Make Your Car Smokefree - te reo Māori version - HE1803-TRM
This resource relates to the following topics:
Leaflet in te reo Māori on keeping your car smokefree and not exposing passengers, especially children, to the risk of second-hand smoke, or to the negative example of smoking. Describes the risks of second-hand smoke, which can increase the likelihood of chest infections and contains many poisons known to cause cancer.
The full resource:
Me auahi kore tō waka
Hei whakaiti i te pānga o te momi hāngū ki ngā tamariki, i te
28 o Whiringa-ā-rangi 2021 i aukatia ā-ture te kai paipa i roto i tētahi
waka mehemea he tamariki kei raro i te 18 tau i roto i te waka.
He mea mōrearea ki ō tamariki te kai hikareti i te waka nā te mea:
- Ka pā te auahi hāngū ki ngā tamariki, ā, he nui ake te tūponotanga ka pāngia
ngā tamariki ka momi hāngū e te mate, pēnei i te pokenga uma, te taringa hoi,
te mate huangō rānei. - Ko ngā rangatahi, he hoa, he whanaunga kai paipa ō rātou, he nui ake te tūponotanga ka kai paipa rātou.
He ranunga tēnei mea te auahi hāngū o ngā auahi e puta mai ana i te pito kā o tētahi hikareti, me te auahi ka pūhia e te tangata kai paipa ki waho.
E 200 rau neke atu ngā paihana ō roto, ko ētahi o ēnei he pūtake mate pukupuku.
Te auahi hāngū i roto i tō waka
- Ahakoa ka whakahekea te wini e kore ngā paihana katoa e puta.
- Ka noho tonu ngā paihana ahakoa kua ngaro noa atu te auahi me te haunga.
- Kāore e taea e ngā tamariki te neke tawhiti atu i te auahi hāngū, i roto i tētahi waka.
He huarahi māmā e auahi kore ai tō waka
- Whakaritea he ture - me auahi kore tō waka i ngā wā katoa, mō te katoa.
- Horoia te papa pungarehu o tō waka.
- Tangohia rawatia te tahu hikareti o tō waka.
- Whakamōhiotia te tangata – meatia he tāpiri Auahi Kore ki te wini o tō waka.
- lnoi atu ki tō whānau kia tautokona koe, mā te noho auahi kore ki roto i tō waka.
Māu e whakaatu te mahi tika, kaua e kai paipa i mua i te tamariki ahakoa ki whea. Ka iti ake te tūponotanga ka kai paipa rātou.
www.smokefree.org.nz/secondhandsmoke