Whakaritea o tamariki kia hauora te anamata.

Whaia te rongoa arai mate ma ratou.

He UTUKORE nga rongoa arai mate katoa i te Rarangi Arai Mate a-Motu (National Immunisation Schedule) ma nga tamariki kei raro iho i te 18 nga tau.

Kaore he aha o tona tunga kokota, kirirarau ranei. Kei roto i tenei ko nga manuhiri ki Aotearoa.

Te tuku ārainga mate ki ō tamariki

Ka whakarauoratia ngā tāngata i te rongoā ārai mate. Ko te whakarite kia whiwhi rongoā āraimate āu tamariki tētahi o ngā tino huarahi pai rawa atu kia tiakina rātau kia pai ai tō rātou hauora hei te anamata. 

Ka whakaakongia te tinana o tō tamaiti e te rongoā ārai mate me pēhea te kaupare i ngā mate pokenga, ā, ka whakahekea hoki te tūpono ki ngā mate ka hemo pea te tangata. 

Mā te tuku rongoā ārai mate ki tō tamaiti ka tiakina hoki ērā atu tāngata e whakaraerae ana i tō whānau, i tō hapori, tē taea pea e rātou te whai rongoā ārai mate mō rātou anō.

Āhea te wā tika kia  pūwerotia ki te rongoā āraimate

Ka tīmata te haerenga rongoā ārai mate a tō tamaiti i mua i te whakawhānautanga mai. Ina hapū ana koe, he utukore te whai kano ārai mate hei ārai i ngā mate ka whakararu pea i a kōrua ko tō pēpi.

Ka whānau mai tō pēpi, ka taea e ia te whiwhi ngā rongoā ārai mate auau ki ētahi mate e taea ana te aukati, kei roto nei ko te mate tekekō, ko te koroputa hei, ko te mate karawaka hoki.

Ka tukuna ēnei rongoā ārai mate i ētahi wā pū puta noa i te ora o tō tamaiti hei tuku i te whakahaumarutanga tino pai ki a ia. Kei te Rārangi Ārai Mate ā-Motu (National Immunisation Schedule) ngā rongoā ārai mate e taunakitanga ana mā ngā tamariki katoa, me ngā wā e tika ana. He rite tēnei ki tētahi wātaka e whakaatu ana i te wā tika mō ia rongoā ārai mate.

Ka taea e koe te waihanga tētahi wātaka rongoā ārai mate kua whakawhaiarotia mā ō tamariki e whakaatu ana i ngā rongoā ārai mate e hiahiatia ana mai i te 6 wiki ki te 13 tau, me ngā wā e tika ana kia whiwhi i ērā.

Kia whiwhi i te whakahaumarutanga tino pai rawa atu, me whai ō tamariki i te katoa o ō rātou rongoā ārai mate. 

He mea nui ka whiwhi tō tamaiti i ōna rongoā ārai mate katoa, i ngā wā e taunakitia ana. Ki te kore e whakawhiwhia ki ngā rongoā ārai mate i te wā tika, ka nui ake te tūpono pānga o ō tamariki e tētahi mate kino.

Ki te kore koe e tino mōhio ana mēnā rānei kua tukuna te rongoā ārai mate ki ō Tamariki, kua tōmuri rānei, kei te māraurau rānei, me kōrero atu ki tōna rata arowhānui, ki tōna nēhi, ki tōna kaiwhakarato hauora rānei. Ka taea hoki te hihira tāna Well Child Tamariki Ora Health Book.

Mēnā kua mahue i tō tamaiti tētahi rongoā ārai mate, kei te pai tonu. Ka taea e ngā tamariki te whai atu te nuinga o ngā kano ārai mate.

Ngā mate āpiti pea me ngā tauhohe pea

Hei matua, hei kaitiaki rānei, ka āwangawanga pea koe ki tā tō tamaiti tauhohe ki te rongoā ārai mate me ngā mate āpiti ka tūpono puta mai. He āhuatanga tonu kia pēnei tō wairua. Heoi, kaua e māharahara, i te nuinga o te wā he tino māmā ngā pānga āpiti, kāore e roa te pā mai, ā, kāore e pāngia ngā Tamariki katoa.

Ko te tauhohe ki te rongoā ārai mate e tino kitea ana ko te paku kirikā, te mamae rānei, te kōpuku rānei i te wāhi i werohia.

Kua āta aromatawaihia ngā rongoā ārai mate katoa e wātea ana i Aotearoa mō te haumaru me te whai take.

Kua āta aromatawaihia ngā rongoā ārai mate katoa e wātea ana i Aotearoa mō te haumaru me te whai take.

Ngā wāhi hei whai rongoā  ārai mate mō ō tamariki

Hei tāpui i tētahi tāpuitanga rongoā ārai mate, whakapā atu ki te rata arowhānui, ki te nēhi, ki te kaiwhakarato hauora rānei a tō tamaiti. E wātea mai ana hoki ētahi rongoā ārai mate mā ngā toa rongoā, mā ngā hōtaka kura, mā ngā kaiwhakarato Māori, Moana-nui-a-Kiwa hoki, mā ngā hui rongoā ārai mate anō hoki. Ka taea te tāpui ā-ipurangi ngā rongoā ārai mate mō te rewharewha, mō te KOWHEORI-19 hoki ki BookMyVaccine.nz

Ko ētahi atu rongoā ārai mate

Ko ētahi o ngā rongoā ārai mate kāore i te rārangi i tēnei wā ka taunakitia pea mēnā e whakaarohia ana tō tamaiti hei ‘tūraru-nui’, mēnā rānei e hāereere ana ki tāwāhi.

Pātai atu ki tō rata arowhānui, ki tō nēhi, ki tō kaiwhakarato hauora rānei he aha atu anō ngā rongoā ārai mate ka hiahiatia pea e ō tamariki.

He tirohanga poto ki te rongoā ārai mate

• Ka whakahaumarutia e te rongoā ārai mate ngā Tamariki i ngā mate taumaha e 15, neke atu, e taea ana te aukati
• Ka tīmata ngā rongoā ārai mate a tō tamaiti i mua i te whakawhānautanga mai. Ina hapū ana koe, he utukore te whai kano ārai mate hei ārai i ngā mate ka whakararu pea i a kōrua ko tō pēpi.
• He utukore ngā rongoā ārai mate i te Rārangi Ārai Mate ā-Motu (National Immunisation Schedule) mā ngā tamariki katoa i raro i te 18 tau te pakeke.
• Kia tino pai rawa atu te whakahaumarutanga, me whiwhi ō tamariki i ā rātou rongoā ārai mate i te wā i whakaritea, heoi, mēnā kua hipa, kei te pai noa iho, ka taea te whai atu.
• Ka tukua pea ko ētahi rongoā ārai mate atu anō ki ētahi pēpi, tamariki hoki, he nui atu tō rātou whakaraerae atu ki ngā mate.

Mō ētahi atu mōhiohio mō te tiaki i ō Tamariki mā te rongoā ārai mate

• kōrero atu ki tō rata, ki tō nēhi ki tō kaiwhakarato hauora rānei
• waea ki Healthline i 0800 611 116
• torohia info.health.nz