Teuteu e tau fanau ke moua e tau momoui tupu olaola anoiha.

Huki puipui fakagata a lautolu.

Ko e tau huki fakagata oti ne ha i ai ke he National Immunisation Schedule ne moua noa ma e tau fanau ki lalo hifo he 18 e tau tau moui.

Lauia e tau tagata oti mo e nakai fai fakakaupa ha ko e visa poke haau a tuaga fakasitisene. Putoia foki a lautolu e tau tagata ahiahi ki Aotearoa New Zealand.

Huki fakagata e tau fanau

Ko e tau huki puipui fakagata ke momoui ai. Ko e huki fakagata he tau fanau ko e taha ni hanei he tau puhala kua mua atu e mitaki ke moua e tau momoui malolo tino mitaki ma anoiha. To mahani e tino he haau a tama ke totoko kehe e tau gagao kelea mo e tukutuku hifo mo e nakai lauia ke moua ke he tau gagao ne maeke ke mutuhia e tau momoui. Ka huki puipui fakagata e haau a tama to puipui foki a lautolu ne lolelole he haau a magfaoa mo e maaga ne ligaliga ke nakai maeke ke moua e huki puipui ha lautolu.

A fe ke moua e puipuiaga fakagata

Kamata e tau huki fakagata he haau a tama to fanau mai. Ko e magaaho ka fatu a koe, to nakai fai totogi ke moua e huki fakagata ke puipui mai he tau gagao ke hagahaga kelea a koe mo e haau a mukemuke. Ko e magaaho ka fanau mai haau a mukemuke, maeke ke moua e tau huki puipui fakagata ke totoko kehe e tau gagao kehekeheke ne maeke agaia ke kalo kehe mai, lalafi ki ai e whooping cough, chickenpox mo e measles.

Ko e na ha i ai e tau magaaho pauaki he moui he haau a tama ke moua e lautolu e tau huki fakagata nei ke moua e tau puipui mahomo atu. Ko e tau huki fakagata mo e tau magaaho hako kua omoi ke lata he tau fanau oti ne ha i ai ke he National Immunisation Schedule. Kua fakatatai ke tuga e fakamauaga fakapapahi ke fakakite ko e magaaho fe kua lata ke moua e tau huki taki taha. Maeke i a koe ke talaga e taha fakamauaga ni mae haau a tama ne fakakite ko e tau huki fakagata fe ne kua lata a lautolu ke moua mai he 6 e faahi tapu ke hoko ke he 13 e tau tau moui, mo e ko e magaaho fe kua lata ke liu ke moua.

Ke moua e tau levekiaga kua mua, kua lata e tau fanau ke moua oti e tau huki puipui fakagata, he tau magaaho pauaki kua omoi mo e fafati ki ai.  

Kaeke ke tomui e tama haau ke moua e tau huki puipui fakagata to mukamuka a lautolu ke moua e taha gagaohagahaga kelea.

Kaeke ke nakai manatu e koe kua moua nakai he haau a Tama e huki puipui fakagata, mo e kua mole e magaaho, po ke gofua ke moua, fakatutala mo e ha lautolu a ekekafo, nosi po ke faahi gahua ne leveki ke he ha lautolu a tau malolo tino. Maeke foki i a koe ke fakakia e fakamauaga Well Child Tamariki Ora Health Book.

Kaeke kua mole e magaaho he haau a tama ke moua e huki puipui fakagata, mafola. Maeke e tau Tama ke matutaki ke moua e laulahi ha lautolu a tau huki kua to tua.

Ko e tau lauiaaga ne kua maeke ke logona mo e tau fakamailoga

Maeke i a koe ko e matua po ke tagata leveki, ke tupetupe e loto ha ko e tau puipui fakagata mo e tau lauiaaga ne kua maeke ke logona. Kua fa laulahi ke logona pihia. Ka e ua tupetupe, ko e na nakai fa logona lahi e tau lauiaaga, mo e nakai leva foki, mo e nakai lauia oti foki e tau Tama. Laulahi ni ke logona kua velavela po ke mamahi po ke fua e matahuki.

Ko e tau huki fakagata ne moua mo e fakaaoga i Niu Silani ne kua fita e fuafua ke lata ma e haohao mitaki mo e gahuahua mitaki.

Uta ke he na fe e tama haau ke moua e huki puipui fakagata

Ke moua e huki puipui fakagata fakamau e taha magaaho, matutaki ke he ekekafo, nosi, po ke faahi malolo tino ne leveki ke he haau a tama. Falu he tau huki puipui fakagata ne maeke foki ke moua he tau fale talavai, tau fakaholoaga he tau aoga, tau lagomatai ke he tau Mauli, tau tagata Pasifika, mo e tau fakaholoaga pauaki ke lata ma e tau fekau pehe nei. Maeke e tau huki fakagata ke lata ma e fulu mo e COVID-19 ke fakamau ke he kupega hila he BookMyVaccine.nz.

Ko e tau huki foki ne lalafi ki ai

Ha i ai e falu he tau huki ne nakai fakamau ke he fakaholoaga ne kua ligaliga kua lata ma e tama haau kaeke kua nofo he “hagahaga kelea” po ke amanaki ke fenoga atu ke he taha motu.

Huhu ke he haau a ekekafo, nosi, po ke faahi ne leveki ke he haau a tau malolo tino ko e heigoa e tau huki fakagata foki ne kua lata he tama haau ke moua.

Onoono atu ke he tau huki puipui fakagata

• Puipui he tau huki fakagata e tau fanau ke maeke ke kalo kehe mai he 15 he tau gagao hagahagakelea.
• Kua lata e tau huki fakagata he haau a tama ke kamata to fanau mai. Ko e magaaho ka fatu a koe, to nakai fai totogi ke moua e huki fakagata ke puipui mai he tau gagao ke hagahaga kelea a koe mo e haau a mukemuke.
• Ataina ke moua mo e nakai fai totogi e tau huki puipui fakagata ne ha i ai ke he National Immunisation Schedule ke lata mo lautolu e tau fanau ki lalo hifo he 18 e tau tau moui.
• Ke moua e tau puipui kua mua atu, kua lata e haau a tau fanau ke moua e tau huki puipui fakagata he magaaho kua fafati ki ai, ka e kaeke kua mole e magaaho, mitaki, maeke agaia ke matutaki.
• Ko e falu he tau mukemuke mo e tau fanau, ne kua tokoluga atu e tau hagahaga kelea ke moua e tau gagao, ne maeke ke foaki age e falu foki he tau puipui fakagata.

Ke moua foki falu vala tala hagaao ke he levekiaga he haau a tau fanau ke he magaaho ka moua e tau puipui fakagata

• fakatutala mua mo e haau a ekekafo, nosi po ke faahi ne leveki ke he haau a tau malolo tino
• tauhea ke Healthline he 0800 611 116
• finaatu ke he info.health.nz