Make Your Car Smokefree - Tongan version - HE1803-TON
Leaflet in Tongan on keeping your car smokefree and not exposing passengers, especially children, to the risk of second-hand smoke, or to the negative example of smoking. Describes the risks of second-hand smoke, which can increase the likelihood of chest infections and contains many poisons known to cause cancer.
The full resource:
Tapuʼi ʻa e ifi tapakaʼ ʻi hoʼo meʼaleleʼ
Ke fakasiʻisiʻi ‘a e feangai ‘a e fānaú ʻi haʻanau mānavaʻaki ʻa e ʻahuʻi tapaka ‘oku puhi ki tu’a ‘e he kau ifi tapaká, naʻe kamata meí he ʻaho 28 ʻo Nōvema 2021 ʻa e ta’efakalao ‘a e ifi tapaká ʻi ha meʻalele ʻoku ʻi ai ha fānau ʻoku siʻi hifo ʻi he taʻu 18 honau taʻu motuʻá.
ʻOku fakatuʼ utāmaki lahi ʻaupito ki hoʼo fānauʼ ʻa e ifi tapaka ʻi he loto meʼaleleʼ koeʼuhiʼ:
- Te nau ʻahuina he ʻahuʼitapakaʼ mo mānavaʼaki, pea maʼu ngofua kinautolu ʻe he mahakiʼ, hangē ko e mahaki-fatafataʼ, telinga-hafuʼ pe mahaki helaʼ.
- ʻI he tutupu hake ʻa e longaʼifānauʼ ʻo mamata ʻoku ifi ·a honau kaungameʼaʼ /fāmiliʼ /kaingaʼ, ʻe ʻangeʼange ai pē ʻa e malava ke maʼu kinautolu ʻe he ifi tapakaʼ.
Koe ʻahuʼitapakaʼ ʻi he loto meʼaleleʼ
Ko e ʻahuʼitapakaʼ ko e fio ia ʻo e ʻahu meiʼ ha foʼi tapaka (sikaleti) mo e ʻahu ʻoku puhi mai ʻe ha taha ifi tapaka. ʻOku laka hake he 200 ʻa e faʼahinga naunau kona mate ʻoku ʻi aiʼ pea ko e niʼihi ʻo e kona ko iaʼ ʻoku fakatupu kanisa.
- Heʼikai lava ʻe he takai hifo ia ʻo e sioʼata ʻo e meʼaleleʼ ke ne toʼo kotoa ʻa e konaʼitapakaʼ.
- ʻE kei taumaʼu pē ʻa e konaʼitapakaʼ ia neongo ka ʻosi atuʼ ʻa e ʻahuʼ mo e namutapakaʼ.
- ʻOku ʻikai lava ʻa e longaʼifānauʼ ia ʻo fakaʼehiʼehi meiʼ he ʻahuʼitapakaʼ ʻi he Ioto meʼaleleʼ.
Ko e fanga kiʼi meʼa faingofua ke fai ke ʻoua ʻe fai ai ha ifi tapaka ʻi hoʼo meʼaleleʼ
- ʻAi haʼo lao – ʻoku tapu ke ifi tapaka ʻi hoʼo meʼaleleʼ ha taha pē he taimi kotoa pē.
- Fufulu ke maʼa ekiaki ʻa e meʼa-tūefu ʻi hoʼo meʼaleleʼ.
- Toʼo ʻaupito ʻa e masi tutu tapaka ia ʻo e meʼaleleʼ.
- ʻAi ke ʻilo ʻe he kakai keheʼ – ʻai ha fakaʼilonga “Smokefree” (tapu ifi tapaka) ʻi he matapaaʼ sioʼata ʻo hoʼo meʼaleleʼ
- Kole ki ho familiʼ mo e kāingaʼ ke nau poupou atu ʻaki ʻa e tapu ifi tapaka ʻi hoʼo meʼaleleʼ.
Ko e ʻahuʼitapakaʼ ko e fio ia ʻo e ʻahu meiʼ ha foʼi tapaka (sikaleti) mo e ʻahu ʻoku puhi mai ʻe ha taha ifi tapaka. ʻOku laka hake he 200 ʻa e faʼahinga naunau kona mate ʻoku ʻi aiʼ pea ko e niʼihi ʻo e kona ko iaʼ ʻoku fakatupu kanisa.
Hoko ko ha sīpinga lelei, pea ʻoua ʻaupito naʼaʼ ke ifi tapaka ʻo ka ʻoku ʻi ai ha fānau he feituʼu ʻokuʼ ke ʻi aiʼ. Ka pehē pea ʻe ngali ke fakasiʼisiʼi ange leva heni haʼanau tupu hake ʻo ifi tapaka.
www.smokefree.org.nz/secondhandsmoke
Code: HE1803 Tongan