Make Your Car Smokefree - Cook Islands Māori version - HE1803-CIM
Leaflet in Cook Islands Māori on keeping your car smokefree and not exposing passengers, especially children, to the risk of second-hand smoke, or to the negative example of smoking. Describes the risks of second-hand smoke, which can increase the likelihood of chest infections and contains many poisons known to cause cancer.
The full resource:
Akapapuʼia tōʼou ei mōtokā kare e kai ʻavaʼavaʼia ana ki roto
I te ʻakatopa mai i te tamariki i te ʻakaeaʻanga i te auaʻi ʻavaʻava a
tetaʻi atu, kua riro mai ei ture, te kai ʻavaʻava i roto i tetaʻi ʻapinga ʻakaʻoro, me e tamariki tetaʻi tei raro ake i te 18 mataʻiti i roto, mei te rā 28 o Noema i te mataʻiti 2021.
Ka tupu te kino ki tāʼau anau tamariki me kai ʼavaʼavaʼia i roto i te mōtokā, nō te mea:
- Ka akaea te tamariki i te rua ō te koʼu auaʼi ā te aronga kai ʻavaʼava, ē kā riro tēia i te ʻakatupu i tētai au maki, mei te au tu maki ūmaūma, te taringa pīrau, ē te potopoto aʼo.
- Ko te au tamariki māpu e au taeake/ngutuare tangata/kopu-tangata tō rātou e kai ʻavaʼava ana, tē kā riro katoa mai ei aronga kai ʼavaʼava.
Te rua ō te koʼu auaʼi i roto i tōʼou mōtokā
Ko te rua ō te koʼu auaʼi ʻavaʼava, koia oki, ko te auaʼi i te ope o te ʻavaʼava ē kā ra, ē pēra katoa te auaʼi tā te tangata kai ʻavaʼava ē pupuʼi ra ki roto i te reva. Tei runga atu i te 200 te au tū poitini i roto i teia auaʼi te ka riro ē, nā tētai pae ō teia au poitini, e ʻakatupu i te maki cancer.
- Ua atu ē ka akatueraʼia te au māramarama ō te mōtokā, kāre te au poitini kātoatoa ē pou i te ngaro
- Ua atu ē ka ngaro te auaʼi ē te aunga ō te ʻavaʼava, kā roa te poitini i te vai ua anga.
- Kāre e rauka i te tamariki i roto i te mōtokā i te akaneke mamao ia rātou i te rua o te koʼu auaʼi ʻavaʼava.
Te au takainga māmā kia kore tōʼou mōtokā ē kīʼia ē te rua ō te koʼu auaʼi ʻavaʼava
- Tukuʼia tetai ture – kāre ē tikaʼia te kātoatoa i te kai ʻavaʼava i rota i tōʼou mōtokā.
- Tāmaʼia tāʼau apinga vairanga reʼu ē te tumutumu ʻavaʼava
- Akapaeʼia te apinga tutungi ʻavaʼava.
- Akakiteʼia ki te tangata – tukuʼia tetai tuatua ārai i te kai ʻavaʼava (Smokefree) ki runga i tōʼou māramarama mōtokā.
- Patiʼia ki tōʼou ngutuare ē te kopu-tangata, auraka e kai ʻavaʼava i roto i tōʼou mōtokā, ei rāvenga no te turuturu i tōʼou anoano.
Kia riro koe ei ākaraʼanga meitaki nō te katoatoa, i te kore ē kai ʻavaʼava i te au tuātau katoatoa mē ē tamariki tetai i reira. Ka riro teia i te tauturu kia kore rātou e riro mai, e aronga kai ʻavaʼava.
www.smokefree.org.nz/secondhandsmoke
Code: HE1803 Cook Islands Māori