Make Your Car Smokefree - Cook Islands Māori version - HE1803-CIM
Leaflet in Cook Islands Māori on keeping your car smokefree and not exposing passengers, especially children, to the risk of secondhand smoke, or to the negative example of smoking. Describes the risks of secondhand smoke, which can increase the likelihood of chest infections and contains many poisons known to cause cancer.
The full resource:
‘Akariro ‘i tō’ou mōtokā, ‘ei ngā’i kai ‘ava’ava-kore, ‘ē te kai ‘ava’ava-vaipa-kore
Kā ‘apa koe ‘i te ture, mē kai ‘ava’ava, mē kore, kai ‘ava’ava-vaipa koe, ‘i roto ‘i tēta’i ‘apinga ‘aka’oro, ‘e tamariki tō roto, ‘i raro ake ‘i te 18 mata’iti.
’E mea kino te kai‘ava’ava ‘i roto ‘i te mōtokā, nō tā’au tamariki
- Ko te au tamariki ka ‘akaea ki roto ‘i te aua’i ‘ava’ava a tēta’i e kai ‘ava’ava ra, ka tū’ia rātou e te au tū maki, mei te au maki umauma, taringa tāturi-pipiri, ‘ē te a’o potopoto.
- Ko te au māpū tamariki ‘e kōpū tangata, ‘ē te au taeake tō rātou e kai ‘ava’ava-vaipa, mē kore, ‘e kai ‘ava’ava ana, ‘i te ma’ata’anga o te taime, kā kai ‘ava’ava
vaipa, mē kore, kai ‘ava’ava rāi rātou.
Ko te aua’i ‘ava’ava, o tēta’i ‘e kai ‘ava’ava ra, ‘e kā’iro aua’i tē reira mei te ‘ope kā ‘ō te ‘ava’ava, kāpiti atu ki te au’ai e pupui’ia ra ‘ē te tangata kai ‘ava’ava ki roto ‘i te reva. Tei roto ‘i reira, ma’ata atu ‘i te 200 au poitini, ko tēta’i pae, nā rātou e ‘akatupu ana ’i te maki ‘ōviri.
‘Akaea ‘i te aua’i ‘ava’ava a tēta’i ‘e kai ‘ava’ava ra, ‘i roto ‘i tō’ou mōtokā
- Kāre te tāviri’anga ‘i te māramarama ki raro, ‘e ‘apai-kē atu ‘i te katoa’anga ‘ō te poitini.
- Kā vai rāi te poitini ‘i muri roa ake ‘i te ngaro’anga ‘ō te aua’i, ‘ē te ‘aunga.
- Kāre e rauka ‘i te tamariki, ‘i te ‘akaātea mai mei te aua’i ‘ava’ava a tēta’i e kai ‘ava’ava ra ‘i roto ‘i te mōtokā.
Au rāvenga kia riro tō’ou mōtokā, ‘ei ngā’i kai ‘ava’ava-kore ‘ē te kai ‘ava’ava-vaipa-kore
- ‘Anga ‘i tēta’i ture – ‘e mōtokā kai ‘ava’ava-kore ‘ē te kai ‘ava’ava-vaipa-kore tō’ou, ‘i te au taime ravarāi, ki te kātoatoa.
- Tāmā atu ‘i te patu re’u ‘ava’ava ‘o tō’ou mōtokā.
- ‘Apai-kē atu ‘i te māti tutungi ‘ava’ava ‘ō te mōtokā.
- ‘Akakite ki tēta’i tangata - tuku ‘i tēta’i peapa tāpipiri, kai ‘ava’ava-kore ‘ē te kai ‘ava’ava-vaipa-kore, ki runga ‘i te māramarama ‘ō tō’ou mōtokā. Ka rauka ‘iā koe, ‘i te ‘ōta atu ‘i te au peapa tāpipiri ki kō ‘i te Supporting Aotearoa to live and breathe smokefree | Smokefree.org.nz ‘ē te HealthEd
- Tuku atu ‘i tā’au vaipa, ‘auraka kia kitea, ‘ē kia taeria’ia.
Kia riro koe ‘ei ‘ākara’anga meitaki, ‘ē, ‘auraka ‘ē kai ‘ava’ava, mē kore, kai ‘ava’ava-vaipa, takapini ‘i te au tamariki, ‘i tēta’i ‘uātu taime. Kā riro teia ‘ei ‘akaiti mai ‘i tō rātou ‘inangaro ‘i te kai ‘i te ‘ava’ava, mē kore, kai ‘ava’ava-vaipa.
Secondhand smoke | Smokefree.org.nz