo i le foloina o le suasusu e lau pepe
• atonu e tiga ou susu i le taimi muamua e fa‘asusu ai lau pepe ae e iu ina te‘a malie atu

E tatau ona lelei ou fa‘alogona ao fa‘asusu lau pepe

• a faapea e leai – toe amata – tuu lou tama‘i lima i totonu o le gutu o lau pepe e taofi ai le susu
• le a tele nisi faafitauli e ono tutupu mai pe a faapea e le sa‘o le auala e fa‘asusu ai lau pepe
• afai e te lagonaina le tigā o ou susu poo ou matasusu, vaai vave se fesoasoani (vaai le itulau mulimuli)

O a taimi e tatau ai ona fa‘asusu lau pepe?

• O le a mafai lea ona e iloa i ni suiga e vaaia i foliga o le pepe
  • amata ona ala mai
  • minoi solo o le ulu
  • etoeto o le laulaufaiva
  • tuuina o tama‘ilima i totonu o le gutu
    • o le tagitagi o le faaaliga mulimuli lea ua fia susu
• 8 i le 12 taimi e faasusu ai pepe i totonu o le 24 itula
• mo le tele o pepe fou e manaomia le fa‘asusuina i le po
• i nisi aso e mana‘omia e lau pepe le tele o taimi e fa‘asusu ai
• e lē uma le susua o ou suāsusu – o le tele e fa‘asusu ai lau pepe, o le tele foi lea o le susua o ou susu

E mafai ona e fa‘asusu pea lau pepe...

• pe a e alu i se mea ma lau pepe
• a faapea e iai se feau e te alu i ai ae tuu lau pepe i le fale – talanoa ma seisi pe faapefea ona tatau ou suāsusu (vaai le itulau mulimuli)
• a faapea o le a e toe foi e faigaluega (faitau le laupepa, "O Lau Faigaluega ma le Fa‘asusuina o lau Pepe")
• i le tuputupu a‘e o lau pepe – e lelei le faasusu pea ia te oe o lau pepe seia oo lava pe ua tasi o latou tausaga pe sili atu

O le fia maua o se fesoasoani

Fesili i ou aiga ma uo mo se fesoasoani

• e mafai ona fesoasoani mai lau pa‘aga poo nisi tagata o lou aiga i le tausiga o le pepe – si‘isi‘i, fa‘ata‘alo, suiga o le napekini ma le fa‘ataeleina
• e mafai foi ona latou fesoasoani i le faiga o se tagamea, faiga o se kuka, faiga o se fa‘atau ma le va‘aiga o tamaiti matutua

O e manaomia se fa‘asusuina i le fesoasoani o lau pepe?

Su‘e vave se fesoasoani

O ofisa ia e maua mai ai se fesoasoani ma nisi faamatalaga i mataupu tau i le fa‘asusuina o pepe. E maua i le tusi telefoni le tele o numera a ofisa ia.

• Lau faatosaga poo seisi sa vaaia oe i le taimi ao e maua i le ma‘itaga
• Le fomai tausimai (nurse) mai le vaega a le Well Child/Tamaraki Ora i lou lava vaipanoa
• Palanikete (Plunket)
  • Ofisa e faapitoa mo aiga
  • Lau teine foma‘i o le Palanikete o loo latalata ane
• La Leche League – latou te tufaina atu fa‘amatalaga i mea tau fa‘asusuina o pepe ma fai foi latou polokalame e lagolagoina ai tinā o loo fa‘asusu a latou pepe
• O se tagata o loo iai le poto faapitoa i le faasusuina o pepe-o loo iai i se falema‘i poo seisi ofisa. Telefoni se falema‘i, poo le fale failele o loo latalata ane poo lou telefoni foi i le 0800 452 282 (i le ao) e fesili ai mo le igoa o seisi e maua mai ai le fesoasoani lea.
• O se fale poo se ofisa i mataupu tau faasusuina o pepe
• Ofisa mo matua (Parents Centre)

Mo se fesoasoani ma faamatalaga, vili le auaunaga faufautua a le Well Child i le 0800 611 116 poo le PlunketLine i le 0800 933 922

A faapea e le o aogā fesoasoani ia pe e te lē o fiafia i ai – su‘e se fesoasoani i seisi mea

E fia momoli atu se faafetai tele lava i tina, tama ma latou pepe, Waitemata Health. Ua aumai le faatagaina mai le "You can breastfeed your baby" 1998: Commonwealth of Australia copyright i le faaaogaina o lenei tusi.

ISBN: 978-0-478-19309-1 (print)
978-0-478-19310-7 (online)