Fai mea e tatau ma lelei mo le ola maloloina o le fanau.

Fai tuipuipui a le fanau.

O tuipuipuia uma o faamauina i le National Immunisation Schedule e FAIA FUA mo tamaiti i lalo ifo 18 tausaga. 

E le faitaulia ai tulaga o visa po o le sitiseni mo le fanau. E aofia ai ma tagata asiasi mai i Aotearoa Niu Sila.

Tuipuipuia mo lau fanau

E faasaoina le ola i tuipuipuia. O le auala sili e puipuia ai lau fanau mai faamai o le fai lea o tui e puipuia ai e maua ai le ola maloloina. E faagaioia e tuipuipui tino o tamaiti ia iloa tetee atu i faamai pepesi ma tuuitiitia tulaga e aafia ai i se faamai e afaina ai le soifua. E puipuia ma isi tagata e lamatia gofie pe a fai tuipuipui o le fanau faapea ma tagata e lē mafai ona fai tuipuipui mo i latou lava.

Vaitaimi o le soifuaga e fai  ai tuipuipui

E amata fai tuipuipuia mo lau tamaitiiti a o le i fanau mai. E fai fua tuipuipui i le taimi o lou maitaga, e puipuia ai oe ma pepe mai faamai. E mafai na faasolo mai i le vaitaimi o pepe meamea ai, le fai o tuipuipuia e tali atu ai i faamai e mafai na taofia, e aofia ai le tale vivii, tanesusu ma le misela.

E patino lava vaitaimi o le soifuaga o le tamaitiiti e fai ai tuipuipuia e maua ai le puipuiga sili mo ia. Ua faatulagaina vaitaimi e fai ai tuipuipui ua fautuaina mo tamaiti uma i le National Immunisation Schedule.

O le faasologa lea o vaitaimi e fai ai tuipuipui taitasi. E mafai na e faia se faasologa e patino i lau fanau e iloa ai tuipuipuia e fai i le 6 vaiaso faasolo atu i le 13 tausaga o le matutua.

E maua le puipuiga sili, pe a fai tuipuipuia uma mo le fanau. 

E tāua le fai o tuipuipuia uma mo si au tama, i vaitaimi ua fautuaina. E mafai na aafia tamaiti i se faamai ogaoga pe a lē faia tuipuipui e puipuia ai i le taimi e tatau ona fai ai.

Talanoa i le fomai, tausimai po o le auaunaga faalesoifua maloloina, pe afai e te le o mautinoa pe ua fai tuipuipuia mo lau fanau, pe ua misi se tui, pe agavaa ai foi. O faamatalaga nei o tusia i le Well Child Tamariki Ora Health Book.

E leai se afaina pe afai ua misi se tuipuipuia. E mafai na fai tuipuipui ua misi.

PO O aafiaga ma faaletonu e ono afaina ai.

E lē mafai ona lē popole se tasi o mātua po o se isi o tausia le tamaitiiti, pe a vaaia se mea ua aafia ai mai tuipuipuia sa fai. E lē o se mea e faateia ai. O le tele o aafiaga e feololo, ma e lē umi, ma e lē o Tamaiti uma e maua ai.

O tulaga taatele e ilitata ai i se tuipuipuia o se fiva feololo po o le tiga po o le fula i le vaega o le tino na tui.

Ua suesueina atoatoa lelei tuipuipui uma o faia i Niu Sila mo tulaga tau saogalemu ma le aogā.

Nofoaga e fai ai tuipuipuia a le fanau

Faafesootai le fomai, tausimai, po o le vaega faalesoifua maloloina 
e faatonu ai se avanoa e fai ai tuipuipuia a lau tamaitiiti. E iai isi tuipuipuia e mafai na maua atu i faletalavai, polokalame fai a aoga, auaunaga mo tagata Maori ma tagata Pasifika, ma polokalame faalauaitele mo tuipuipuia. E mafai na faatonu tuipuipui o le fulū ma le COVID-19 i le BookMyVaccine.nz.

Tuipuipui faaopoopo

E iai isi tuipuipui faaopoopo e lē o faamauina e ono fautuaina mo lau tamaitiiti pe a faapea o maua i se tulaga e “lamatia gofie” ai po o fuafua mo se faigamalaga i atunuu mamao.
Fesili i lau fomai, tausimai, po o le auaunaga faalesoifua maloloina po o ā tonu tuipuipuia faaopoopo e moomia mo lau tamaitiiti.

Aogā tonu o tuipuipuia 

• O tuipuipuia e puipuia ai Tamaiti mai le 15 ma luga atu le matutua mai faamai e mafai na taofia.
• E amata fai tuipuipuia mo lau tamaitiiti a o le i fanau mai. E fai fua tuipuipui i le vaitaimi o lou maitaga, e puipuia ai oe ma pepe mai faamai.
• E fai fua tuipuipuia ua faavasegaina i le National Immunisation Schedule mo tamaiti uma i lalo ifo 18 tausaga le matutua.
• E maua le puipuiga sili, pe a fai tuipuipuia i le vaitaimi tonu o le soifuaga e tatau ona fai ai, ae e leai se afaina, pe a misi, e mafai pea na fai.
• E iai tulaga mo nisi o pepe ma tamaiti, e maualuga tulaga e mama‘i ai, e mafai ona faaopoopo tuipuipuia e fai.]

Mo nisi faamatalaga e faatatau i tuipuipuia e puipuia ai lau Fanau

• talanoa i lau fomai, tausimai po o le auaunaga faalesoifua maloloina
• valaau le  Healthline i le 0800 611 116
• tagai i le info.health.nz