Sivi e ngākau lahi - All about bowel screening - Tongan - HE2763
National bowel screening campaign brochure in Tongan. For anyone who needs information about bowel screening and bowel cancer.
Please note that orders are restricted to 50 brochures.
The full resource:
Sivi ngākau lahí ʻoku
- Taʻetotongi.
- Vave mo faingofua hono fakahoko ʻi ʻapí.
- ʻOatu fakataʻu ua hoʻo naunau siví.
- ʻAtā ki he kakai taʻu 60-74.
ʻOku kau ʻa Nuʻusila ni ʻi he ngaahi fonua ʻoku maʻolunga taha ai e kanisā ngākau lahi ʻi māmani.
Ko e kanisā ngākau lahí ʻoku ʻikai faʻa ʻi ai hano ngaahi fakaʻilonga. Ka ʻoku tokoni ʻa e sivi ngākau lahí ki hono ʻiloʻi kei taimi ʻa e kanisā mo faitoʻo ke sai. ʻOku malava ke ʻilo mei ai ha toto ‘oku ‘asi ‘i hoʻo tuʻumamaʻo (poo) ‘a ia ‘e malava pe ke tala ko e fakaʻilonga ia ‘oku ‘i ai e palopalema ‘oku hoko.- liliu e angamaheni ‘a hoʻo tuʻumamaʻó ‘o laui uike.
- toto ‘i hoʻo tuʻumamaʻo.
Neongo ko e ngaahi fakaʻilonga ko ení ‘oku malava ke fakatupu ‘e ha ‘ū meʻa kehe, ka ‘oku mahuʻinga ke fai ha ngāue ki ai ‘a hoʻo toketā.
Ko e hā e ngāue ‘a e siví ‘oku faí
‘E malava ‘e he kiʻi sivi faingofua ni ‘o fakahaofi hoʻo moʻui!
‘E ‘oatu pe naunau siví ki ‘api na. Fai hoʻo siví ‘i he faingamālie vave taha. Kapau he ‘ikai te ke fai e siví ‘i loto he māhina ‘e ono ‘e taʻeʻaonga e naunaú pea ‘e fiemaʻu ke ke sivi foʻou.
‘Oku faingofua pe hono fai ‘o e sivi ngākau lahi.
- Ngāueʻaki e kiʻi vaʻakau ‘oku ‘oatú ‘o heuʻi ‘aki ha meʻi tee pe sample mei hoʻo tuʻumamaʻo (poo). Fakahū e vaʻakaú ki he kiʻi foʻi hiná ‘o meiliʻi mai he sila ne faʻo atu ‘i he naunau.
- ‘Oku ‘oatu e naunau siví fakataha mo e fakamatala mahino ngofua ke faiʻaki e sivi.
- Feinga ke meiliʻi mai ‘a e meʻi tee pe sample ‘i he ‘aho naʻe toʻo ai, pe ko e ‘aho hokó.
Ola hoʻo sivi
‘E maʻu atu e ola hoʻo siví ‘i loto he uike ‘e tolu mei he ‘aho naʻe meiliʻi mai ai hoʻo sivi.
‘E ‘oatu ha tohi fekauʻaki mo e ola hoʻo sivi, pea ‘e malava pe ke ke fetuʻutaki ki hoʻo toketā pe neesí ‘o vakai.
Kapau he ‘ikai te ke maʻu e ola hoʻo siví ‘i loto he uike ‘e tolu, kātaki ‘o tā mai ki he 0800 924 432 pe ‘imeili info@bowelscreening.health.nz
Nekativi e ola
Kapau ‘e nekativi e ola hoʻo siví ‘e ‘ikai fiemaʻu ke ke toe fai ha meʻa he taimi ni. Fakapapauʻi ke fai hoʻo sivi hokó ‘i hono meiliʻi atu ‘a e naunaú hili ha taʻu ‘e ua.
Sio ki hoʻo toketā ‘oua toe toloi kapau ‘oku ‘asi ha ngaahi fakaʻilonga ‘oku liliu e angamaheni hoʻo tuʻumamaʻó ‘o laui uike, pe ‘asi ha toto ‘i ho’o tuʻumamaʻo (poo) - ‘oua ‘e tali ki hoʻo taimi sivi hokó.
Positivi e ola
Kapau ‘oku positivi e ola hoʻo siví ‘oku ‘uhinga ia ‘e fiemaʻu ke hoko atu ‘a e sivi. Ko e angamahení ko e sivi colonoscopy.
‘Oku ‘ikai ‘uhinga ‘a e positivi e olá ‘oku maʻu koe ‘e he kanisā ngākau lahí.
‘Oku maʻu atu e ngaahi fakamatala lahi ange fekauʻaki mo e positivi e olá ‘i he timetobowelscreen.nz
‘Oku ‘ikai sai e sivi ngākau lahí ki he tokotaha kotoa
Kapau te ke fakatonuki ha taha ‘o e ‘ū puha ko ení talanoa ki hoʻo toketā pe tā mai ‘i he fika ta’etotongi 0800 924 432. ‘Oku malava pe ke ‘ikai sai e sivi ngākau lahí kia koe.
- □ ‘Oku ou maʻu e taha ‘o e ngaahi fakaʻilonga ‘o e kanisā ngākau lahí - sio ki ho’o toketā ‘oua toe toloi.
- □ Naʻa ku ‘osi fai e sivi colonoscopy ‘i he taʻu ‘e 5 kuohilí. Kātaki ‘o tā mai koeʻuhi kemau toe fakaafeʻi koe ‘i he kahaʻu.
- □ ‘Oku ou lolotonga kau ‘i he polokalama sivi fuofua (polyps) pe sivi kanisā ngākau lahi.
- □ Naʻe ‘osi maʻu au he kanisā pe ‘oku ou lolotonga faitoʻo kanisā ngākau lahi.
- □ Na’e faitoʻo au ‘o toʻo e ngākau lahi.
- □ ‘Oku maʻu au ‘e he ulcerative colitis pe Crohn’s disease.
Ko e hā e kanisā ngākau lahi?
- ‘Oku toe ‘iloa pe kanisā ngākau lahí ko e kanisā colon, rectal pe colorectal cancer.
- Ko ho ngākau lahí ko e konga ia ‘o e halanga kai (digestive system). ‘Oku faʻu ‘aki a e ngākau siʻi, ngākau lahi (colon), mo e mui (rectum).
- ‘Oku kamata ‘a e kanisā ngākau lahí mei he fakautuutu e tupu mofele ‘a e sela (cells) ‘o ‘ikai lava ke taʻofi.
- ‘E malava ke tupu e sela (cells) ‘o hoko ko e foʻi fuofua (polyp) pea malava ke tupu e ngaahi foʻi fuofua (polyps) ko e kanisā hili ha ngaahi taʻu.
- ‘E lava ke fuoloa kimuʻa pea tupu mo mofele ‘a e kanisā ki he ngaahi konga kehe ‘o e sinó.
- ‘E tokoni ‘a hono toutou fai e sivi ngākau lahí kia kinautolu ‘oku ‘asi ai e ngaahi faka’ilonga, ke nau fekumi ki ha faingamālie ke faitoʻo ai e kanisā ngākau lahí kei taimi ke sai.
Ki ha ngaahi fakamatala toe lahi ange
- Hū ki he timetobowelscreen.nz
- Telefoni taʻetotongi 0800 924 432, Monite ki he Falaite, 8am-6pm
- ʻImeili info@bowelscreening.health.nz
Ko e fakamatala fekauʻaki mo kinautolu ‘oku ‘atā ki he ngaahi tokoni fakapaʻanga ‘a e potungāue moʻuí vakai ki he uepisaiti ‘a e Health New Zealand | Te Whatu Ora Eligibility for publicly funded health services – Health New Zealand | Te Whatu Ora pe tā ki he 0800 924 432
Ngaahi lea kehe mo e fōmeti
Ko e tohi fakamatala ko ení ‘oku malava ke maʻu atu ia he fōmeti tatau ‘i he ngaahi lea kehe ko eni:
Te Reo Māori, Cook Islands, Samoan, Fijian, Rotuman, Kiribati, Tongan, Tuvaluan, Niuean, Tokelauan, Simplified Chinese, Traditional Chinese, Korean, Hindi, Punjabi, Tagalog, Arabic mo e Burmese.