Make Your Car Smokefree - Samoan version - HE1803-SAM
Leaflet in Samoan on keeping your car smokefree and not exposing passengers, especially children, to the risk of second-hand smoke, or to the negative example of smoking. Describes the risks of second-hand smoke, which can increase the likelihood of chest infections and contains many poisons known to cause cancer.
The full resource:
ʻIa taofia le ulaula i lau taʼavale
Mo le faaitiitia o le afaina o tamaiti mai asu o tapaa o ula e isi, na
amata taofia i le tulafono mai le aso 28 Novema 2021 le ulaula i totonu o se taavale a o iai ma tamaiti e i lalo ifo ma le 18 tausaga le matutua.
ʻO le ulaula i le taʼavale e āfāina ai lau fānau ona:
- ʻOleʼā latou mitiʼia ai asu o sikaleti a isi, ma o tamaiti latou te manavaina le asu o sikaleti a isi e sili atu ona latou ono maua i ni maʼi e pei o faʼamaʼi o le fatafata, taliga tutuli ma le maʼi sela.
- ʻO tupulaga talavou e iai a latou uō/ʼaiga e ulaula e sili atu foʼi ona ono ʻavea i latou ma tagata ulaula.
ʻO le asu mai le sikaleti a isi i totonu o lau taʼavale
ʻO le asu mai le sikaleti a isi e āfua mai lea i le muli sikaleti ʻoloʼo ola faʼapea ma le asu e feula mai e le tagata ulaula. ʻOloʼo iai ma le sili atu i le 200 kasa ma isi vai ʻoʼona, ʻo nisi e ono maua ai i le kanesa.
- ʻO le tatalaina o faʼamalama e lē mafai ona ʻaveʼese ai le tele o kasa ma vai ʻoʼona.
- E tūmau pea kasa ma vai ʻoʼona tusa lava pē ʻua teʼa le asu ma le manogi.
- E lē mafai ona ʻalofia e tamaiti le asu o sikaleti a isi ʻaʼo iai i totonu o le taʼavale.
ʻO ʻauala faigōfie e taofia ai le ulaula i lau taʼavale
- ʻIa fai se tulāfono – e sā le ulaula i le taʼavale i taimi ʻuma.
- Fufulu le tālefulefu o lau taʼavale
- ʻAveʼese le afi tutu sikaleti mai le taʼavale.
- Faʼailoa i isi tagata – faʼapipiʼi se faʼailo “E Sā le Ulaula” i le faʼamalama o lau taʼavale.
- Fai i lou ʻāiga e lagolago ʻoe i le taofia o le ulaula i lau taʼavale.
ʻIa ʻavea ʻoe ma faʼataʼitaʼiga lelei ma ʻaua neʼi ulaula ʻaʼo iai tamaiti i soʼo se taimi. E faʼaitiitia ai le ʻavea o i latou ma tagata ulaula.
www.smokefree.org.nz/secondhandsmoke
Code: HE1803 Samoan